He he he santiang ded, lai babakaik jadi tukang sorak mah. Kato2 nan bapakai
sabana lasuah, ado nan alah lamo indak tadanga, taraso lucu. Jadi taragak
pulkam, duduak2 tapi tabek gadang sambia maota dan manyorak an urang lalu he he
he. Salam. Hanifah
Dedy Yusmen wrote:
> BK (5 ) : Tasapik ………
>
> Hariko Buyuang Koboy , segeh bajalan tagok
> mandaki janjang gudang co urang bagak baru kapatang ,
> setelan topi Koboy , tarompa merk ‘Indian’ basimir
> cokolaik mangkilek , rambuik balakang lujua salayang tagang kanai lampih
> jo minyak rambuik ‘ Tancho ’ warna hijau co palangkin . Tibo-tibo Upiak
> Leba maondoh
> dari balakang .
>
> Upiak Leba
> Kama Tuan, segeh bana , co urang tajin Tuan nampak di Ambo ..
>
> Buyuang Koboy ( sambia tasidudu )
> Oi … Upiak Leba … manga kau ko goh ,
> baendeh men Uaden , tasilapak Uaden bekoh , rusak ‘ plui ’ sarawa Den lai
> namuah kau
> satarikaan baliak ..
>
> Upiak Leba
> Sori lah Tuan, indak eh, Tuan ka pai kama … baa ko manggaya bana Tuan ko ..
>
> Buyuang Koboy
> Oi indak tahu kau do yoh ,
> si Ujang Ladiang nan tukang
> sorok tu kini no maadokan patamuan jo Kapalo
> Pasa , Pak Wali Nagari , Datuak Kampuang , , Katua
> Pakumpuan Nan Mudo Pasa wak ko
> basaratokan jo anak buahnyo , taruih ..
>
> Upiak Leba
> Manganyo .. ( sambia
> manyalo )
>
> Buyuang Koboy
> Itu Kau … bapotong men kicek , Anyo a namonyo tu ‘ah, bapidato .. di muko
> urang-urang tuh , maumumkan dirinya bahwasonyo baranti manjadi tukang sorak .
>
> Upiak Leba
> Manganyo kini , ka baranti manjadi Tukang sorak pakai
> pengumuman bana , tapi rancak jo
> tu Da , kan indak ado nan katasirok darah
> lai doh , dek sorak-annyo .
>
> Buyuang Koboy .
> Batua , tapi Anyo baganti baju
> ingin manjadi wakia pasa , tapi
> wakia dari urang pasa wakko ,
> wakia dari kalompok Amai panjua
> Cubadak , Kalompok Uni panjua Karupuak
> jo Pensi
> jo Padagang Kalontong .
>
> Upiak Leba ..
> Tapi Anyo kan indak mangaleh di pasa
> ko doh Da ,
> kalau hanyo untuak baganti baju tuh , baa ko
> pakai pangumuman bagai . Si Mak Ciak dulu urang
> ebaik jo nyu tuh , dari
> Tukang saluang paliang ebaik sanagari
> sia nan indak
> tau jo Anyo ,
> waktu anyo baganti baju jadi
> Wakia Pasa , aniang mennyo , Ujang Sati, nan Pasilek tu ,
> sia nan indak
> diampai nyo kalau cubo malawannyo
> di galanggang , abih . Tapi aniang juo ka baganti baju manjadi
> Wakia Pasa . Ambo anyo eran kan alun
> tau ka tapiliah ge anyo tu
> lai , kalau indak tapiliah tu baa… ka baliak nyo manjadi Tukang
> Sorak liak , kalau iyo tu
> co manalan ludah surang Anyo tu
> Tuan.
>
> Buyuang Koboy .
> Baa ko ebaik bana kau
> kini Upiak , samo bana jo
> namo kau ..
> Upiak Leba , yo batambah
> Leba pangana kau . Bia men lah karajo urang
> tu , jan dibaok
> ota pulo , uruih menlah ‘ jaga ’ kau tu , alah
> laku lamang batuang Kau ndak . Tau
> indak Piak urang -urang nan ka manjadi
> wakia kalompok nyo tu aniang-aniang
> mennyo , banyak nan indak tau ,
> dan ciek lai .. iko
> bisiak-bisiak ko’ah , urang-urang tu indak di undang
> ge doh ..
>
> Upiak Leba .
> O co itu , baa loh tu …. , Tu Tuan
> lai di undang
> dek Ujang Ladiang dek rapi co iko ..
>
> Buyuang Koboy ..
> In .. Indak ..
>
> Upiak Leba
> Oiii Alai ..
>
> Buyuang Leba
> Tu Kau pulo nan mangicekan Oii Alai, harusnya Uaden tu mah ..
>
>
> Dedi Yusmen Ekay
> Jakarta-100808
>
>
>
>
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
