Mak Ngah, Ota Mak Ngah ko maingek'an ambo ka komentar sorang anggota DPR ukatu peringatan Sumpah Pemuda di Leiden Oktober tahun lalu (kabatulan ambo dimintak dek adiak2 PPI [Perkumpulan Pelajar Indonesia] Leiden maisi satu sesi jo Ditabesar Fanni Habibi, kudian ekstrak ceramah tu tabik di Padeks dg tajuk "Realitas dan Mitos Sumpah Pemuda". Anggot DPR ko dalam rangka kunjungan ka Balando (mungkin studi bandiang). Kecek anggota DPR tu (disadur ka bahaso Awak): "Eh..ambo caliak di Ulando ko binatang--kudo, jawi, kambiang, domba, dll--balapehan sajo di tangah padang laweh. Bebas sajo.. Dek karano tu mungkin binatang2 ko gapuak2. Kalau di awak, alah bakabek bakalawan, alah baagiah makan, kok masih juo kuruih2. Mungkin dek bakabek ko ndak? Tampak e kalau sia sajo, tamasuak binatang, kalau 'dikabek', tamasuak manusianyo, kalau banyak bana 'dikabek' pikirannyo, iyo indak namuah gapuak, pendek umuanyo". Mandanga komentar tu banyak urang galak. Ambo pun tabasuik juo galak ambo, he he. Iyo agak e, kecek ambo dalam hati sajo. Pernah ambo mandanga pidato ketua DPRD salah satu kabupaten di Sumatra Barat dalam penutupan masa sidangnyo babarapo tahun lalu. Inyo bangga bana bahaso selamo maso jabatannyo lah sakian puluah berhasil dibuek peraturan (PERDA). Ambo galak gak mangkacemuih mandanga pidato liau tu. Salam, Suryadi =========
----- Pesan Asli ---- Dari: hambociek <[EMAIL PROTECTED]> Kepada: [email protected] Terkirim: Sabtu, 6 September, 2008 09:03:45 Topik: [EMAIL PROTECTED] Re: KUBANG SAHARJO --Mak Ngah Tarimo kasih banyak Angku Katik Sati. Iyobana indak tahu ambo istilah "Kubang Saharjo" tu cako dan hubuangannyo jo bakuhampeh. Disangko ado Kubangan Kabau tampek panuah lunau bakuhampek. Ambo sabana sanang mancaliak kabau bakubang, apolai kok bakuhampeh. Tapi Saharjo ko dimaa lo lah ha. Dalam pajalanan ambo marancah rimbo dari Tigojangko (Lintau) ka Tamparungo (Sumpu Kuduih) sisuak ambo sanang bana mancaliak kabau banyak lapeh baitu sajo, tampaknyo indak bakaluani bagai doh. Mareka bakubang dengan damainyo di bancah-bancah di tapi rimbo. Balain jo kabau awak di Ampek Angkek, kabau sikua-sikua baskaluani, digubaloan anak-anak gubalo. Kabau awak di ampek Angkek tu bakubang di sawah nan lah dijaja. Mancaliak kabau banyak di tapi rimbo ko, biasonyo ambo baranti sabanta bamanuang sambia minun, mamparatikan bara amannyo mareka dalam habitatnyo. Indak tampak di ambo kabau-kabau tu bakuampeh doh. Biasonyo mareka tacangan-cangang pulo mancaliak ambo musafir lalu nan maparatikan mareka elok-elok. Kadang-kadang ambo manyapo mareka "mangowek-ngowek ketek" maniru bunyi kabau tu. Nikmatnyo, mareka pun tacangang-cangang mangowek lo baliak. Ambo interpretasikan inyo mambaleh salam assalamualaikum dari ambo. Iyo bana, ruponyo kabau pun pandai manjawek salam.... Lapeh dari "daerah kabau" di tapi rimbo, ambo banyak basuo jo karo nan kadang-kadang dalam kasunyian hutan mangajuiki ambo dari ateh kayu sambia manggoncang-goncang dahan ketek. Mungkin inyo pun manyapo mangucapkan assalamujalaikum pulo ka musafir lalu. Dek takajuik kadang-kadang iyo maramang bulu kuduak awak. Maklumlah awak surang pulo bajalan di rimbo gadangnyo. Tapi sudah tahu lah jaleh ado kawan sarimbo diateh kayu tu, ambo caliak bana inyo elok- elok; "Aa garah du? Anto bakajuik-i den?" Biasonyo digauik-gauiknyo pawonyo, mangipeh-ngipeh ikuanyo, mungkin inyo mainterpretasikan tanyo MakNgah tu sabagai "Alaikum salam" dari Salamnyo nan mangajuikkan tadi. Baitulah damainyo iduik di rimbo, lai sapo- manyapo jo caro dan isaratnyo masiang-masiang ... Salam, --MakNgah Nan takana jo Rimbo Gadang ___________________________________________________________________________ Nama baru untuk Anda! Dapatkan nama yang selalu Anda inginkan di domain baru @ymail dan @rocketmail. Cepat sebelum diambil orang lain! http://mail.promotions.yahoo.com/newdomains/id/ --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
