Alhamdulillah sanak Batuduang Ameh lah manulih pengalaman 3 malam di
PMCSabanyo kalau shalat Fardhu di Mushalla kito tantu basuo
Kebetulan Mushallah PMC ka ditingkatkan jadi MusajikNan kini diagiah kulambu,
sekeliling mushala itu direntang tali nilon Kasa. kemudian dialirkan air.
sehingga bila di timpa cahaya Matahari tampak bagaikan mutiara yg sedang
berkejaran. Dan dibawahnya diiisi ikan Gurami merah dan hitam akan di semai
dan di ternakanKerja saya tiap hari sekarang membiakkan ikan Lele, ikan Koi
dan ikan Gureme. Alhamdulillah sudah mulai memetik hasilnyaKalu ke PMC tlg sms
saya 0811664227salam teriring do'asemoga lekas sembuhK Suheimi
--- Pada Sab, 27/12/08, Batuduang Ameh <[email protected]> menulis:
Dari: Batuduang Ameh <[email protected]>
Topik: [...@ntau-net] 3 Malam di PMC
Kepada: [email protected]
Tanggal: Sabtu, 27 Desember, 2008, 9:12 AM
Assalamu’alaikum ww,
Dunsanak dipalanta, izinkan
awak mangetik saketek pangalaman lalok 3 malam di RS PMC Pekanbaru. Tulisan iko
wak kirin sakiro babagi carito sajo untuak palamak an ota di palanta.
Ari Sinayan nan lapeh awak di
rekomendasian dek rumah sakik kantua untuak operasi cilalek di pipi suok awak
nan makin lamo makin gadang nan bantuaknyo indak licin saroman kabanyakan
cilalek gadang tapi agak babantuak bungo lobak. Kiro-kiro pukua 2 siang awak
tibo di PMC untuak basuo jo pak dotor Effis untuak diambiak tindakan operasi.
Dek
pak dotor Effis alun tibo kami dianta dulu ka kamar rawat inap dek memang lah
dipasan dari RS Rumbai sabalunnyo. Kiro-kiro agak ampiak mugarik tibo dr
spesialis panyakik dalam (awak lupo namonyo nan indak tinggi bana bajangguik)
memperkenalkan diri sambia mangatoan kadatangannyo dalam rangk pengecekan awal
persiapan sabalun operasi dilakukan. Pak dr iko mamareso kondisi awak sabalun
dilakukan operasi bisuak Salasa jam 3 sore. Badasarkan rekomendasi pak dr cako
awak bisa dilanjuik an operasi bisuak tu. Lah tibo ukatu mugarik tadanga abang
di mushalla nan dibulakang rumah sakik dan pailah awak sumbayang mugarik
bajamaah nan sudah tu baulang baliak sumbayang isya bajamaah juo. Lah talalok
mato sakalok lah tibo pulo subuah ari tapi nan kini sumbayang dikamar sen lai
badasarkan pitunjuak arah madok sumbayang nan ado di loteng kamar. Lah sudah
makan pagi pak dotor Effif tibo manyampaian kalo insya Allah operasi sesuai
rencana pukua 3, nan ndak lamo sasudah pak dotor pai tibo parawat mambiak conto
darah untuak mancek gulo, Alhamdulillah keceknyo gulo awak lai aman untuak
operasi. Ado ciek nan menarik diawak dimano biasonyo masalah tes ka tes iko
salalu pakai jarun suntik sudah tu dibao ka labor, manunggu agak satangah jam
baru dapek asianyo. Tapi nan sakali ko indak Cuma pakai alaik elektronik sajo
nan jarunnyo ditembak an ka ujuang jari malang mako dalam ituangan datiak lah
didapek lansuang asianyo gulo darah awak.
Sasudah makan siang lah muloi
para perawat datang malakukan persiapan mulai dari cek tensi, suhu tubuh jo
pangetesan alergi dll. Lah dapek asia tes alergi mako dilanjuik an jo manyuntik
an anti biotik (ubek ko manyababkan awak mual bisa sampai bajadi) nan dilanjuik
an kiro-kiro pukua duo awak di suruah lansuang manuju ruang operasi (awak alun
di bius jo dipasang infus lai). Satibo diruang operasi baru awak disuruah lalok
ditampek tidua untuak dipasang infus. Di cucuak paratamo dibalakang pungguang
tangan indak barasil jadi dipindah ka sampiang tangan nan nadinyo lai gadang
tasumbua, ndak lamo sudah tu awak dipasang masker mako ndak ado li nan tau lai
taraso sudah itu. Cuma ciek nan masih awak takana sabalun masker dipasang awak
sadang maapa-apa ayaik kursi mako katiko tasintak di kamar (sasudah operasi)
mako ayaik iko juo rasonyo nan babaco baulang-ulang (alam bawah sadar dek
pangaruah bius).
Katiko awak lah bisa mambukak
mato mako lah Nampak rang rumah jo udanyo (dunsanak sa bako) sarato anaknyo,
jadi nan manunggui awak sadar 3 urang iko sajo dek kaluarga awak tingga dirumah
(anak 4 ketek-ketek). Lah awak samparono sadar baru uda ko pulang maninggaan
kami baduo sajo karano memang dari awak Cuma kami baduo sennyo nan disinan.
Baitulah
parawatan sampai salasai dima awak buliah pulang ari Kamih siang.
Dari pangalaman 3 malam di
PMC iko nan makan io lamak taruih (ndak raso makan dirumah sakik nan taralah
serba amba sajo). Pangalaman nan lain adolah dari salah surang perawat nan
banamo Sari nan punyo trik tersendiri dalam menyuntik an ubek lewaik selang
infus.
Perawat iko dalam manyuntik an ubek lewat infus itu sambia manggosok-gosok urek
nadi nan manjadi saluran infus jo kapeh ba alcohol, dima sabalah tangannyo
manakan jarun suntik nan sabalah lai mauruik-uruik urek nadi jo kapeh cako. Dari
hasil nan diawak rasoan io ndak baitu taraso do ubek nan masuak ka urek nadi
cako saroman biaso nan bisa mambuek tangan/nadi awak jadi padiah atau agak linu.
Bahkan katiko baliau manyuntikan ubek anti biotic nan mambuek awak mual
sabalunnyo indak taraso lai walau masih ado rasonyo mual tapi bisa ditahan dek
indak baitu taraso bana.
Jadi baitulah saketek
pangalaman awak 3 malam di PMC iko nan awak buek sambia mananti paroban dibukak
ari Salasa bisuak kiro-kiro pukua 3 pulo, sungguah pun pangalaman lalok di
rumah sakik iko manarik juo untuak di tulih tapi sadapeknyo kalo buliah bakandak
ka Nan Kuaso ijan andaknyo awak sampai dirawa inap ko, nan sakik io indak awak
sen do tapi kaluarga juo marasoan dampaknyo.
Wassalamu’alaikum ww,
Batuduang Ameh (40)
“ 4 Rancak 5 Lamak Bana”
___________________________________________________________________________
Yahoo! sekarang memiliki alamat Email baru.
Dapatkan nama yang selalu Anda inginkan di domain baru @ymail dan @rocketmail.
Cepat sebelum diambil orang lain!
http://mail.promotions.yahoo.com/newdomains/id/
--~--~---------~--~----~------------~-------~--~----~
===============================================================
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi di setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
- DILARANG: 1. Email attachment, tawarkan disini & kirim melalui jalur pribadi;
2. Posting email besar dari 200KB; 3. One Liner
===============================================================
Berhenti, kirim email kosong ke: [email protected]
Daftarkan email anda yg terdaftar disini pada Google Account di:
https://www.google.com/accounts/NewAccount?hl=id
Untuk melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
