Catatan: Dalam posting sebelumnya ada salah ketik, di bawah ini diperbaiki. Kalau mengutip, pakai yang ini. Terima kasih. --
Tahun 1963-66 seorang Amerika, anthropologist Ms. Nancy Tanner, MA mamparajai Budaya Minangkabau dalam rangka studinyo untuk manyalasaikan PhD di UCB, (University of California Berkeley). Salah satu proyeknnyo iyolah manfokuskan studinyo di Guguak, tapeknyo di Guguak Tinggi nan disabuik juo Guguak Tabek Sarojo di Ampek Koto, Agam Tuo. Salah satu aktifitasnyo di Tabek Sarojo tu iyolah mambuek Ranji sacaro intensif. Dengan sagalo susah payah, dengan karajo samo jo Rang Kampuang di tiok rumah, dibantu oleh asisten-asisten risetnyo, dengan sagalo sukaduka dan anekdotnyo, Bu Nancy, baitu panggilan Rang Kampuang ka baliau, sukses dalam manjalin hubuangan persahabatan kekerabatan dengan saisi Nagari Tabek Sarojo. Buliah dikatokan pado taraf terakhir hampia seluruh Urang Guguak Tabek Sarajo lah masuak dalam Ranji sacaro detail. Suatu hari, sasudah mangambangkan guluangan-guluangan karateh panjang, sapanjang rumah gadang, basaf-saf saroman lapiak sumbayang di surau gadang, Rang Kampuang tacangang-cangang. Baa ka indak, dalam Ranji Raksasa tu jaleh tampak bahaso hubungan Kefamilian dan Kekerabatan Rang Kampuang Tabek Sarojo tu jaleh kaik-babaik kasadonyo. Ranji nan paliang tinggi dan dalam tacatat ampek baleh katurunan. Pado suatu hari, takana di ambo, salah seorang informan, asisten riset, tepatan dan lah manjadi kawan arek salamo tigo tahun tu, Rang Kampuang Tabek Sarojo Asli, manggauik-gauik kapalonyo. Dengan angok panjang inyo tagalak sengeng mangecekan: "Kalau baitu, Buk Nancy," keceknyo, "kalau kito truihkan ranji ko kateh, awak ko mungkin Sa Inyiak yo?" Tabasuik galak Bu Nancy, nan fasih mangecek Caro Awak, "Mungkin Iyo!" keceknyo sambia maangguak-angguak ka Rang Banyak. "Sainyiak, Nyiak Adam!" Rang Saisi Rumah samo-samo galak takekeh-kekeh riuh rendah sacaro intim lah basuo jo Dunsanak Jauah dari Subarang Lauik, lah dapek baiyo-batido jo Caro Awak di Tabek Sarojo. Ambo pun salah saurang nan hadir, maangguak-angguak galak mangkacimuih "Iyo, Awak Sainyiak, Nyiak Adam!" ... :) Sakitulah dahulu, sakadar Kenangan Mambuek Ranji di Guguak Tinggi, Tabek Sorojo. Tulisan ko juo untuak mengenang dan batarimo kasih Rang Kampuang Tabek Sarojo nan sangat ramah bakarajo samo dan elok hati ka Dunsanak Jauah dan asisten-asistennyo. Baitu juo untuak mengenang Almarhumah Dr. Nancy Tanner nan lah maningga tahun 1989 di Phunix, Arizona dan dimakamkan di Santa Cruz, California. Salam, -- Sjamsir Sjarif --- In [EMAIL PROTECTED], "Dedy Yusmen" <[EMAIL PROTECTED]> wrote: > > Sato loh wak tu mah Sanak > > Namonyo : Persyerikatan Sikumbang Raya > > Tapi di Kampuang rang rumah Ambo Sikumbang koh alah pacah pulo jadi > Sikumbang Gobang, Sikumbang tuo , antah a namonyo tu a.. itu dikampuang > kaciak Ambo Sianok lain lo lai, alun di kampuang kaciak, kapau, > tilatang, magek, pakan kamih, guguak, koto gadang, ampek koto, baso, > ampek angkek, gantiang sawah laweh, tangah sawah, oi banyak nagari tu > mah.. itu kampaung kaciak sekitar bukik-agam timur, banyak lo nan lain > li sarojo mandiangin, anak aia manggih koto selayan, poi banyak tu mah > > Baa caronyo tu yoh Sanak..sisilah kito kalau diirih-irih bana sampai nyo > ka Nabi Adam jo Bundo Hawa. (itu nan jaleh). Kalu alah tau silsilah ka > manjadi a wak lai Sanak. Beko Urang Sikumbang awak buek pulo rumah > gadang khusus Sikumbang. Urang kampuang kito mambuek ikatan kampaung > masiang-masing, sampai ikatan alumni sakola, ikatan nagari asa, ikatan > karena peminatan yang sama, bahkan ado ikatan urang sa Sumbar, kini ado > pulo ikatan persukuan. > > Bilo awak ka mauruih bulan, matohari, lauik, gunuang, bintang, hutan, > kota, kampuang, li ko Sanak, (aah itu urusan Tuhan tu mah) nan jaleh > bulan puaso ko, Allah manyuruah kito mauruih diri masiang-masiang, > pabanyak pahalo, apuih doso jo istigfar dan taubat. > > Sato lah Ambo ciek tu sanak, sato ikuik se, sanak nan mambuek ranji dih, > nan jaleh Ambo badunsanak jo Sanak Reza tumah, samo-samo Sikumbang :-) > > > Wassalm > Dedi Yusmen > Suku : Simanusia --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
