Assalamualaikum.wr.wb.
Ondeh sanang hati mambaco carito sanak. Saraso tabayang baa bana bantuak kota
balikpapan..
Taruihkanlah carito pengalaman hiduik sanak. Beko lamo lamo akan tumbuah
inspirasi kito dalam mengkisahkan pengalaman hidup kita.
Pengalaman uni dalam menulis - menganggap audience kurang faham dengan apa yg
akan kita ceritakan. Sehingga kita berposisi sebagai juru bicara dengan bahasa
yang populer.
Alhamdulilah uni melihat tulisan sanak sudah sempurna.
Lanjutkan lagi ceritanya. Mari kita kasih tema the long and winding road.
Selama menulis ya...
Wassalam
evy nizhamul
Alfrizon DJ wrote:
> Assalaamu'alaikum wa rahmatullahi wa barakaatuhu, Satalah mambaco tulisan
> dibawah ko, tagarik pulo hati nak manulih dipalanta ko untuak baraja-raja
> (ambo rubah stek judulnyo yo). Ingek 5 tahun nan lalu katiko bos ambo
> manyuruah ambo mangantian urang cuti di baliakpapan. Dimano, waktu masuak ka
> "team" tu lah dipagarahan dek kawan-kawan di sinan, kalo lah taminum aia
> mahakam jarang nan kababaliak lae. Iyo ruponyo, kecek sabulan jadi batambah
> duo bulan, batambah lo liak... sampai sambilan bulan ambo disuruah pindah
> bana ka baliakpapan ko dek bos ambo tu (lah paniang mungkin mamikian pesawat
> ambo baliakpapan - padang tiok bulan he he he), Akhianyo September 2004
> babaoklah anak bini untuak mangadu nasib disiko. Manuruik bayangan ambo
> pertamonyo, yo lah Baliakpapan
> ko daerah rimbo.. banyak urang dayak di sinan. Namun pas tibo bana... babeda
> ruponyo, lumayan rami, barasiah, yoo babeda bana jo tampek karajo ambo
> sabalunnyo di Duri Riau. Rang rumah jugo punyo pamikiran baitu. Dan suatu
> kali kami pai sumbayang Mugarik ka musajik Taqwa di klandasan, sampai ta
> heran rang rumah ambo... Baru kali ko inyo caliak babarapo angkot parkir di
> halaman musajik pas jadwal mugarik, biasonyo jadwal mugarik ko masih jamnyo
> kaja setoran dek sopir-sopir tu. Salasai sumbayang bacigok lo liak angkot
> nan parkir tu, angkot tu lah baransua hilang. Babarapo supir samo kalua jo
> kami dari musajik. Lai sumbayang supir ko ruponyo. Kami tingga pertamo kali
> di daerah Baliakpapan baru. Batatangga jo banyak urang nan ba oto bakilek
> disinan. Namun iduik tu agak sepi, karano tetangga banyak nan maaram sae di
> rumah, lai kalua tapi didalam oto sajo nan bakaco itam. Hanyo kami nan
> bajalan kaki kalua. Sampai satpam di perumahan tu
> kenal samo kami. Karano perumahan tu dakek samo mall, kok tetangga baok
> balanjonyo jo oto rancak, kami yo jo troli-troli Hero tu kami baok ka rumah
> (tapi dibaliak an baliak he he he). Akhianyo kami pindah ka perumahan nan
> pasti babeda bana jo tampek tingga kami sabalunnyo. Disiko umumnyo urang
> barekonomi manangah ka bawah. Nan kami suko dari urang siko, urang disiko
> jarang mangaluah. Minyak naiak, harago naiak jo sagalo naiak ndak baitu
> banyak kurang galaknyo. Walau di rumah, kok saukuran urang padang makan yoo
> alun ka kanyang lae. Tetangga ambo banyak urang jawa jo bugih, ado rang
> padang juo babarapo. Mulailah kami dapek iduik nan cocok samo kami. Iduik
> bamasyarakaik. Rang rumah lah aktif pulo nyo jo urusan PKK-nyo, urusan
> musajik, arisan RT dll. Sadangkan ambo yo lah ikuik bulo gotong-royong,
> bangun pos yandu, lapangan voly sampai mauruih musajik sagalo. Kabatulan Pak
> RT ambo ko, yo bana ambo akui urang ba masyarakaik. Jadi kok adolah
> warga nan indak amuah gotong royong (yo Alhamdulillah sebagian kecil nyo),
> minggu mungko kito gotong royong di muko rumahnyo. Kami barasihan jo
> alaman-alamanyo. Taruih tarang ambo ndak baitu banyak kenal jo sanak-sanak
> parantau di siko. Lai danga-danga carito sajo dari ajo nan manggaleh sate di
> simpang BP tampek kami acok makan. Karano itu tadi, jam 7 pagi lah barangkek
> dari rumah ka tampek karajo, pulang laik sampai ka rumah lah ka mugarik.
> Malam hari untuak keluarga. Sabtu minggu jo keluarga jo kagiatan di
> masyarakat. 10 hari dalam sabulan sakurangnyo ambo ado di delta mahakam,
> jadi saketek bana wakatu untuak jalan-jalan tu. Kalaupun cuti, kami kalua
> kalimantan jo ka padang. Kini lah 5 tahun sudah, lah tarimo pulo ambo amanah
> dari perusahaan untuak pindah ka Jakarta awal tahun mungko Insya Allah.
> Sadiah mamang. Bukan dek sadiah maninggaan karajo nan disiko, karano
> tantangan nan baru Alhamdulillah lai sasuai jo hati.
> Namun sadiah maninggaan tetangga, sadiah maninggaan pengajian jo musajik nan
> sadindiang jo rumah kami. Tiok subuah kami dijagokan dek azan kalo talaek
> jago. 5 waktu kami manangga azan nan kareh, sampai anak ambo nan baumua 5
> tahun kalo lah mananga suaro azan tu, alun juo ambo malangkah ka musajik lae
> ndak sanang hatinyo... "Pa... itu Om Tamsil udah manggil tu"... Tamsil tu
> garin musajik tukang azan. Sungguah sangaik nikmat rasonyo tingga di sabalah
> rumah sajik. Patangko wakatu ibu-ibu dari kawan2 TK anak ambo arisan karumah
> ado nan ngecek... "Sayang yaa.. rumahnya dekat mesjid"... he he he belum tahu
> dia!!... kalo ambo ndak paralu jam beker bagai doh untuak jago pagi, tiok
> hari keluarga ambo dijagoan dek suaro nan ma aguangkan asma Allah. Jadi untuk
> pindah ka jakarta bisuak kami barencana, kalo adolah rasaki saketek
> dibukakan Allah, kok dapek yo tingga dakek rumah sajik baliak. Ada suasana
> damai nan susah diungkapkan jo
> kato-kato. Sampai kini kami masih mikia-mikia untuk manjua rumah ko, karano
> ado perasaan rindu tadi tu, masih ado perasaan ka babaliak kamari baliak.
> Rayo kurban bisuak, mungkin terakhir bagi ambo jadi anggota panitia kurban di
> siko. Kalo tahun lalu ambo jadi anggota tukang dabiah, tapi dek karano
> mandabiah ayam se ngari, jadi wakatu tu ambo banyak jadi tukang poto sajo.
> Mako taun kini, mungkin pak ketua mancaliak potensi ko mako ambo dilatakan di
> dokumentasi sae he he he.... Rencananyo tadi baraja manulih sajo... tapi lah
> panjang bantuaknyo... , ... Mohon maaf kok ado nan jangga. Kini ambo sadang
> di daerah delta mahakam, bisuak lah balik bakumpua jo keluarga di balikpapan.
> Dimungko di tapian sungai ado "sea truck" parkir, tadi malam ambo caliak RIG
> sadang "moving" balampu lewaik tampek ambo manginap salamo tugaih disiko.
> Kadang ambo caliak tongkang lewaik mambaok batubaro. Dari ateh heli masih
> banyak tampak rimbo nan hijau, walau
> banyak nan lah gundul, banyak tambak udang di bawah nan mungkin lai salueh
> lapangan bola bantuaknyo. Sungguh kayo nagari ko ya Allah, rahmati jugalah
> kami untuak pandai mansyukurinyo. Wassalamu'alaikum
>
> Alfrizon - Khatik Bandaro 35th Balikpapan Dari: Muhammad Dafiq Saib <[EMAIL
> PROTECTED]> Kepada: RantauNet@googlegroups.com Terkirim: Senin, 3 November,
> 2008 22:46:32 Topik: [EMAIL PROTECTED] Re: Pengalaman Naik Bis di Lintas
> Tengah Pulau Sumatera- Lahat jo Baliakpapan. Assalaamu'alaikum wa
> rahmatullahi wa barakaatuhu
>
> Satolo lah ambo manambah-nambah.
>
> Pakaro jalan lintas Sumatera nan di tangah tu dulu. Partamo sakali ambo
> manampuah jalan tu mambao oto dari Jakarta di tahun 1990 akhir. Oto Renault
> 18 buatan Parancih, bakirim jo kapa dari Baliakpapan, mulo-mulo rancana ka
> batinggaan di kampuang. Kami
> Yahoo! sekarang memiliki alamat Email baru Dapatkan nama yang
> selalu Anda inginkan di domain baru @ymail dan @rocketmail. br>
> Cepat sebelum diambil orang lain!
>
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
