Sanak di Palanta
Menarik ambo mambaco diskusi sanak2 jo IJP....dengan segala pendapat,
pertentangan, polemik, saling debat berdiskusi bukan monolog kato IJP,
sehubungan Bung IJP ka maju manjadi caleg. Ambo secaro pribadi menghargai
segalo pandapek sanak2 dimilis ko, rancak tu maasah-asah ke intelektualan awak.
Khusus bagi Sanak IJP...iyo mumpuni bana badiskusi ko..maklum lah dunianyo bana
didukung dengan data-data, baik secaro empiris. metodologis, pengalaman inyo
didunia pengamat dan analisis politik. Ibaratnya dia sangat lihai menjawab baik
disampaikan secara lugas, terang-terangan, tersirat, tersurat..etc.
Ambo kok buliah bapandapek...sehubungan Bung IJP nan masih mudo, intelektual
minang nan ka maju manjadi caleg..kok strategi, misi dan visinyo..lah inyo
sampaikan tarang2an ka awak sadonyo baik melalui orasi politik, tulisan dsb.
Ambo kiro Bung IJP di dunia Politik..masuak galanggang ko bantuak iko..maaf kok
salah kiro :
Dikamus IJP nampaknyo jiko maju ka "dalam garis" INDAK ADO ISTILAH DEK IJP
ABIH CAKAK BARU TAKANA SILEK
Lah siap bana inyo masuak galanggang.."ilmu silek" nyo di dunia politik dengan
segala wawasan dan intelektualnyo indak paralu diragukan, bagi ambo pribadi
cukuik mancatat, mangcopy paste apo cita2nyo kalau lah jadi caleg untuak
mamajukan Ranah Minang artinyo ambo bapikia positif sajo semoga yang terbaik
nanti yang dilakukan dek IJP.
Nan ka mangalahkan Ilmu Silek nyo nan elok2 tu nanti..ndak labiah ndak kurang
pandeka tuo..nan bakuaso..di Partai, ibaraik pisau Pandeka Tuo ko tapacik di
hulu bana
sarancak-rancaknyo niek elok awak buek kemajuan nagari, kok tapacik diujuang
pisau apolai ujuang ko tajam..jaan banyak baharok bana...nah mudah2an IJP
manjalankan idenyo jiko jadi caleg lai barado minimal kok indak mamacik hulu
pisau..jaan diujuang pisau. Sahinggo sagalo cito2nyo mamajukan ranah Minang
tacapai. Mudah2an Pandeka Tuo di partai IJP..indak saroman tu..
Baa kok barani ambo mangecek bantuak itu, lah co itu mode kondisi perpolitikan
negara kito, iko caritonyo
Saminggu nan lalu ambo basuo jo kawan ambo nan ka pekanbaru, nan kawan indak
sumbarang kawan, dari SD sampai SMA salapiak katiduran, bapisah karano kami
kuliah sajo, nan ciek di Univ terkenal di Sumatra..nan ambo di IPB..komunikasi
jalan taruih,,dan basuo sakali-kali. Kawan ambo ko kini anggota Dewan daerah
disebuah Propinsi yang cukup besar di rantau, urang Minang Asli. pokoknyo kami
lah badunsanak bana lua dalam nan urang tuo bantuak itu. Inyo dari Partai
manangah nan cukuik lumayan dapek suaro di Pemilu 2004 baik daerah maupun
pusat. Ciek Fraksi Partainyo di Dewan Propinsi tu.
Jadi saharian ambo jo inyoi bakulik-kulik..puta-kaputa di Pakan balabuah ambo
jo inyo dikampuangnyo di Sumbar (indak usah ambo sabuik), malam lapeh Isya
maota dan diskusi ambo jo Inyo..iko jalan carito nyo
Baa bana carito di biliak ketek angku jo kawan2 tu jadi anggota Dewan..Boy
(namo samaran)...Inyo yo bacarito bukak kulik tampak isi "Under cover" bana
segala hal didunia politik dan kepartaian..kawan ambo ko bacarito
Tahu ndak angku Ndi (namo panggilan ambo)...ibaraik bacakak dalam ilmu politik
ko..jaan abih cakak takana silek..kok itu..angku tainjak-injak..pasang taruih
ilmu silek..kana taruih ilmu silek kok masuak galanggang politik.di Politik
ko..yo kok ganas..ganas bana...kok jinak..bisa mangguluang awak. Apo nan heboh
manuruik angku kini tantang anggota Dewan
Ambo jawek masalah Korupsi lah babagai gaya dan cara..
Itu ndak usah awak bahas beko takajuik angku mandanganyo..
Tahu ndak angku...saminggu ambo di jakarta untuak batamu Ketua Umum Partai ambo
mamastikan Dapil jo nomor uruik ambo...ohhh..kok ikuik..jalur administrasi
AD ART partai..dan lainnyo..tingga duduak.sajo lalu surek ka Jakarta
itu namonyo..Abih Cakak Takana Silek..di ulu bana ketua partai ko..mamacik pisau
Ambo dipamainkan dek Partai ambo surang..tu biaso..mah
tapi..kok ka galanggang..pasang taruih ilmu silek
Ambo bawok...DPC-DPC...Dapil ambo ka Jakarta..manghadok ketua
saminggu ambo..manyewo kamar hotel..kupak ambo sekian
salamo maurus tu (kiro2 tabali Avanza Baru)..jaan ditanyo ndak dima ambo dapek
kepeang
Manjalang penetapan nomor dan caleg ko..sabana ampun ambo..latiah..fisik jo
mental
ingek Ndi kaji awak tadi Ketua tapacik di hulu..itu maklum sajo di Partai
ndak sakatek umaik diseluruh Indonesia...nan jadi caleg antri batamu Ketum
manunggu kami sampai jam tigo pagi...kok ditinggakan..raso2 ka dipanggia
kok ditunggu...marasai..bilo giliran batamu..tapi ingek jaan tinggakan ilmu
silek
pakai taruih..beko abih cakak..takana silek.
Rumah Ketua jaan angku sabuik..mewah..oto basusun..susun dirumahnyo
oto sedan Eropa...jaan angku tanyo ndak baa inyo dapek pitih
Indak..Boy..taruih...
Dapek giliran ambo jo Ketua ko. salaman...inyo puta2nyo ambo mengenai
Dapil jo No Uruik ambo...ciek sajo ilmu silek ambo...kok nomor duo ambo ketua
di Dapil itu..ambo mundur..ko..ambo baok surek dukungan DPD, DPC-DPC jo
pengurusnyo ka Jakarta..itu sajo nyo Ketua...
akhirnyo lah pasti ambo nomor satu di Dapil ambo..
jaan ditanyo..baa kok bisa tadi yo...
kok ambo tinggakan galanggang..abihhh ambo..abih cakak takana silek
(kok ndak ka jakarta ambo ..batamu Ketum..walau surek dan prosedur normatif lah
malayang ka jakarta)..salasai urusan, ambo pastikan masuak ka KPU Daerah No 1
ambo
di Dapil ambo
Nah..angku harus tahu..membina massa..DPC2 tu...dari ma kepeangnyo
yo dari ambo..Massa nan paralu dek ambo Ndi..jo gaji anggota Dewan..ondee
yo alun lai..gaji tu..antaro iyo jo indak sajo..ambo cingau..lah potong
sinan..potong situ
mulai..maansua pinjaman..partai dan lain2..uang SPPD ambo ?
Kok maharok gaji anggota Dewan jo tunjangan..indak ka makan anak bini ambo
bukan..indak cukuik..banyak nan ambo "agiah makan" kok lah manjadi anggota Dewan
Dapil ambo, bantu sinan..bantu siko, massa ambo. biaya hiduik ambo nan tinggi
ota dihotel..bajalan kasinan...rapek dipartai....kaos, spanduk, embel2
lain...wartawan
pasar murah, sunatan massal, sumbangan masajik, anak yatim, acara donor darah,
pegawai disekretariat kantua Dewan...sambuah kok ambo caritokan..
Jaan ditanyo ndak..dima ambo carikan kepeangnyo...
Indakkkk Boy..taruihhhh
Jaan ka balabiah..indak cukuik malah..namo uang jalan abih dijalan
apolai kok ka Jakarta..samo2 anggota Dewan (Internal) barangkek atau ka daerah
lain
sasak angok kok maandalkan SPPD tu, kok ado Mitra (mungkin Pemerintah jo
Pengusaha maksuik kawan ambo tu)..yo bulek pitih SPPD ko ka saku ambo.
mambina jaringan massa ko..indak saketek dek angku..biayanyo..dan harus
dilakukan
inyo nan ka mandukuang awak, angku tahu sorang se lah urang-urang partai nan
dibawah-bawah tu..banyak pengangguran bingung..kami maklum hiduiknyo yo dari
kami
Jaan angku tanyo ndak dari ma kepeangnyo
Indakkkkk..lah Boy
Lah bantuak itu Dunia Politik awak
Tu banyak inyo caritokan "Under Cover" kelakuan anggota Dewan..partai
Yo tatagun ambo dek inyo..nan dikoran2 tu..nampaknyo baru permukaannyo sajo
luar biasa permainan para Elit2 (Pemerintah, Dewan dan Pengusaha)
Banyak nan bamain daripado nan indak..baitu kiro2
tantu ado nan elok juo..tapi itungan jari sajo..baitu kiro2
Iyo itu tadi..digalanggang tetap pakai ilmu silek..apopun modelnyo
sakali2 jaan abih cakak..takana silek..habisss..lewatttt
Batanyo ambo..tu para analisis..pengamat nan maulas-ulas..bahkan mamburuak kan
Partau angku tu baa..tu
Ahaaaa...indak ambiak asi bana dek kami..galak-galak sajo kami mah
bia sajolah..disinan lo pariuk nasinyo..Urang tu berbicara atas nama
siapa..punyo massa ndak inyo lai ado ..10.000..20.000...30.000 urang massanyo.
Ambo punyo massa..nan takuik kami..massa..
kok lembaga2 kajian
padia selah..ndak baa tu sebagai penyimbang..ha..ha garah kawan ambo
Kok massa..kami tampin lo..bacakak badarah2 beko dikaji
itulah resiko...kok ado nan terkapar...nanar dan Pingsan..ka Rumah Sakik
malah ka kuburan.baa juo lai..tu Dunia Politik di Negara awak Bung
Angku tahu lah massa Ormas Islam nan heboh ..tu.. yo cak mau..gamang kami
tapi..kami punyo massa inyo bali kami jua..beko dikaji...salasi cakak ko
nah angku suko manulih dunia politik juo kan
ambo ingekan..angku punyo massa..ndak..hati-hati !!
ambo salut jo tulisan angku nan elok2 kaji angku tantang Demokrasi, Politik tu
sasuai jo pengetahuan angku ..nan otodidak sajo
ambo haragoi..apolai latar belakang pendidkan angku Eksata (IPB)
wawasan angku jo Politik lumayan lah ndak buto bana
Ambo sayang ka Angku..talonsong kecek beko..ilang malam angku Ndi
Jaan main-main jo massa Partai.
Kok ndak ikuik ambo bana..lai katalok didunia Partai..tinggakan karajo angku tu
Asa angku tahu ciek lai..angku bisa sabulan indak basuo kelurga
ko ambo mabuak baputa..sajo mah alun pulang lai
dari kampuang..awak ka Pku..bisuak tembak ka Jakarta Liak
kok ambo tinggakan galanggang...beko abih cakak tangana silek
indak ado gunonyo..maulang cakak..baliak..bisa tapi awak lah seso dek nyo
barubah-rubah...permainan di galanggang ko.
ahaaa..yo...indak paham ambo apo nan barubah barubah satiok saat ko
tampek batamu kah...dima basuo kah..osong sinan..osong siko
minum dikadai kopi mentereng. baru sataguak..dikicok kopi ko
lah bainsuik lo..ikua ka Lobby hotel nan mewah
Angku kan pernah ka Kota tampek ambo jadi anggota Dewan kan
baa lai angku rasokan..Siang se hari dek awak angku maikuti ambo
jo rutinitas ambo jadi anggota Dewan jo Partai
lah ka bakukuak sajo..ayam..awak..tibo diateh kasua
Ambo jawek sajo..ndak talok dek ambo...do
Bia lah kawan angku ko..bakarajo di Swasta..sajo di Pekanbaru
Itulah sekelumit carito kawan ambo di dunianyo
Lamo kami maota carito2 "Under Cover" dunia kawan ambo ko
Jadi ingek ambo jo lagu Iwan Fals
"Dunia Politik asyik..nggak Asyikkk"
"Ibarat ngadu jangkrik,,nggak digitik ..nggak asyik"
"Ibarat orang pacaran nggak dicubit ..nggak asyik"
"Ibarat buah mangga kalo nggak nyolong nggak asyikk"
Antahlah...kito caliak sajo..
mohon maaf kok ndak berkenan postingan ambo ko
Salam-Jepe
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
