Assalamualaikum warahmatullahi wabarakatuh,
Maa Angku Erihadi Sarato Rang Lapau nan Basamo,
Tarimo kasih banyak. Sanang MakNgah lah dapek katarangan dari Nagari
ma asa kato atau Ungkapan GALUCAK PACUA ko. Dengan dasar tu, lah
dapek Perbendaharaan Kato lamo ko kito katangahkan ka Masyarakat
Mianangkabau umumnyo. Bagi Makngah, dan mungkin bagi banyak
adidunsanak nan basamo, versi pepatah tadi biaso tadanga saroman nan
lah dikatangahkan pulo dek Rang Cimbuak saroman di bawah ko
dalamperibahas nomor ampek:
" 4.
Umpamo jawi balang puntuang,
didulukan inyo manyipak,
dikamudiankan inyo mananduak.
Sifat seseorang yang tidak baik, mau menang sendiri, yang tidak
memikirkan keselamatan orang lain, yang jadi persoallan baginya
selalu dia kemukakan, sedangdia tidak mempunyai kemampuan."
Cuma nan acok takileh di pangana MakNgah istilah "Jawi balang
puntuang", baa mangucapkannyo dan aratinhyo, "Jawi balang /
puntuang" (Jawi balang nan puntuang, pontong ikuanyo) atau "Jawi /
balang puntuang", jawi nan warnonyo 'balang-puntuang' sabagai
variasi rono 'balang-cancang dan balang-kandai').
Dengan katarangan nan Angku Erihadi barikan tu, sifat nan dilukihkan
dek papatah tu lah dapek kito bari titel GALUCAK PACUA dan kito
kreditkan asa katonyo dari Masyarakat Malalak.
Namo Nagari Malalak (kini Kecamatan)lah MakNgah kenal sajak ketek
dari tahun 1944 wakatu di Sekolah Sambungan Biaro (kelas 4-5).
Gaduang sikola ko namonyo dulu Sikolah Benteng, kini dipakai dek SMA
Negeri Ampek Angkek di Lambah). Wakatu itu ado kawan elok sakalas
MakNgah banamo Afaz (Hafaz?) nan kampuangnyo di Malalak. Ayahnyo
jadi Polisi waktu itu di Biaro. Sayangnyo sajak kami bapisah maso
sasudah Maso Japang tu, kami indak panah basuo lai, namun bantuak jo
namonyo dan elok lakunyo masih tabayang-bayang di Makngah sampai
kini. Mudah-mudahan lai survive juo inyo dari pangalaman gelora masa
Nagari Awak sapanjang babarapo zaman seangkatan MakNgah lalui.
Kawan nan saangkatan saurang lai dari Malalak adolah Angku Usman
Luthan, terakhir Pansiunan Kapalo SMA-1 Bukittinggi di Lambau. Kami
saangkatan sekolah B-I Sejarah Bukittinggi, 1956-58 (sabalun bagolak)
dan 1961-63 (sasudah bagolak). Tahun 1985 lai basuo, mudah-mudahan
kini lai sehat-sehat sajo antah dimaa tingga baliau kini. Jo Buya
Haji Jalaluddin iyo alun panah bakatahuan pribadi.
Malalak acok dalam khayalan MakNgah, alun sampai ka sinan lai. Nan
tahu cuma Simpang Malalak ka arah kida lapeh dari Balingka di jalan
Padang Lua - Maninjau. MakNgah lah mandanga Jalan Lintas Padang -
Bukittinggi (dan Maninjuau) malalui Malalak nan sadang dibangun
kini. MakNgah lah danga Murai Kukuban (anggota lapau kito juo dahulu)
nan baru-baru ko lah malalui jalan tu dalam pajalanannyo dari Padang
ka Maninjau. Daerah tu misti rancak, MakNgah bayangkan dri
mancaliaknyo dari Google Earth.
Karano MakNgah suko mamutuih jalan rimbo, MakNgah bayangkan mudah-
mudahan satu kutiko kok lai juo talok, ingin bajalan kaki marancah
dari Malalak manuju Danau Maninjau. Misti rancak tu. Kok dapek
tambuih, mungkin jalan Makngah tu dapek pulo dibangun nanti jadi
Jalan Lintas alternatif Malalak - Maninjau...
Salam,
--MakNgah
Sjamsir Sjarif
--- In [EMAIL PROTECTED], ERIHADI <[EMAIL PROTECTED]> wrote:
>
> Dear mak ngah,sarato rang lapau,
> kato iko ambo dapek dari rang jaman dulu,disebuah desa namonyo
Malalak,tampek kalahiran ambo,talatak di kecamatan IV koto,kabupaten
Agam,dilingkuang dek bukikjo Gunung singgalang,katimurnyo gunung
tandikek,kabarat kabupaten padang pariaman,utara bukit
barisan,desa ko adolah perbatasan antaro agam jo piaman,kini kaba
nan ambo danga dari kampuang sadang di bangun jalanalternatif,padang
kiktinggi,pangganti jalan ka silaiang nan acok lonsor,kalau mak Ngah
kenal jo buya haji Djalaludin almarhum,sagenerasi jo mak Ngah,baliau
adolah urang Malalak tingga di puruih limo samaso baliau hiduik.
> demikian mak ngah.
> Sala.
> Eri. st.rajo intan,39 jambi
>
> ----- Original Message ----
> > From: hambociek <[EMAIL PROTECTED]>
> > To: [email protected]
> > Sent: Saturday, August 2, 2008 9:30:44 PM
> > Subject: [EMAIL PROTECTED] Re: GALUCAK PACUA
> >
> >
> > Maa Angku Erihadi,sarato Rang Lapau nan Basamo
> >
> > Ambpo alun panah mananga "galucak pacua" ko; kato baru di ambo.
> > Mungkin kato lamo, asli dari Kampuang Angku Erihadi.
Baiak "galucak"
> > maupun "pacua" indak basuo dalam perbendaharaan kato-kato ambo.
> >
> > Kok buliah ambo batanyo di Kampuang atau Nagari maa tu asanyo
atau
> > acok tadanga atau dipakai kato "galucak pacua" tu? Tarimo kasih.
> >
> > Salam,
> > --MakNgah
> >
> > --- In [EMAIL PROTECTED], ERIHADI wrote:
> > >
> > > galucak pacua,
> > > ambo kutip dari istilah di kampuang ambo untuk urang nanpayah
di
> > ajak basatu,dibaok kasuok nyo kakida, diajak kamuko nyo
> > kabulakang,di elo manyinduk di alau manyipak.
> > ....
> > > salam.
> > > Erihadi. 39 jambi
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
