AslmWrWb Pak Parapatiah dan sanak lainnyo,
Manuruik ambo, Ide Minang jadi R1 ko jaleh2 mambaok ide ETNIS..:)) Makonyo akan berhadapan vis a vis jo etnis pulo. Dek demokrasi ko masalah jumlah, iyo lah kanai kalapua sajo kito dek nan mayoritas tu. Malah masalah etnis ko lah mangental jo mengkristal jadi dinasti. Lah adoh dinasti GD, lah adoh dinasti Sukarno, ka sato pulo dinasti SBY jo dinasti Sultan Jogya. Dimana dinasti rang Minang? Untuk dialiahkan jadi isu Non Etnis, malah di situ masalah kito. Kito taputuih sacaro ideologis jo moral dari tokoh2 Minang nan bisa manembus sagalo macam etnis Nusantara tu. Bak ratok Tiar Ramon atau Zalmon, "Oh Ranah Minang, carikan gantinyo..." Alun adoh mancogok gantinyo tu sampai kini doh. Saindaknyo nan dapek ambo caliak jo keterbatasan ambo... Carito ambo saketek, ambo masiah WNI, indak baniaik jadi warga USA doh. Apolai pulo ambo expat dari perusahaan Japang, baliak ambo partamo harus ka Japang. Urang rumah ambo rang Betawi walanpun nikah kami di Albany. Jadi ambo indak sato mamiliah2 sanak Berry tu doh..:)) Ko dikatokan lai sukses ambo di rantau urang, ketauilah, bahaso butuah wakatu 15 tahun ambo manapak jo manjalaninyo. Lengkap jo carito bukumuah2 jo basimbah paluah jo aia mato..:) Pertanyaan ambo, untuak Minang jadi RI1 lah bara lamo perjuangan kito? Lah adoh ide ko sajak 2004 patang ko. Kalau adoh, lai ditindaklanjuti taruih manaruih sahinggo lah manjadi putiak jo buahnyo? Atau sekedar di ma tumbuah sinan disiang sajo? Takana bisuak ka pemilu, basorak kito ingin sato? Ambo bukannyo indak mandukuang ide Minang jadi RI1. Di email ambo sabulan dua bulan lampau, lah ambo katokan mungkin butuah wakatu 10 tahun untuak itu. Nah, mulailah dari kini perjuangan mambuek basis jo kudo2nyo. Kok dek ambo, iyo pewarisan nilai2 jo moral tokoh BINTANG2 Minangkabau lamo itu jalan mamulainyo. Indak bisa malantiang tinggi se langsuang doh. Bak cando buruang, inggok mancakam rantiang, tabang manumpu dahan. Ibarat pohon, ka bawah baurek, ka ateh bapucuak. Kok dicontoh Rasulullah SAW, butuah wakatu 23 tahun beliau bajuang mambangun umat jo kader2nyo. Dan walaupun lah dijamin manang dek Tuhan, indak pernah Nabi maninggakan sabab2 kauniyah doh. Cubolah kito liek baliak sirah Nabi wakatu hijrah, wakatu parang Badar, Uhud, Khandak atau wakatu Hudaibiyah. Kalau soal HIT and RUN, buliah juo dicubo. Tapi harus kito ingek kalau pemilu ko biayanyo gadang. Kok adoh 10-20 milyar nan kadipakai untuak trial and error, ambo minta 10%nyo untuak diinvestasikan di ranah Minang...:) Sakian selah dulu dari ambo, Ambo urang teknik, indak politik doh. Panjang mangecek makin nampak pandia ambo beko..:) Sabalun digalakkan dek ahli politik, ambo cukuikan sampai di siko. Mohon maaf kalau adoh nan indak berkenan. Wassalam fitr tanjuang lk/33/albany NY On 7/17/08, Darul M <[EMAIL PROTECTED]> wrote: > > Kalau ka jo data bantuak iko, indak mungkin mah si Berry nan pernah sikola > di SDN Menteng barani mancalonkan diri jadi capres negara adidaya dunia. > Bara persen bana urang nan bakulik kalam dan banyak bakeh budak lo lai, > tapi > inyo maju taruih. Maju jo strartegi nan cemerlang. Umua bulaih mudo, tapi > penikiran nun jauah kamuko. > > Eh sanak Fitri lai sato mailiah ndak disitu, baa kaba pak Berry tu kini, > alah mangguncang dunia kan? Kan tau bana ano indak dari etnis mayoritas duh > kioh. Malah cucu urang Islam lo lai. > > Kini urang alah kurang diukua jo etnisno, cubo tunjuakan bahaso > kincia-kincia lai bajalan. Kalau jo kincia-kincia nan bajalan, dan tantu jo > sumangaik dan strategi, sudah tu dukuangan urang disakuliliang. > > Kalau dari mulo alah mangalah dulu, iyo indak kadapek doh. Mungkin Fitriko > indak tabayang sawaktu ketek ka tingga di Albany doh. Dek ado perjaungan > dan > dapek Uda rang sinan, jadilah urang sinan kini. > > Kalau diambo, nan tuo ko, iyo sumangaik nan paralu dulu. Sudahtu strategi > sampai manancapkan gigi dan cari urang nan bisa manggili. > > Akhir kata, kalau mau banyak jalan, kalau tidak mau banyak alasan. Tersrah > pilaih sabalun koma atau sasudah koma. > > Banyak maoh dari ambo nan kurang logika kali, tapi awak harus banyak aka. > > Salam > Parapatiah 55 - Jkt > > --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
