Adolah sa-urang laki2 pai ka tukang cukua untuak mamotong rambuik jo jambangnyo
nan alah panjang......
Carito punyo carito mulailah si tukang cukua tadi memotong rambuik si paja tadi
sambia maota nan angek2.
Kaduonyo mambicarokan banyak hal dan berbagai macam topik, sampai pulo masalah
politik, padusi, pokoknyo macam2lah. Tibo2 topik pambicaroannyo baraliah ka
masalah Tuhan. Baa pulo caritonyo ko................
Si tukang cukua mangecekan, 'Aden indak picayo Tuhan tu ado'.
'Aaa, baa kok angku mengecek takah tu bana ???' kecek si paja tadi.
'Inyo takahko, cubo angku liek dimuko tampaik den ko, di jalanan,
dima-dimanyo....... Untuak menyadari bahwa Tuhan itu indak adoh'.
'Katokanlah ka aden, jiko Tuhan itu ado, baa kok ado nan sakik??, anaknyo nan
talanta??', putuih sikolah??....macam2lah.....
.
'Jiko Tuhan ado, indak ado kabasuo sarupo nan den kecekan tadi doh......'.
'Aden indak bisa mambayangkan kalo Tuhan Yang Maha Pangasiah jo Panyayang ko
akan mambiakan sajo sarupoko'.
Si paja tadi tadiam untuak bapikia sabanta, tapi inyo indak marespon apo kecek
si tukang cukua tadi, sabauk inyo indak amuah mamulai adu pandapek masalahko.
Si tukang cukua alah salasai mangarajoan tugaihnyo, dan si paja tadi iyolah
pulang pulo dari tampaik si tukang cukua.
Babarapo saaik habih maninggakan tampaik si tukang cukua tadi, inyo maliek
urang di jalan ado nan barambuik panjang dan jambangnyo sangaiklah labeknyo,
sudah tu indak tauruih pulo bantuaknyo, takah si buto dari gua hantu........
Si paja tadi babaliak ka tampaik si tukang cukua dan dikeceknyo;
'Angku tahu ndak, sabananyo TUKANG CUKUA ITU INDAK ADOH.'
Si tukang cukua indak bisa manarimo dikecekan takah tu,' Baa kok angku sampai
mangecek takah tu bana ??'.
'Oo Aden ado disiko dan aden adolah Tukang Cukua. Sabanta ko aden kan alah
manyukua rambuik angku....., agak naiak juo spaniang si tukang cukua tadi !'
'Indak.....!' mambaleh pulo si paja tadi.
'Pokoknyo tukang cukua itu indak adoh......., sabauk jiko inyo ado, indak adoh
urang nan barambuik panjang nan indak tauruih takah urang nan den liek tadi,
kecek si paja tadi.
'Ah indaklah, yang namonyo Tukang Cukua tatauk ado, manyelo pulo si tukang
cukua.......
' Apo nan angku liek di lua tadi tu iyolah salah inyo surang, baa kok ndak pai
katampaik den', kecek si tukang cukua.....
'Cocok Bana!'........ saratuih persen aden satuju, manyelo pulo si paja tadi.
'Itulah pokok pangka nan sabananyo!.. Samo pulo jo Tuhan,
TUHAN ITU ADO!, Tapi apo nan tajadi... ?
Urang-urang indak namuah pai ka-Inyo, dan indak namuah pulo mancari-Nyo.
Oleh karano itu banyak pulo nan sakik, anaknyo nan talanta, pokok e dirudung
malang taruih........'
Si tukang cukua tapana sajo mandanga ciloteh si paja tadi !!!! (dalam hati
inyo mangecekan, iyo pulo kecek angku tu yo..........)
Salamaik Kenal jo Salamaik Babuko Puaso,
Supriadi (AAT), 39, Piliang, gala iyo lai indak adoh, amak paja moyang
priangan..
Constantine - ALJAZAIR
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
