Assalamu Alaikum W. W. Mandanga randang kayu tu galak bundo mangingek sipaik urang awak saisuak nan palagak (kalau indak buliah dikecekkan riya). Ado ati jue (kayu yang keras) dimasak dan ditonggokkan diatas piring samba nan hanyo untuak palagak sajo. Katiko tu kan alun ado kulkas jadi ado nan untuak hiasan. Jue ko iyolah sabangso kayu nan daunnyo hijau kahitaman sahinggo anak ketek baru lahia dikecekkan 'e'eknyo cik jue. Mungkin didaerah lain namonyo jua. Jan dicubik sabab kalau dicubik indak talok dikaca. Wakatu ketek2 kok pai baralek jo mak awak tingga tunjuak sajo indak buliah ambiak surang. Nasi lah tahidang diateh piriang baitu juo gulai nan salalu baaleh. Nan dimukasuik aleh iyolah dagiang jo rabuang, dagiang jo cubadak, gulai putiah dagiang jo kantang. Kalau randang biasonyo alehnyo kantang2 ketek atau buncis. Takana dek bundo carito ayah wakatu ketek tangguang nyo pai baralek karumah bakonyo sudah tu dipatahkannyo ikan kalui gadang urang nan hanyo untuak pamenan sajo. Bayangkan berang bakonyo tu kainyo (lai bako jauah). Tando2 palagak urang kampuang bundo nan sampai kini yolah agak kurang :
Kalau ari pakan biasonyo dihampaikannyo kain salimuik panehnyo di jendela ujuang rumah padohal kadang2 nyo basalimuik kain balacu sajo. Kalau nyo pai marantau yang penting lah banyak rupiah amehnyo. Kadang2 anaknyo kurang gizi nan penting dek nyo iyolah lah baameh. Jarang sekali yang tangan kanan memberi tangan kiri tak tahu. Kalau nyo baminantu ditanyo bara maiisi - ado nan sasuduik ado nan manolong baralek sadonyo ditoyak2kan di nan rami. Ado pulo rang padusi maagiahkan piti ka nan laki2 supayo nampak dek urang nan laki2 ko lai maagiah pitih. Bisa sajo karano kurang maisi (maagiah piti mulo2) urang tu indak jadi kawin. Alhamdulillah kini lah agak kurang dan buno sekeluarga sampai mengusahakan yang Islami (nan malamar nan laki2 dan nan maagiah mas kawin nan laki2). Kok baralek dirumah padusi yo tangguang jawab apaknyo dan diusahokan hanya sekedar walimatul ursy sajo. Bundo mangharapkan carito dikampuang lain di Minang dan untuak urang2 di 50 Kota/Payakumbuah bundo mengharapkan koreksi kalau salah. Selamat Berpuasa alhamdulillah sudah hari kedua Wassalam bil maaf Hayatun Nismah Rumzy (69++++++) --- On Mon, 9/1/08, Boediman Moeslim <[EMAIL PROTECTED]> wrote: From: Boediman Moeslim <[EMAIL PROTECTED]> Subject: [EMAIL PROTECTED] Re: KOK BEGINI RASA RENDANG KITA..?? Randang Kayu To: [email protected] Date: Monday, September 1, 2008, 8:55 PM Untuak urang-urang nan lah biaso mahadapi nan bantuak ko, mungkin ka tasanyum-sanyum dibueknyo. Baa kaindak, di kampuang-kampuang maso saisuak, curito nan co iko indak aneh doh. Maklum "lifestyle" dulu indak samo jo rang mudo kini, kalau indak banyak nan talatak sabagai pamanih juadah tu, mungkin nan punyo hajat ka dicibian urang banyak. Talabiah untuak kelompok bundo kanduang. Jaan pulo, dek mancaliak juadah nan hebat-hebat awak langsuang maambiak untuak tambahan isi piriang awak, hal iko pun indak buliah awak lakukan. Lah ado suatu aturan nan indak tatulih bahaso juadah tu indak buliah diambiak. Makonyo, nan wah-wah tu talatak di tangah diantarao juadah-juadah lainnyo. Tapasolah nan dimakan samba atau lauak nan dakek piriang awak. Masalah dagiang kayu tu hanyo sabagai pelengkap supayo tacaliak bahaso nan punyo hajat adolah urang nan tapandang, nan bisa balauak jo dagiang, talabiah potongan dagiang tu gadang-gadang. Tamasuak ado nan dalam bantuak randang. Baitu pulo, awak pun bisa mancaliak "Goreng Kaluih" nan talatak sakian hari ditangah-tangah juadah, nah.....baa rasonyo ikan nan lah sakian hari indak digutiak-gutiak. Ado nan diagiah asesori jo macam-macam. Itulah "lifestyle" wakatu tu. Soal ado indaknyo maso kini, awak kambalikan ka nan punyo hajat. Mungkin, mungkin sajo masih ado nan sarupoko. Ambo nan indak rang Pikumbuah, marasokan hal tasabuik. Banyak hal nan lain, nan kadang-kadang manuruik awak indak tapek, tapi..........mungkin tapek bagi "nan mambutuahkan". Ikolah dunia, nan indak rancak manuruik awak,..........mungkin........mungkin........rancak dan tapek manuruik urang lain. Wassalam, Tan Lembang (L,52) Bandung ----- Original Message ---- From: jupardi andi <[EMAIL PROTECTED]> To: [email protected] Sent: Monday, September 1, 2008 2:33:55 PM Subject: [EMAIL PROTECTED] Re: KOK BEGINI RASA RENDANG KITA..?? Randang Kayu Mak Ngah Yo baru danga ambo tu..kok ado lo..randang dari kayu paralu awak batanyo ka sanak2 nan kampuangnyo di Pikumbuah carito randah..ambo pernah kecele lo..tapi bukan kayu tu Dicaliak di dapua mak tuo ambo masih ado randang ko (lah tigo hari sajak dibuek) nan tingga dadak jo..kantang bulek ketek2 tasirok dado..ado nan taraso katoko dikinca jo sendok ahhhh..lumayan masih ado...dagiangnyo disuok nasi..lho...kok lain rasonyo ndeee..nan tingga tu rupunyo Sipade Mak Ngah baliak carito Mak Ngah.."perhiasan juadah" tasendok ..tagigik..baa..lah ekspresi wakatu baralek tu yo Jepe --- On Mon, 9/1/08, hambociek <[EMAIL PROTECTED]> wrote: From: hambociek <[EMAIL PROTECTED]> Subject: [EMAIL PROTECTED] KOK BEGINI RASA RENDANG KITA..?? Randang Kayu To: [email protected] Date: Monday, September 1, 2008, 7:56 AM Ambo panah mandanga, alun panah mancaliak; di Payuokumbuah ado lo Randang nan dagiangnyo dibuek dari kayu. Tujuannyo bukan untuak dimakan tapi sakadar untuak Onggok-onggok perhisasan juadah dalam baralek sajo. Dek ambo alun panah mancaliaknyo, ingin awak minta verifikasi dari dunsanak-dunsanak awak dari Pek Ten. Bana koh panah ado Randang Kayu ko? Salam, --MakNgah --- In [EMAIL PROTECTED], "Rasyid, Taufiq (taufiqr)" <[EMAIL PROTECTED]> wrote: > > Curito soal randang, sabananyo ado babarapo versi randang sasuai jo > daerah asanyo. > Misalnyo nan dari Pikumbuah ado nan ditambahi cik-minyak. > Selain itu --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
