Assalaamu'alaikum wa rahmatullaahi wa barakaatuhu
Kue arai pinang. Itu juo namono di kampuang kami. Kue dari bahan tapuang bareh
bana, jo talua, jo garam di goreng jo minyak manyih nan harum bana baunno.
Hari rayo paralu bana di ibu ambo saisuak mambuek kue rayo ko. Buliah nak
sanang ati kami, anak-anak baliau, anam urang basusun paku. Macam-macam kue nan
baliau buek. Biasono kue-kue nan murah meriah. Ado kue loyang, dari adonan
pakek tapuang bareh bana juo, jo santan saketek, jo talua, baagiah gulo.
Bacetak jo rakam loyang angek sudahtu bamasuak-an ka minyak angek, sainggo di
samantaro urang banamoi kue rakam.
Ado kue sagu, dari tapuang sagu, jo gulo, jo santan, jo talua juo sudah itu
bacetak , sudah tu babaka di oven di kompor minyak tanah.
Ado sagun baka, dari tapuang kapelo, jo karambia, jo gulo. Bamasuak-an ka
cetakan kayu jo tangan sudah itu balakak malapehan dari cetakan tu sudah itu
babaka pulo di oven.
Kue koya dari tapuang bareh sipuluik. Kue dorong. Roti kariang. Kacang tujin.
Sambuah lai.
Indak lupo pulo baliau mambuek tapai sipuluik hitam, dalam pariuak tanah
sagadang 'ampuah'. Sabab tapai buatan liau ko lamak, katuju bana di urang.
Katuju bana di ambo.
Di rumah sabalah, mak tuo ambo mambuek kue 'gadang', kue bolu dari tapuang
bareh sipuluik, jo talua, jo gulo anau jo kulik manyih, jo limau puruik
baparuik-an. Harum pulo baunno katiko dibaka di pariuak di ateh baro sabuik
karambia. Di ateh pariuak balatak-an seng ka tampek malatak-an baro sabuik pulo
ciek lai. Alah di ateh api, di bawah api kue gadang tu.
Iyo sabana kunyah-kenyoh kami di hari rayo di kampuang saisuak. Kami pai baari
rayo karumah dunsanak nan baampiran. Biasono makan nasi jo makan kue-kue.
Dunsanak-dunsanak kami nan tingga di Padang, liburan di kampuang di bulan
puaso, ari ka rayo baliak no baliak ka Padang. Sabab jano, di Padang anak-anak
biaso pai 'manambang' ka rumah tetangga, dan di tiok rumah urang maagiah pitih.
Di kampuang pitih ka pitih ko indak ado di kami do.
Antah lah kama lo malayang pangana. Puaso sin alun bamuloi lai, alah ari rayo
nan takana.
Wassalamu'alaikum
Lembang Alam
----- Original Message ----
From: suheimi ksuheimi <[EMAIL PROTECTED]>
To: [email protected]
Sent: Monday, August 25, 2008 2:24:44 PM
Subject: [EMAIL PROTECTED] Re: KUE ARAI PINANG
Apokah mak angah ndak pulang di hari baik bulan baik, lebaran di Padang"
Bot ambo di Pariaman di Lohong simpang kampung perak
kok bisa satu saat kita bertemu
salam
k suheimi
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
