Dunsanak sapalanta,
Assalammu'alaikum wr wb,
Indak paralu diragukan lai bahaso jejaring informasi nan dibuek
dunsanak-dunsanak awak salaku panggagas berkomunikasi lewaik e_mail ko
sangaik-sangaik banilai, baiak bagi individu, kelompok ketek (small group)
maupun salaku awak nan tagabuang dalam suatu "tatanan" nan indak bisa tapisah,
yakni urang-urang nan barado dalam lingkung ALAM jo ADAIK MINANGKABAU atau
dalam artian putra-putri yang berasal dari PROVINSI SUMATERA BARAT. Sasudah
mambaco ilia -mudiaknyo sajarah RantauNet nan diantaan dek sanak MIKO AHMAD
MIKARDO Bandaro Ateh Langik, salaku putra Sumatera Barat (walau mancangkua di
tanah Sunda, maaf alun pulang sajak pai dari kota Padang taun salapan puluah
tigo), ambo bapandapek sudah sapantasnyo Pemerintah Sumatera Barat maagiah
panghargaan bagi dunsanak nan mamulai mampalegakannyo. Terserah Pemda Sumbar
sarupo apo panghargaan nan ka diagiah, sabalun talanjua lupo akan sasuatu nan
maha pantiang. Kadang-kadang awak salalu malirik ka
substansi suatu peristiwa, tapi lupo akan sia nan berjuang akan munculnya
peristiwa tu. Iko suatu pandapek bagi kami salaku urang baru di ranah RantauNet
ko. Awak bisa mancaliak baa raminyo urang mancibiakan nagara tatangga awak
Malaysia katiko bangsonyo manghargai suatu kesenian "bangso awak" nan lah lamo
bamukim di nagaranyo sahinggo kesenian tu manjadi milik bangsonyo. Nah, baitu
hebat jo cekatan pamarintahnyo dalam menjunjuang suatu produk anak negeri (anak
negeri mereka banyak yang berasal dari Indonesia-sampai-sampai lah banyak nan
manjadi pejabat negara/kerajaan), WALAU ITU SALAH. Iko pandapek nan mungkin
bagi urang nan indak memerlukan, maraso BIASO-BIASO sajo. Tapi bagi ambo
sangaik-sangaik paralu. Tadorong dari itu, karano ABS-SBK lah taluncua pulo di
palanta ko, tolong juo ABS-SBK dipatenkan dan dijadiaan saraik bagi calon-calon
pamimpin nan ka bataruang, khusus dalam lingkup Sumatera Barat. Lah samo awak
tau, bahaso tujuan manjadi
pemimpin lah banyak miriangnyo, antah bara persen nan bana-bana untuak
mambangun daerah. Subuah tadi tabaco dek ambo di QS. Yusuf 103-111. Disitu
dicaminkan tantang calon pamimpin walaupun itu ditujukan untuak rasul.
Tagantuang awak mama'nainyo. Akhianyo, maaf ka saluruah dunsanak di palantako,
bilo ado nan salah mohon dipaelo-i, dan bilo bana tolong dijadikan sabagai
bahan untuak mambangun daerah awak. Iko hanyo dek karano sayang awak ka daerah
awak.
Wasssalam,
Tan Lembang (L,52)
Bandung
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
