Waalaikumsalam w.w. Sanak Datuak Arifz,
Masalah asset nagari ko takaik jo status hukum nagari. Kito harus mambedakan
antaro nagari dalam kenyataan sebagai desa nan tumbuah sacaro alamiah, dan
nagari sabagai badan hukum, dalam hal ko sabagai masyarakat hukum adat nan
dijamin dek hukum. Masyarakat hukum adat dilindungi dek Pasal 18 B (2)
Undang-Undang Dasar 1945 dan Pasal 6 Undang-undang Nomor 39 Tahun 1999 Tentang
Hak Asasi Manusia. Paliang akhir dilindungi dek hukum internasional, sasuai jo
THE U.N. Decralation on the Rights of the Indigenous Peoples, 13 September 2007.
Sampai kini nagari-nagari kito di Sumatera Barat baru marupokan nagari atau
desa dalam kenyataan tapi alun marupokan nagari sabagai badan hukum, yaitu
sabagai masyarakat hukum adat. Tapi dapek ambo sampaikan bahaso di Indonesia
baru duo (!) desa nan bastatus sebagai badan hukum ko yaitu desa urang Baduy,
Kabupaten Lebak, Provinsi Banten, dan ciek lai desa di Kabupaten Pasir di
Kalimantan Timur.
Manuruik Undang-undang No. 32 Tahun 2004, sagalo hal nan takaik jo desa dan
masalah tanah harus diatur dalam peraturan daerah kabupaten. Ambiaklah sabagai
contoh, nagari Sumani, Simarasok, atau apo sajo, untuak mandapek jaminan
taradok asset hak ulayatnyo, musti ado peraturan daerah kabupaten nan
mangakuinyo sabagai masyarakat hukum adat. Hal itu juo disabuikkan dalam
Peraturan Menteri Agraria/Kepala BPN Nomor 5 Tahun 1999 Tentang Tanah Ulayat.
Saran ambo adolah, satiok nagari di Sumatera Barat nan ingin agar asset
nagarinyo dijamin dek hukum, capek-capeklah minta ka pemerintah kabupaten
untuak dibuekkan peraturan daerah (perda) kabupaten nan mangakuinyo sabagai
masyarakat hukum adat.
Langkoki perda tu jo peta. Manfaatnyo adolah agar jaleh ma nan tamasuak
wilayah nagari, misalnyo soal lokasi sarang burung walet tu. Kalau paralu juo
bisa dibuekkan peta dari hak ulayat masing-masing suku di nagari.
Mambuek peta tu indak sarik bagai doh, minta tolong ka mahasiswa teknik sipil,
bisa dibuek jo alat nan namonyo GPS (global positioning system). Di Sumbar
nagari nan alah punyo peta nan dibuek saroman ko adolah Koto Gadang. Tim
pambuek peta ko dipimpin dek Sanak Ir Zukri Saad. Baliau ko alah baliak ka
Padang dari kagiatan baliau di NTB. Ambo yakin baliau bisa dimintai tolong.
Supayo ambo bisa sato mamparatikan labiah lanjuik, capek-capeklah mandaftarkan
nagari nan alah diagiah status badan hukum tu sabagai anggota Sekretariat
Nasional Masyarakat Hukum Adat (Seknas MHA) nan dibantuak jo akta notaris di
Pekanbaru, Riau, tanggal 31 Januari 2007 nan lalu. {Ambo manjadi Ketua Dewan
Pakar di Seknas MHA ko).
Wassalam,
Saafroedin Bahar
(L, masuk 72 th, Jakarta)
Alternate e-mail address: [EMAIL PROTECTED];
[EMAIL PROTECTED]
________________________________
From: Datuak Arifz <[EMAIL PROTECTED]>
To: RantauNet <[email protected]>
Cc: [EMAIL PROTECTED]
Sent: Thursday, October 30, 2008 1:26:34 AM
Subject: [EMAIL PROTECTED] Asset Nagari
Assalamualaikum Pak Saaf dan Sanak di Palanta,
Pak Saaf mohon dibarikan pencerahan tantang Hukum Hak Ulayat Adat,
karano ambo pikia banyak sumber daya alam atau Asset Nagari nan
seharusnyo milik masyarakat Nagari untuak kesejahtraan Nagari dan Anak
Nagari kini dikuasoi oleh segelintir urang atau "nan bagak bakuaso" ,
kejadian penguasaan lahan nan bernilai ekonomis ko salalu jadi
sangketo di tengah masyarakat, misano
1.Guo alam sarang burung walet --> seharusnyo KAN jo Nyiak Wali
Nagari nan "bakuaso" untuak kemakmuran Nagari
2.Bukik batu kapua, bukik tanah liek -> bahan baku simin, industri
kuali, tarenang, kacio, etc
3.Mato aia/sumber Aia
(antaro lain Sirangkak Gadang: kalau indak ado hukum nan
malindungi bisa jadi "Sirangkak Gadang" di kaki gunuang marapi
dikuasoi 'urang bagak' untuak buek pabrik aia minum kemasan misano
atau PDAM?, kalau iko tajadi kariang sawah di Agam nan diiliaan aia ko
sajak saisuak sampai kiniko)
4.Sungai/batang aia, danau, rimbo nagari, etc
(contoh:pengaturan karamba di danau dan batang aia , untuak ekosistem
danau jan sampik dek karamba dan ado lo 'urang bagak' mangauik
kasiak di batang aia, kadang pakai 'alat berat' akibatnyo sawah sawah
ditapi batang aia ko banyak nan runtuah dan batang aia pun batambah
dangka)
5.Dan banyak 'Asset Nagari' hak ulayat adat nagari nan lain, dulunyo
kurang dimanfaatkan, kini ko bisa jadi pitih
sarancaknyo kasado sumber daya ko dimasuak-an ka asset Nagari untuak
pambangunan Nagari dan kesejahteraan anak nagari
satantang jo penganiayaan anak nagari nan sato mamanen siso sarang
buruang walet , diharapkan ka aparat penegak hukum, ma-ukum nan
basalah, mohon dicari sampai dapek pelaku penganiayaanko karano
kajadian ko agaknyo lah acok baulang tajadi di ranah maupun tampek
lain,
wassallam dan mohon maaf
AZ Dt RajoAlam
dibaliakpapan
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
