Assallamualaikum MakNgah Sjamsir Sjarif di tapi riak nan badabua, Pak Saaf dan Sanak di palanta
Alhamdulillah dan tarimo kasih ateh respon MakNgah tantang usaho kito maansua mambuka tabia sikumbang di agam tuo (nagari balaigurah,biaro,lambah,panampuang), ado datuak rajo agam di sikumbang bonjo dan datuak rajo agam di lambah ; ruponyo tabia sikumbang ko banyak manyimpan carito, kisah nan paralu kito ansua untuak talusuri suruik /manikam jajak dari "ujuang" bonjo parik panjang ujuang baliak ka batu basa lundang, ka lambah, biaro, si camin balaigurah (sekitar muko labuah) dari pasan, carito nan ambo tarimo dari rang gaek di bonjo pnp, asa kaum kami dari sicamin blg, kini masih ado balahan di batu basa nan biaso ambo silau, kalau nan lambah, biaro, balaiguarah jo alun bisa di telusuri sampai kien. dan gala pusako (datuak) untuak kaum sikumbang pun balain tiok nagari di balaigurah,biaro, lambah, panampuang manuruik pikiran ambo, bisa jadi inyiak inyiak kaum sikumbang datang dari tampaik lain, dan barangah di sicamin sabalun maurak selo, maasak langkah mancari rantau baru, sahinggo indak bamukim di daerah sicamin, jadi sicamin adolah sabagai titik awal langkah baru, (karano ado mato aia, jadi murah mangana sicamin). jiko bamukim pun agaknyo di derah sekitar sicamin, lah kambang pulo, lah sampik lo tanah mako baliau taruih ka biaro, bamukim lo, lah kambang lo, taruih mancari tanah baru ka lambah, baitu pulo mareka taruih ka panampuang sebagai imigran nan tarakhir masuak ka panampuang nan sabalunyo hanyo ampek suku:jambak,koto, guci, tanjuang mako di tambah jo suku sikumbang palimo-i mako sampai kini ado datuak palimo di suku sikumbang nagari panampuang dan panampuang di kenal jo dgn namo lain ; limo suku satantang kato limau sariang ko, ambo pikia iko pengaratian harfiah dari limau manyih (sariang=dari gapuak ka kuruih, raso indak macam, indak manyih na=sadang elok) sabab biaso nyo; raso limau di sabuik-an; limau gadang, limau samba/limau ketek, limau cuko, limau kapeh dan limau sunday (dipanen tiok ari akad) rumah rang gaek ambo di bonjo panampuang, ambo laia di rumah, dulunyo bakeh surau durian, tibo kailia simpang canduang, di muko pandam pakuburan sikumbang , subarang parik panjang ujuang. sapanjang tapi parik panjang ujuang dari simpang canduang, suringin, lurah ko adolah sabagian besar tanah turiah-an nan biasonyo jadi pusako tinggi di limo suku/kaum dan subsuku/paruik :sikumbang, jambak, guci, koto dan tanjuang "bonjo" panampuang ko dulunyo , agaknyo, marupokan benteng untuak partahanan panampuang salah kaujuang untuak partahanan serangan dari arah tabek panjang baso ( al: bonjo lubuak sikapiang, bonjol alam dakek tanjuang alam, bonjo di tabek panjang baso/opposite jo bonjo pnp ko) dan ado parik panjang puhun di panampuang puhun,kubu panampuang) Sakitu dulu MakNgah, insyaAllah jo japri kito sambuang baliak, mohon maaf dan wassallam, AZ Dt RA dibaliakpapan manompang ambo sapatah lai, satantang parmintaan pak Saaf "Baa kok dibuek pulo "Paguyuban Sikumbang sa Dunia" ? Inyiak Sunguik jadi sesepuhnyo" Jadih, rancak bana pak Saaf, kito ansua mamabukak tabia ko salampih salampih utuak manarangi jalan ka nan katibo. mohon maaf dan wassallam, AZ Dt RA (37+) dibaliakpapan --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
