Sesuai jo themanyo kito cocok sajo jo acara itu, cuma hendaknyo selain itu baliau sabana focus ka market baliau. Walau lah dikecekkan lah ka hijrah ka tanah kelahirannyo. Ambo takana jo kawan ambo nan alah basihabih mangaja kursi salah satu bupati di Sumbar ( ukatu itu suaro anggota DPRD masih badanga untuak manggolkan proyek iko, jadi beda jo kini yang mengharuskan awak mandakek ka kostituen, indak paralu bana jo DPRD tu sasudah dapek parahu mereka he....he...). Kawan itu sebagai perantau yang sukses talalu asyik bersafari dari kampuang ka kampuang menyampaikan visi-misi jo acara sinterklas nyo, dan tampaknyo agak lupo/takurang manyiram apak-apak di Dewan tu. Dihari H...... selain ado perhatian nan agak labiah..... sarato ado pulo serangan fajar dek lawan politiknyo ka apak-apak di Dewan. Akibatnyo taduduaklah kawan itu....tapaso baranti bausaho dek karano lah balego manutuik utang maso jadi sinterklas dulu. Untuang indak gilo macam Calon Bupati Ponorogo nan indak tapiliah tu... cuma... agak marotong sajo sangenek macam ayam kanai sakik di-akuak.....he...he.. Maaf .....ambo indak ma aja doh karano mungkin baliau jo tim suksesnyo labiah tahu dan sudah mensurvey medannyo. Walau baliau tenar di Depok dan acok muncul diberbagai saluran tipi atau media cetak, apo baliau yakin lai ka ditarimo dek mamak kito nan sadang mambuek gulo di Lawang, nan sadang basawah di Kamang atau nan bakabun sawit di Pasaman sarato pedalaman lainnyo. Apolai urang panggaleh di Balai tamasuak di amai amai nan basorak di Aua Kuniang nan banyak kurenahnyo. ( eh ambo ragu apo iko tamasuak DAPIL baliau) Yakinkan dunsanak kito tu bahaso sanak akan mambao perubahan, menuju perbaikan nasib mereka. Jan sampai janji tinggal janji.... sudah duduk lupa berdiri...kanai sumpah rang banyak sansaro kito...... Karano suaro merekalah nanti yang akan menentukan apakah anda bisa melenggang ke Senayan atau tidak. Bukan rato-rato rang palanta iko.... karano mereka umumnya lah tapasah karantau indak terdaftar dikampuang lai. Kecuali ado pulo acara pindah mancoblos ka kampuang beko... Selamat berjuang....beko disambuang pulo Wass St. Rajo Ameh 53 +
--~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
