Assalamu'alaikum Warrahmatullahi Wa Barrakatuh,
Rang dapua nan dihormati,
Sajak Tan Lembang masuak ka galanggangko, banyak "perbendaharaan" nan Tan
Lembang dapek. Walau Tan Lembang alun malanglang sarupo rang dapua, tapi dek
ulah RantauNet ko, tabao juo sakaki ati Tan Lembangko ka dunia nan alun
tajajagi.
Tan Lembang alun bisa babaua jo dunsanak lainnyo nan saanggota. Tan Lembang
alun bisa mancaliakkan muko bagabuang basamo di lua dunia mayako, tapi indak
baa doh, ilmu-ilmu nan diagiah mamak-mamak jo dunsanak-dunsanak lah banyak
dipadapek. Tamasuak tantang kondisi Sumbar kini jo adaik minangkabau nan mulai
batambah di saku Tan Lembang.
Untuak manjago karukunan awak, mungkin kalaulah buliah batanyo, apokah alah
tadaftar panuah Tan Lembang di dapua RantauNet ko? Kalaulah ado, nomor bara Tan
Lembang barado di buku tu? Ciek lai, alah bajumlah bara urang anggota RantauNet
kini ko? Baa nantun Tan Lembang batanyo. Sabab, pernah wakatu tu Tan Lembang
tamasuak urang nan indak dianggap, indak ditanggapi. Padahal, dek ulah susahnyo
mangirim "form registrasi" ka dapua RantauNet ko. Sakali lai, bilo tanyato di
format registrasi masih ado nan bolong-bolong, tolong diansua ka bakeh Tan
Lembang yo. Samoga rang dapua sabagai ADMIN, indak direcoki dek ulah masalah
saketek.
Akhianyo, Tan Lembang maucapkan salamaik manjalankan ibadah puaso.
Mudah-mudahan amalan awak ditarimo oleh Allah swt.
Wassalam,
Tan Lembang (namo dimilis)
Boediman Moeslim (namo asli), bapanggia jo BUD atau BUDI
basuku Piliang (Pagacancang)
baumua 52 taun
asli urang ranah Lintau, Tanah Data
bajorong jo nagari sarupo yaitu di Tanjuang Bonai
barumah urang tuo disuduik kampuang banamo Tabiang Korban
babako ka jorong Tanjuang Kociak masih di Tanjuang Bonai juo
babako kasuku malayu mandailiang
dulu tingga di kaki gunuang sago
kini tingga di kaki gunuang tangkuban parahu.
baguru di es de batampek di kapulauan riau,
baguru di es em pe Lintau batampek di nagari lubuak jantan masih di Lintau
baguru di es em a sapotong di Lintau sapotong di Medan
kursus di unand padang salamo salapan taun labiah ampek bulan
satalahtu bakumpua jo urang tuo di batawi jo banten,
mangakeh di jambi sataun labiah
kamudian mangakeh di batawi
akhianyo taun salapan puluah anam inggo kini baluluak di Lembang, Banduang.
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
