Da Jepe, sakiro manambah kaji lamo sajo. Awak aslinyo rang kaki gunuang Singgalang iko da. Kampuang awak di Batagak. Jadi kalo kami ka naiak gunuang indak lalu ka Kotobaru do tapi lansuang dari Batagak, Padang Kudo tambuih ka Banda Gadang lansuang naiak ka Padang Laweh malalui Parak Lobak sudah tu baru basamo-samo jo rombongan lain barangkek dari Relay TV manjalang tangah malam. Kiro-kiro pukua 3 tibo dipasanggarahan nan tadiri dari lantai batu du da. Sudah tu manjalang sasudah matoari tabik baru naiak ka Talago Dewi. Kiro-kiro pukua 7 atau salapan baru turun baliak ka relay. Kok nan turun io saroman carito uda io agak labiah payah dari naiak dek awak lah Nampak jalan nan ka ditampuah suok kida. Pas kutiko kami turun ukatu itu ari sadang kabuik sansai jadi indak baitu tapangaruah jo pandangan sakuliliang, tapi io nan jaleh kalo lah turun itu baru kito tau kondisi jalan nan sabananyo.
Sabananyo nan awak io sakali baru naiak gunuang ko da dek di amak awak ndak paranah diizinan pai naiak gunuang do apo itu Singgalang atau Marapi. Iko kajadiannyo dek amak wak paranah bacurito kalo salah surang uwan awak paranah ampia ilang digunuang ko, untuak ado urang paburu nan batamu jo inyo nan mambao baliak turun. Manuruik carito uwan awak ko baliak baliak surang kaateh dek keceknyo ado nan maimbau naiak. Tapi nan sakali du kutiko awak ka tamaik STM dek bamintak juo sudah tu urang kampuang rami pulo nan pai tamasuak anak SD bagai mako tulah sakali du awak dibari izin naiak gunuang, lah tamaik sikola awak lah lansuang pai marantau dek dibao urang sakampuang pai jo inyo sakalian sato test untuak masuak karajo ka Caltex th 88 sampai kini. Sakitu tambahan carito lamo da mudah-mudahan ado pulo carito lain dek dunsanak kito sakalian ba nostalgia. Wassalam Batuduang Ameh (40) “4 Rancak 5 Lamak Bana” From: [email protected] [mailto:[email protected]] On Behalf Of jupardi andi Sent: Thursday, December 25, 2008 8:39 PM To: [email protected] Subject: Bls: [...@ntau-net] Re: TAWARAN MENDAKI GUNUNG SINGGALANG iyolah mah ambo ingek lo wakatu SMA peralihan tahun 1981 ka 1982...banyak anak mudo rato2 SMA jo Mahasiswa mandaki gunuang ko...bakumpua lu basamo2 di pemancar TVRI di pinggang bukik, jam 00.00 kami lah sampai di Puncak nan ado Talago tu..turun baliak yo licin..banyak nan tajilapak..tamasuak ambo..kito tunggu lah carito sanak2 nan ka mandaki gunuang ko..ambo raso lah pasa bana mah jalan ka puncak Singgalang ko.kini...via Kotobaru...taruih ka pemancar TVRI tu..ambo duo kali sajo mandaki gunuang ko tahun 1983 baulang liak... Jepe (43, Pku) _____ Dari: muhammad afdal <[email protected]> Kepada: [email protected] Terkirim: Kamis, 25 Desember, 2008 20:09:48 Topik: [...@ntau-net] Re: TAWARAN MENDAKI GUNUNG SINGGALANG oiii iko rancak bana ko mah, takana maso basikola di sma maso dulu tahun lapan puluhan awak jadinyo, satiok akhie tahun ambo jo kawan-kawan dari sma 2 bukiktinggi dan stm pai mandaki gunuang dan diusahokan tapek pukua 000 harus sampai di puncak gunuang, soal mandaki indaklah susah tapi katurun banyak kawan nan tajilapak dek hujan waktu itu, katurun labiah payah dari pado mandaki.. Tolong agiah caritonyo kok jadi mandaki gunuang pado acara malam tahun baruko, ambo mandoakan semoga lancar sajo,,... kok di kampuang ambuah bana ambo paiii tu mah... tapi baalah jo anggan-angan sajo lah dulu kini. Wassalam Afdal koto (42th) Washington DC --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
