Suai ambo jo Mak Tan Ameh tu mah mak. Makonyo batua a nan ditulih diadaik (petatah minang) Bamamak bakamanakan, babako babaki, basumando basumandan, baipa babisan. Tantu papatah iko ndak bisa dibaliak co: Bakamanakan bamamak.
Manuruik ambo nan awam iko lah luhur nyo budi pekerti urang awak, caliak kadalam dulu baru ka lua. Introspeksi diri wak dulu, bi tu lah nan harusnyo tajadi. Ambo ambiak'an baliak tulisan dari : Mak Zul Amry 10 Nov 2003 Assalamualaikum wr.wb: Adopun adat urang bamamak bakamanakan , kalau barek samo dijunjuang , kalau ringan samo dijinjiang , mandapek samo balabo , kahilangan samo marugi , samalu sasopan , sahino samulia , indah buliah barubah salamonyo. Satiok kamanakan wajib hukumnyo mangikuti apo nan dinasihati mamak , dan baitu pulo mamak wajib pulo manasihati kamanakan sacaro elok dan baik adil dan lurus . Indak buliah manpatipakkan kamanakan barek sabalah , nan sorang diangkek dan disanjuang karano cadiak dan pandai sarato barado , sadangkan nan sorang lai diinjak karano miskin dan bodoh , jaan sarupo urang mambalah batuang sabalah diinjak dan sabalah lai diangkek . Jika ada kelakuan atau perangai kamanakan yang kurang elok , wajib lah mamak manunjuak maajari , dan mambari tegur sapa atas kelakuan kemenakan tersebut secara arif dan bijaksana dan disampaikan secara baik pulo . Bia indak tajadi salisiah dan silang sangketo antaro mamak jo kamanakan . Baitu cara urang bamamak bakamanakan nan diajarkan sapanjang adat . Disamping itu mamak indak pulo buliah mampardiarkan sajo kelakuan kemenakan yang tidak sasuai jo alua dan patuik. Apolai dijaman modern kini lah banyak kamanakan nan cadiak dari mamak , mako paralu komunikasi nan intens antaro mamak jo kamanakan dan sebaliknyo . Hindarilah saliang mamburuakkan antaro mamak jo kamanakan , jaan sampai sarupo mamcabiak baju didado , manapuak aiea didulang , muko awak juo nan kanai galaciknyo Wassalam : zul amry ( 55 + ) di kuta bali Sasaui saran Mak Tan Ameh, iko jadi pelajaran bagi awak nan lah manjadi surang mamak, pandai2 lah jo kamanakan. Jiko dikampuang ambo dulunyo, gaek (kakek) ambo, mamak dari Ibu, tiok2 jum'aek, baliau ko indak ka sawah jo ka ladang ataupun kapasa. Hari tu tugas nyo hanyo lah bakuliliang saharian untuak manjanguak para kamanakan-kamanakan salingka nagari, walaupun kamanakan2 tadi lah baranak/bacucu, nan tugas ko tetap liau lakukan hinggo lah ndak talok bajalan lai dek sakik (lah uzur). Tibo di ambo, mamak bakarajo di Rumbai/Pekanbaru (terakhir di Tripatra), ambo dan adiak2 tingga di Duri, sapasang kamanakan baliau lainnyo tingga di kampuang di V Kaum Bt Sangka. Tantu mamak indak bisa tiok minggu mancaliak kami. Paliang indak hanyo lah sabulan sakali, itu pun ndak lo bisa lamo2. Intensitas nan co iko tantu indak sakuek hubungan bamamak jo bakamanakan nan di kampuang. Lai taraso dek ambo, dek ado contoh. Tapi lah banyak lo kini ko kamanakan nan indak punyo mamak kanduang.... Bi tu lah nan tajadi di ambo, anak duo tapi ndak punyo mamak nan kanduang, dek rang rumah adiak baradiak 4 urang padusi kasadonyo. Tantu anak2 ambo ndak akan merasakan sentuhan kasih sayang dari surang mamak... Mungkin dari uraian contoh kasus bamamak bakamanakan lah banyak tajadi dima-dima, hubungan antara mamak jo kamanakan makin bakurang. Hal iko mungkin banyak tajadi jo nan iduik di rantau. Mungkin lai juo bamamak, tapi mamak tingga di kampuang, nan katiko pulang kampuang bapanggia OM. Antah lahh.., tapi tibo di ambo iyo beda rasonyo antara Om jo MAMAK. Iko lah fenomena nan tajadi kini.. mungkin kamanakan gadang tanpa sentuhan dari seorang mamak.. Sagitu dulu, banyak maaf bilo ado nan indak berkenan. Wassalam Jeje - Aryandi K92, Surang mamak di Jkt dengan 4 kamanakan nan ketek2 di Duri Tingkatkan Integritas Diri, Jalin Silahturrahim, Mari Bersinergi, Ayo Jemput Rezeki, Bantu Anak Negeri ________________________________ From: Tasril Moeis [mailto:[EMAIL PROTECTED] Sent: Wednesday, November 12, 2008 9:03 PM To: [email protected] Subject: [EMAIL PROTECTED] Re: MANA KONTROL DARI NINIAK MAMAK DAN ALIM ULAMA MINANG ???? Dari banyak no komentar nan di baco banyak nan mampatanyokan fungsi kontrol dari niniak mamak jo caro kamanakan ba mamak. Dari awak nan banyak di palanta ko kok batanyo awak ka diri masiang2, lai ko lah fungsi mamak nan sasuai jo adaik ko awak jalan kan. Manjalang, mananyoi jo maagiah nasiaik ka kamanakan. Kalau iko indak pernah awak jalan kan baa pulo kamanakan ka tau jo mamak no. Lah ka kawin no baru awak datang malarang nan iko manyuruah nan itu. Paliang jawek no, emang lo ...siape. Baru taraso badan tu awak jadi mamak. --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
