Mak Taufik Lah jaleh dek ambo mah kaleh Kumango ala kiktinggi ko, maklum lah ambo di Padang wakatu ketek2 dulu Di Padang ado juo..sabun cap tombak..kalau ndak salah buatan Hadis Didong Atau ambo nan salah.. pokoknyo lai sabun cuci dulu yo Top mah sabun cap tombak.. kini masih ado juo sabun batangan ko
Jadi ambo dek suko survey ka Hutan..sabun batang ko dipagunokan Masyarakat nan maangkok kayu di Rimbo..inyo buek jalan cando rel KA..dima tasakek inyo agiah sabun batangan ko untuak palicin, Ciek lai guno sabun batang ko..dima dorom minyak tanah nan boco aluih disumbek jo sabun ko..soalnyo ado dunsanak ambo wakatu saisuk Karajo di OPEC - MT = Organisasi Panjua Eceran - Minyak Tanah :) Batua bana nan Top sabun Camay, ingek bana ambo kok lah datang etek ambo Dari rantau Tanjuang Pinang dan tanjuang balai Karimun..mambaok sabun ko Yo sabana harum sabun camay ko...kini masih ado kalau ndak salah Manganai "CV Duo Jari" di kota Padang disabuaik "Tukang Bola" Baoperasi di Bis Kota..di Pasa Raya Kok manjalang week end..ko ..yo lamak maota nan ringan2 sajo kito Misalnyo maota gabuih..karupuak palembang..maota busa..ha..ha..ha.. kan Ringan tu Sagitu dulu Mak Taufik..apo lai carito nan Ringannyo..ambo sangaik suko Carito mode ko untuak bahan-bahan manulih... apolai masuak Nyi Sunguik alias Mak Ngah Wass-Jepe www.jupardi.multiply.com -----Original Message----- From: [email protected] [mailto:[EMAIL PROTECTED] On Behalf Of Rasyid, Taufiq (taufiqr) Sent: Friday, September 12, 2008 1:26 PM To: [email protected] Subject: [EMAIL PROTECTED] Re: Tantara kambuik Oops... batua Tuak salah ambo...Mukasuiknyo memang "Galeh Kumango" kalau Kumidi kan nan ado jalan Kumidi di Kiktenggi.. Curito tantang pancacak iko, salah satu nan pernah ambo tanyo ka langsuang pelaku. Kabatulan baliau lah tuo labiah dari 80 th, baru duo bulan ko maningga... Karano kami cukup akrab walau baliau lah tuo... acok juo main tubo-toboan jadi,... kecek kami kalau sadang bajalan baduo lapeh sajo macam urang bakawan sajo. Baliau acok ambo bao pai mancaliak ladang Padohal baliau tamasuak guru tuo dari salah satu persilatan dengan sejumlah muridnyo,bahkan kaduo anak lelaki ambo baraja silek jo baliau. Jo umua sagitu masih capek mangalatiang kaki jo tangannyo....karengkang masih kareh...Cuma angok kadang lah co kureta mandaki Ampuah... Salain itu baliau juo penasihat dari OKP yang biaso jadi backing usaha nan kurang sandereh. Salamo didunia " CV. Duo Jari" itu baliau pernah kena batunya disalah satu pakan di Pasie Pangiraian. Sasudah tangan baliau masuak ka saku sirawa korbannyo.... indak talok mangaluakannyo lai... Alhasil baliau tapaso manuruik sajo kamano si korban pai... Kalau masih ditampek nan sadang basalingkik, mungkin indak jadi perhatian urang.... tapi katiko lah ditapi pasa...lah tadanga sorak urang ma-iriangi baliau.. Akhianyo sasudah dibao minum kopi dek sikorban, baliau langsuang dianta ka oto nan mambaonyo barangkek kalua dari daerah itu... Tapi ado juo pancacak atau nan sejenisnyo iko nan agak kareh... Salasai manonton pacu kudo di Kiktenggi belasan "Pareman Langkisau" nan mangawani baliau dari kampuang ditraktir maisi kampuang tangah di Kampuang Cino.. salasai makan malapehan salero buruak, sa kanyang-kanyangnyo dan lah dietong pulo dek palayan. Baliau manuju kasir seakan-akan mambayia.... tapi pitihnyo indak kalua doh dari dompet nan takambang.... malah nan hariak-an ka kasir : " Maa..sonsong pitih den..." Lumayan juo isi kotak urang dikaruaknyo untuak mantraktir para "Pareman Langkisau" itu.. Sabun Colibrita adolah sabun mandi nan popular selain Lux jo Bris. Bungkuihnyo berwarna dasar hijau ( indak kulabu doh) bagambar buruang nan sadang malayok. Kalau nan kalas tinggi untuk marapulai jo anak daro sabun mandinyo Camay. Untuak sabun cuci ado sabun cap "Tombak" buatan Kampuang Cino Kiktenggi nan maha ado sabun Cap tangan/ Sunlight Selain itu nan jadi galeh kumango iko adolah minyak kemiri( kini masih ado ) Satu hal nan khas didaerah dingin adolah pambaoan salimuik angek dari Marapulai untuak anak daro nan selalu berwarna merah... mereknyo kutiko itu cap Biri-biri Wass St. RA -----Original Message----- From: [email protected] [mailto:[EMAIL PROTECTED] On Behalf Of Datuak Arifz Sent: Friday, September 12, 2008 10:04 AM To: RantauNet Subject: [EMAIL PROTECTED] Re: Tantara kambuik Mak Taufiq, dulu nan takato bana nan pancapek tangan ko ado namonyo "nyiak samiek" urang bailimu, kalau liau masuak pasa biasonyo urang panggaleh lah mamparatian dan maagiah kode...panah sakali tasaromboh --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
