Innalillahi wa inna ilaihi Raajiuuun...
Assalamualaikum warahmatullahi wabarakatuh,
Maa Rang Lapau nan Basamo,
Ambo porowaikkan email Angku Henri sarato balasan ambo [walaupun tabayang
emosional dan pribadi] tantang kaba nan baambaukan nan baru ambo tarimo tantang
barito maninggnyo Urang Gaek kito di Kampuang, Almarhum Pak Sjamnir, asli
Bonjoalam, Ampek Angkek. Baliau manigga di Banduang. Mungkin banyak adidunsanak
nan kenal baliau dahulunyo dan alun pulo tahu jo kaba nan baambaukan ko.
Mudah-mudahan nan kenal jo baliau samo-samo dapek mamakluminyo.
Semoga arwah beliau diterima Ilahi Rabbi di tampek aman damai nan diredhaiNyo.
Mudah-mudahan keluarga nan ditinggakan dapek pulo tatap basaba dan tawakkal
ateh kepergian beliau ke Alam Baqa. Amiin ya Rabbil Aalamiin.
Salam,
-- Sjamsir Sjarif
www.usindo.net/hambo
----- Forwarded Message ----
From: Hambo Ciek <[EMAIL PROTECTED]>
To: Henri Alia Putra <[EMAIL PROTECTED]>
Cc: Sjamsir Sjarif <[EMAIL PROTECTED]>
Sent: Friday, December 5, 2008 7:30:44 PM
Subject: Re: Pak Syamnir
Innalillahi wa inna ilaihi Raajiuuun...
Sabana takajuik gadang jo tagamang ambo mandanga kaba resmi nan baambaukan ko.
Pak Sjamnir bukan sajo Guru, Kakak, Dunsanak Saparjuangan tampek baiyo batido,
badiskusi serius, maota bakucindan. Baliau Guru ambo di SMP Tanjuang Alam
1950-52, Guru ambo di B-I Sejarah Bukittinggi 1956-58. Sapaandokan
(sapasambunyian) maso bagolak, samo-samo mamaliharo angok nan balabiah dari
tembakan piluru sarangan musuah di Lakuak Pisang saparampek katinggian Gunuang
Marapi saparohan tahun 1961. Ayah Baliau Pak Dahlan kawan saprofesi samo-samo
Guru jo Ayah ambo di Ampek Angkek. Amak baliau kawan sakalas jo Ayah ambo di
Bonjoalam tahun 1900an. Adiak Baliau Tasnim Dahlan kawan samo-samo maaja di
ST-2 Bukittinggi tahun 1955an. Uni Djuk, istri Pak Sjamnir jo anak-anak baliau
si Ati dll dakek jo ambo. Ambo dakek pulo jo Ita istri Tasnim nan ambo dapek
kabaa baambauan tantang maninggano baru-baru ko. Sadangkan Maini Dahlan adolah
kawan ambo katu ketek-ketek di SMP Tanjuang
Alam. Wakatu kami maaja di ST-2 Tasnim jo ambo acok ka Bonjoalam,
kadang-kadang singgah lo di Parikputuih rumah Maini (nan katu tu lah ka Jawa)
manjalang Uda Agus kakak Maini. Sabana panjang liku-liko hubuangan kami...
Ambo acok manalipon Pak Sjamnir di Banduang maota jo Uni Djuk dari Jauah. Tapi
sayang sajak Bulan Puaso tu HP ambo Hilang sadangkan daftar nomor-nomor talipon
ado di dalamnyo. Putuihlah tali komunikasi. Sabana takuliciak ambo dalam
kasadiahan ko. Innaalillahi wa inna ilaihi raajiuun...
Apo Angku Henri punyo nomor talipon Uni Djuk atau anak baliau si Ati di
Banduang?
Baru-baru ko ambo mandanga kaba baambauan dari Nismah Rumzi, kawan kami Ita
(Zainidal), istri Alamarhum Tasnim maningga pulo. Ambo pun indak pulo ado nomor
taliponnyo di Padang. Sadangkan Nismah indak punyo pulo nomor talipon Uni Djuk
di Banduang. Ado kawan ambo Nurhuda Sjamsir ka batamu jo Nismah di rumahnyo
bisuak ambo ka mangecek soal ko juo.
Sabalun ambo dapek bahubuangan jo si Ati jo Uni Djuk, Maini, tolong sampaikan
salam dukacita ambo, ikuik basadiah balasuangkawa ateh painyo baliau ka Alam
Baqa. Uni Djuk saroman Kakak di ambo, Caro Bonjoalam baliau sabana padek.
Kalau kami mengecek indak caro Indonesia doh, Caro Ampek Angkek nan sabanano
indak patah-patah gai laidah doh. Si Ati pasti tatap takana jo Oom Sjamsir. Si
Ati lah ambo kenal sajak ano ketek-ketek di Bonjoalam tahun 1950an. Baiak ka Si
Ati atau Uni Djuk, iyobana tolong sampaikan salam ambo, minta bari maohkan ambo
lahia jo batin ateh kasalahan-kasalahan nan salamo ko.
Samantaro ambo alun dapek batalipon, kok dapek print email ambo ko, tolong
kirimkan ka si Ati. Kalau ano punyo email, tolong porowaikan supayo dapek
dibacono, dan dapek dibaco Uni Djuk dan maungkin Maini. Kok dapek nomor talipon
ambo ka manalipon nanti.
Samantaro tu, tarimokasih banyak ateh kaba nan baambaukan ko.
Salam,
--MakNgah
Sjamsir Sjarif
Santa Cruz, California, USA
tel 1-831-426-1333 fax 2-831-426-8907
www.usindo.net/hambo
________________________________
From: Henri Alia Putra <[EMAIL PROTECTED]>
To: "[EMAIL PROTECTED]" <[EMAIL PROTECTED]>
Sent: Friday, December 5, 2008 4:52:40 PM
Subject: Pak Syamnir
Assalamu'alaikum ww
Paratamo tamo ambo minta maaf ka Mak Ngah.
Ambo yo lah sabana lupo mahambauan berita ko Mak, dek karano ambo lupo email
Mak NgahKkapatang , bendi ambo rodanyo patah mak, jadi ndak bisa bajalan
mancigok2 email2 ambo nan lamo.
Mak Ngah,
Mamak, Apak , nan ambo tuoan di kampuang ambo Bonjo Alam , IV Angkek Canduang ,
Pak Syamnir alah daulu, 3 ari sabalun rayo kapatang di Banduang.
Ambo mawakia i , kaluarga ahli waris baliau, mamohonkan maaf ka Mak Ngah, dan
ambo picayo, kalau ahli waris baliaupun alah bakarilahan.
wasallam dari ambo.
Henri
--~--~---------~--~----~------------~-------~--~----~
===============================================================
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi di setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
- DILARANG: 1. Email attachment, tawarkan disini & kirim melalui jalur pribadi;
2. Posting email besar dari 200KB; 3. One Liner
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar disini pada Google Account di:
https://www.google.com/accounts/NewAccount?hl=id
Untuk melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
