Takana ambo kabiasaan almarhum bapak ambo katiko ambo ketek dulu. Hari partamo
puaso di kampuang ambo dinamokan jo istilah PUASO TUO. Di hari itu ampia
kasadonyo urang indak bakarajo. Urang-urang tu sasudah makan sahur partamo,
basiap-siap untuak barangkek sasuai rancana nan lah disusun. Biasonyo, bapak
ambo sarato urang laki-laki lainnyo di kampuang tu bajalan-jalan ka
tampek-tampek nan tanang. Katokanlah kini pai bawisata.
Namonyo bajalan-jalan, jaleh indak pakai kandaraan. Dipakai kupiah hitam, bao
kain saruang, bajalanlah baliau manyusuri jalan-jalan gadang sampai jalan-jalan
satapak. Rato-rato nan dituju adolah sabuah bukik nan punyo kayu-kayu rimbun.
Manjalang matoari tagak tali, bapak ambo sarato kawan-kawannyo lah sampai di
bukik tu dan di situlah mereka beristirahat sambia mangalai-ngalai di bawah
rindangnyo batang kayu. Apolai angin barambuih sepoi-sepoi, mambuek badan
taraso sajuak dan maundang mato mangantuak. Salasai sumbayang Zuhur atau sakiro
jam duo, urang-urang tu babaliak turun dan sampai di rumah sakitar pukua limo.
Salasai sumbayang Ashar, kagiatan salanjuiknyo adolah ka lapau untuak
duduak-duduak sambia main domino mananti wakatu babuko masuak.
Baitulah kagiatan puaso tuo urang-urang saisuak di kampuang ambo. Hari partamo
Ramadan indak ado aktifitas ekonomi. Sabansaik apo pun kaidupan urang katijko
itu, nan ka untuak bulan puaso lah disadiokan. Karano mereka taingek pasan
agamo bahaso wakatu sabaleh bulan adolah untuak mancari dan Ramadan adolah
bulan untuak manikmati jo ibadah.
sawir pribadi St.Soeleman
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
