Di era tahun 80an adalah maso2 berakhirnya kejayaan cangkeh di Maninjau
takana musim cangkeh tsb membuat senyum mangambang di suduik bibia disamping
ado nan hilang dari rago...
Pado maso umua nan alun sataun jaguang maso itu lai, pabilo musim cangkeh tibo
alamaik nagari sumarak dek banyak rang rantau nan pulang ka kampuang. Maninjau
sabana rami, urang manggaleh makanan sampai ka dangau2 di tangah ladang... nan
paliang ambo suko adolah lupih... dibuka-i bungkuih pisangnyo ciek2,
diserak-serak-i jo parutan karambia siau sudah tu di siram jo gulo saka...Ondeh
mak...lamaknyo makan lupih di tangah ladang, apolai dimakan sasudah jauah
mandaki ka ateh bukik, ditangah smerbak harumnyo bungo cangkeh...nah iko carito
jajan di tangah ladang walau banyak jenis jajanan nan lainnyo..
Ado istilah mamiliah cangkeh di kami rang
maninjau, katiko cangkeh siap dipanen "mamanjek cangkeh istilahnyo" banyak
urang nan pai kaladang mamiliah cangkeh2 nan jatuah dari salo2 jari pamanjek
cangkeh... biasonyo aleh tau sia urang nan jarinyo jarang "aratinyo" banyak
cangkeh hasil petikannyo nan jatuah...kebanyakan nan mamiliah cangkeh ko adolah
anak2 ketek walau ado jou sanak awak nan dari puncak lawang nan turun kabaruah.
sadonyo riang gembira...bahkan sekali waktu tukang panjek cangkeh ko sangajo
manjatuahkan buah cangkeh tu agak saganggam... sanangnyo hati indak takiro...
kabatulan Ladang bundo ado di Lanpanjang namonyo, kiro2 sajam perjalanan
mandaki dari dusun Jambu Putiah namonyo... kebanyakan cangkeh2 nan ado disitu
alah baumua, tapi ado satumpak cangkeh gadih nan baru baraja babuah...hasia
tanaman ayah di ladang kami suku tanjuang. buahnyo sabana labek walau masih
baraja ado raso syukur nan dalam nampak dari mato ayah katiko itu... nampak
hilang sadonyo panek jo latiah di badannyo... Khusus untuk nan satumpak nantun,
sangajo indak baupahkan "bagi hasil" untuk mamanjek cangkeh tsb. kami
sakaluarga nan mamanjek cangkeh tsb... Jadilah ambo jadi tukang panjek cangkeh
nan masih baraja jadi profesional, sabab hasia nan di dapek diliterin dan bagi
hasia untuak upah ambo... sanangnyo hati manarimo upah katiko
itu...Alhamdulillah dari hasia mamanjek cangkeh tsb ambo dapek mambali sipatu
baru, tas baru, dan nan labiah panting adolah ado tabungan di "TABANAS' katiko
tu...Ikolah pelajaran ketek nan masih ambo dapek dari kearifan
lokal Maninjau sabalun marantau ka lampuang, tingga di depok dan kini lah
hinggok pulo di Dubai, "bahwa hiduik itu musti bausaho, sadonyo indak didapek
dengan mudah..."
Deddy. S
Dubai
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
