Ambo alun panah mandanga nan maa bana nan disabuik Bukik Tambun Tulang di Bukittinggi tu. Manaurik pamahaman ambo, "Bukik Tambun Tulang" sabananyo adolah generic name untuak tampek-tampek babahayo nan manjadi sarang panyamun nan ditakuiki urang. Kalau ambobayang- bayangkan, salah satu tampek nan ditakuik urang malinteh dahulu poai ka Pasa dari Ampek angkek adolah di bateh antaro parik Putuih jo Garegeh. Tapi ambo indak panah mandanga daerah tu banamo Bukik Tambun Tulang doh. Mungkin ado tampek-tampek nan ditakuiki urang lai di arah lain sekitar Bukittinggi tu. Jan-jan di Pasa Teleng kini. Hati-hati banyak pancacak sinan! Ruponyo banyak Bukik Tambun Tulang ko tagantuang dimaa bukik atau tampek nan ditakuiki urang dek bahayo panyamun tu. Ambo sandiri lah malalui salah satu Bukik Tambun Tulang tu sabalah Utara Sungai Patai, Sungayang, Bausangka, manuju marancah rimbo-rimbo bateh Situjuah jo Barulak di Ranah Limo Puluah.
Bukik Tambun Tulang nan disabuik dalam Carito Cindua Mato tu tarang indak di Bukittinggi doh. Bukik Tambun Tulang, sarang panyamun Datuak Salah Cangkuang, Baruk Pajaguang dan gangnyo tu basarobok jo Cindua Mato jo Si Binuang wakatu dalam pajalanan mareka dari Tanjuang Bungo (Batusangka) ka arah Timur sasudah inyo lapeh dari Talawi manuju nagari Sikaladi daerah Imbang Jayo tu. Panulih atau Pangaba Cindua Mato tampaknyo indak mangatahui bana Peta Daerah tu, Dari Tanjuang Bungo ka Talawi dijalehkannyo liku-liku ketek. Tapi lapeh dari Talawi, lapeh dari Bukik Tambun Tulang tu petanyo kabua. Mungkin karano Kaba Cindua Mato nan bacetak nan sampai ka aak kini ditabikkan di Bukittinggi, jadi indak jaleh amek dek panulihnyo aa nagari-nagari lapeh dari Talawi tu. Tapi nan jaleh tabayang di ambo Bukik Tambun Tulang tu adolah di daerah Sijunjuang ka arah timur. Salam, --MakNgah Sjamsir Sjarif --- In [EMAIL PROTECTED], Adyan <[EMAIL PROTECTED]> wrote: > > > Bukit Tambun Tulang, Bukit Cangang... > > Dima bukik tambun tulang ko di kiktinggi yo? Apo bukik ko nan > dicuritokan dalam kaba cindua mato? > > -- > salam, > -adyan 49 > http://kilangan.wordpress.com/ > http://www.tenunpusako.com --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
