Assalamu'alaikum wa rahmatullaahi wa barakaatuhu Angku Suryadi jo sanak sa palanta di sabalik bumi Allah, Indak pandai baimaik ko jadi kakobeh di samantaro urang awak Indonesia ko. Ambo aliah carito ka tampek urang baralek. Bukan baralek caro di kota sajo, tamasuak baralek baradaik di kampuang. Di kampuang awak (kini) tabiaso makan jo nasi nan alah basanduak-an di piriang. Porsi no biasono iyo agak ekstra gadang. Indak banyak tamu nan datang nan mamintak piriang kosong untuak tampek mangurangi nasi nan porsino indak ketek tu. Aa nan biasono tajadi, katiko paruik indak manarimo lai, nasi nan masih tingga satangah piriang tu basiram sajo jo ayia pambasuah tangan. Indak maraso badoso saketek juo 'awak' doh. Baitu juo di tampek urang baralek caro di kota. Dek salero mato sabana gadang, sagalo macam baangkek ka piriang awak. Sudah itu, antah aa lah alasanno batinggaan jadi siso nan katacampak. Indak ado raso panyasalan saketek juo doh. Sarupo itu juo pamakaian listrik baiak di rumah atau di kantua-kantua. Jarang nan ka amuah baretong jo pamakaian sampai watt nan ketek-ketek tu.
Wassalam, Lembang Alam ----- Original Message ---- From: Lies Suryadi <[EMAIL PROTECTED]> To: [email protected] Sent: Thursday, July 10, 2008 11:33:43 PM Subject: [EMAIL PROTECTED] KONSUMEN PLN 'CUCI TANGAN' Kurang baimbang ko maliek masalah. Konsumen PLN kito nan boros ko baa ko? Apo indak ado perannyo dalam krisis listrik ko? Duo minggu nan lapeh ambo manginap jo 3 urang petinggi BRR Aceh di asrama mahasiwa Liverpool John Moores University di Liverpool. Tiok nyo sudah mandi jo sudah dari kakuih, lampu lupo nyo matian. Kami manginap labiah kurang tigo ari. Salamo tigo ari tu ambo cubo 'maajanyo' mahemat listrik. Ambo masuak kakuih dulu....kalua..mbo matian lampu. Baitu juo sudah mamakai kamar mandi. Tanyato INDAK MUDENG. Sambilan lampu di blok kamar tampek tingga kami tu..nyo iduik'an sadonyo.Ambo kecek'an,di siko agak aneh sarupo ko. Urang hanyo maiduik'an lampu di tampek nan paralu sajo. Kalau lagi di kamar tamu, yo..lampu kamar tamu sajo nan diiduik'an. Kalau karajo di dapua, yo lampu di dapua diiduik'an. Kalau lah salasai mandi jo ka kakuih, lampu di kamarmandi jo di kakuih dimatian. Tacangang inyo. Pilik bana mah urang siko, keceknyo. Indak bisa nyo membedakan antaro pilik, ekonomis, jo hemat..... Lah pasai PLN ko kanai 'caci-maki'. Kok konsumen kito ko kito 'kutuak' sakali2 baa? Alun lai nan maloskan listrik (biasonyo ko di rumah2 urang bakuaso). Salam gorah, Suryadi --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
