BK(4) : Puruak an se..lah Taburu-buru Buyuang Koboy lari cigin co patuih liwaik Janjang Gudang bantuak urang dikaja anjiang gilo, Si Upiak Leba nan sadang duduak tamanuang di tangah Janjang indak nampak ge... di nyo, talendo tajurambin si Buyuang Koboy.. Buyuang Koboy Oi Piak...manga kau di siko Upiak....,duduak co urang kailangan anak di tangah janjang, indak tau ka talantak kalau duduak ditangah ko, janjang ko tampek urang lalu bukan tampek duduak (sambia manyeka lutuik nan tasebeang jo janjang simin tu) Upiak Leba Tuan..nan andia..jaleh janjang tampek urang liwaik, manga balari , Ambo duduak kan badan Ambo surang nan Ambo pakai no, kalau badan Tuan nan Ambo pinjam untuak duduakko.. indak baa Tuan manyiracau ka Ambo.. Buyuang Koboy... Aniang lah, Uaden lo nan kau katokan andia, indak kasalasai Uaden mangicek jo kau do Piak.. Upiak Leba.. Anok lah Tuan lu..iruik angok dalam-dalam..batanang....kama.... Tuan.. ko tagageh bana (tanyo Upiak Leba sambia mangaluakan Lapek Sagan dari sakuihnyo) Buyuang Koboy.. Uaden ka Pai ka Kantua Pasa, kini Urang Pasa tunyo lah bakalompok-kalompok Anyo nyak sato pulo ka maawasi maatur pasa ko Upiak Leba.. Dari dulu kan coitu, ada limbago pawakialan padagang pasa yang isinya babarapo urang pasa nan dianggap santiang di urang rami. Buyuang Koboy.. Tapi kiniko, urang rami tu nyo buek pulo kalompok-kalompok kiluih. Ado nomonyo kalompok Amai Panjua Limbek-Rutiang jo Baluik, Ado pulo namonyo kalompok Panjua Langkok-langkok Pamasak, ado pulo alompok Pangaleh Kalontong, ado kalompok Maco-Dagiang, banyak loh nan lain.. alah labiah sapuluah kalompok. Tiok kalompok ko nyo ajukan wakianyo.. Upiak Leba Kan lah iyo tumah, a nan masalah... Tuan takuik ka di sorong urang se go mah.. (lapek Sagan dilapianyo) Buyuang Koboy.. Uaden ndak masalah co itu doh, aturannyo alah jaleh, tapi nan mambuek Uaden paneh, ado wakia dari Kalompok tu nan mangaleh di Pasa Lain, mungkin dek ndak ado nan kamamiliahnyo di pasa tu di baenyo kamari.. Kiceknyo urang pasa siko nan mamintak... Upaik Leba.. Kalau iyo.. bae menlah..sumbarang kalompok nyo selah Buyuang Koboy.. Tu...awak nan dipasa koh ka dipuruak an kama... Upiak Leba.. Puruak-an se ka Janjang Gudang, a susah nyo Buyuang Koboy.. Oii Alai.. mintak den Lapak Sagan tu ciek lah.. Upiak Leba aniang se.. Wassalam Dedi Yusmen Jakarta-270708
--~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
