Waalaikumsalam, Jepe dan Dunsanak Sadonyo Kebetulan ambo pun "Pengamat", mukasuik ambo pengamat tulisan dan gambar di belakang bak truk. Profesi ko mulai ambo jalani pada waktu jadi pegawai PJKA (Pulang Jumat Kembali Ahad) di Bandar Lampung. Dek karano seminggu duo kali pulang baliak jakarta-tj, karang, ado2 sajo nan dikarajokan untuak menghilangkan bosan, nah, kemudian dapek lah profesi ko.
Ado beberapa yang menarik perhatian ambo. Sebagian berdasarkan pengamatan dalam arti cuma melihat, sebagian lagi sduah dikonformasi melalui wawancara dengan banyak kru truk. 1. Ternyata pendanaan untuk menghias bak truk itu dari para kru truk. Biasanya mereka dapat uang jalan dalam jumlah tertentu, itu untuk belo bahan bakar, ongkos ferry, ongkos tol, uang "mel" untuk para abdi negara dan abdi masyarakat, uang makan, pokoknya segala macam. Kalau itu tersisa, baru mereka bisa bawa uang pulang, kalau tidak, apalagi tekor, tanggung sendiri. Kalau hemat, berarti ada sisa. Nah, uang inilah yang digunakan untuk mencicil biaya menghias truk tersebut. *Moral of the story* nya adalah: "pejabat truk" ini menggunakan uang pribadi untuk "kantornya". Ini sepertinya melawan arus, sementara "pejabat" lain justru menggunakan "uang kantor" untuk :pribadi 2. Mereka mau karena untuk kepuasan dirinya (toh yang banyak melihat justru orang lain). *Moral of the story* dari ini: Hirarchy of Needs nya Maslow tidak selamanya berlaku. 3. Mungkin ini bukan hanya kebiasaan kru truk di kita saja, tapi mungkin juga di tempat tempat lain. Saya pernah berhenti di rest area antara Washington - Cleveland, lalu ngobrol dengan supir truk yang sedang mengkilapkan velg mobilnya, yang ternyata dilapisi nikel (!) 4. Tulisan2 di bak truk itu memang sederhana, ada yang lucu, tapi juga ada yang ternyata bisa menjadi pelajaran buat orang2 yang mungkin merasa "lebih terhormat", misalnya motto: No Pain No Gain 5. Tokoh yang sering saya lihat gambarnya adalah Iwan Fals. Jarang sekali ada tokoh politik yang gambarnya menjadi hiasan truk, kecuali saya beberapa kali melihat gambar Soekarno. Tempat gambar tokoh politik mungkin hanya di mobil pribadi, dan itu yang membiayai pasti bukan supir mobil pribadi tersebut. 6. Banyak juga gambar yang -mungkin maksudnya- sexy, tapi karena lukisannya "seadanya" dengan gambar bagian2 tubuh yang tidak proporsional, maka mereka tidak perlu takut dengan UU Pornografi dan Pornoaksi. Nah, itu beberapa hasil pengamatan saya, Riri Bekasi, L 46 2008/12/28 jupardi andi <[email protected]> > Assalamualaikum Wr Wb > > Adi Dunsanak di Lapau Saiber, iko saketek sekedar maisi hari libur, cubo2 > ambo baa bakucindan modern kecek Sanak Suryadi, khusus buek Sanak Ambo Da > Riri...iko ha lah jadi Da..ambo lapeh lai "Oto Prah nan tutuik bak balakang > oto ko tatulih "Ku Tunggu Jandamu",,nan lah manjadi judul pilem bioskop kini > ko, salamaik mambaco sajo yo sanak, labiah kurang mohon maaf yo > -------Wass-Jepe > > FENOMENA "KUTIANG SETIKER" > ** > > ** > > *By : Jepe* > > > ** > > Apo buliah buek samanjak dunsanak Riri mangecek dalam dirinyo ado pemikiran > nan complicated samanjak itu ambo tibokan ka badan diri ambo ko, nampaknyo > ambo punyo kecenderungan nan samo jo sanak Riri nan punyo caro atau jalan > pemikran nan cukuik complicated, baa juo lain nan pantiang bagi diri ambo > talapeh urang nan indak suko maupun nan suko ambo barusaho sakuek tanago > manjadi diri ambo surang jo sagalo kekurangan dan kelebihan nan ambo punyo, > sarupo kecek urang pagai nan bisa babahaso Inggirih "be your self" > > Mungkin bagi urang lain bapandapek sarupo kecek si Omas sodara si Mandra > "Lu tu kurang kerjaan kale ya ", nah nan "kurang karajo" tu adolah ambo > tamasuak nan suko mengamati huruf-huruf nan ditempe di oto-oto tarutamo oto > angkutan umum babantuak kalimat atau jargon-jargon kito sabuik iko kutiang > setiker (cutting sticker). Baragam kalimat-kalimat kutiang setiker nan > manempe di oto pribadi tarutamo angkot, bus kota, opelet, siti ekpres, oto > prah dan angkutan umum lainnyo. Iko tamasuak fenomena social nan unik mah > dek ambo tarutamo ditingkek masyarakat kebanyakan atau dipalanta disabuik > juo jo istilah rakyaik badarai. > > Apolai kini manjalang pemilu 2009 iyo sambuah mah kutiang setiker ditempe > di oto-oto nan lalu lalang dijalan, tarutamo caleg-caleg nan kabalago > mamparabuikan manjadi anggota Dewan baik tingkek kabupaten/kota, propinsi > sampai tingkek nasional ka duduak dikurisi ampuak gedung Sinayan.Kutiang > setiker nan ditempe caleg di oto ko mulai dari potret dirinyo jo lambang > partai nan manjadi biduaknyo manuju anggota Dewan lalu patunjuak ringkas baa > caro manyontreng dirinyo ka pemilih sampai kalimat retorika dan > jargon-jargon seandainya terealisasi bisuak mako dijamin negara awak ko > akan manjadi negara makmur, sejahtera, sentosa, aman terkendali dan gemah > ripah loh jinawi. > > La iya lah ndak ka ado bagai caleg ko menempe kutiang setiker di oto > misalnyo *"Kok waden duduak manjadi anggota Dewan bisuak, waden ka > korupsi"* atau *"Kok waen bisuak tapiliah jadi anggota Dewan, pitih Negara > ka waden santuang sapueh-puehnyo"* bisa juo *"Waden manjadi anggota Dewan > ko ingin mancari kayo dengan memeras perusahaan"* setiker lainnyo *"Kok > duduak waden manjadi anggota Dewan, nan rakyaik tetap waden injak-injak"* > > Katiko ambo bakuliliang-kuliliang di jalan raya antar propinsi sadang > batugeh ado kutiang setiker nan mambuek ambo sanang bana jo bunyinyo > kiro-kiro bantuak iko bunyi kalimat kutiang setiker nan manempe di oto > pribadi caleg disubalah potonyo jo bahaso mandailiang *"Perai marubat, > perai sikolah".* Lalu ambo malamun dan mambayangkan kok lah iyo iko > terealisasi satalah caleg kok duduak manjadi anggota Dewan, ambo > maranuang sabanta jo niek nan tulus hanyo mangharok Ridho Allah Swt, ambo ka > banazar bana maagiah makan anak yatim agak limo urang salamo saminggu > sarapan, makan siang dan makan malam. Bantuak itu banalah ekspektasi nan > tinggi bagi ambo tentang dunia pendidikan dan kesehatan, jaan kan ka gratis > murah dan terjangkau dek masyarakat kebanyakan lah raso diateh awang-awang > mah badan diri ambo, Samantaro ambo bapikia "oke lah mari samo-samo kito > tunggu sajo di tahun 2009 kaateh satelah caleg-caleg nan bajanji ko duduak" > > Lupokan dulu kutiang setiker caleg-caleg ko, samantaro labiah lamak dan > mambuek senyum manih dikulum bagi ambo mancaliak kutiang setiker di oto-oto > angkutan umum, iko lah dari tahun 1990 samanjak ambo baputa-puta di jalan > raya ambo baco satiok kutiang setiker nan manempe di oto lalu ambo cubo > bahas ketek-ketek. Kutiang setiker ko bisa jadi ekspresi diri, ungkapan > hati, jeritan hati dan ungkapan perasaan dari nan punyo oto, sopir dan > sitokar angkot . Ikolah diantaro nan masih ingek dek ambo kutiang setiker > nan menempe di oto angkutan umum ko, tamasuak di ranah minang jo > angkot-angkotnyo nan meriah jo babagai tempelan gambar kecek urang bagaya > anime atau hentai (kartun-kartun animasi Japang) > > *AKU DATANG SEBELUM KAU RINDU AKU PERGI SEBELUM KAU BENCI..* > > Ambo raso sopir oto prah ko punyo pacar galok mah, pacar nan ado pitih > abang sayang, indak ado piti jaan mandakek lai abang sayang. Pacar galok nan > didapek sapanjang jalan nan lah manjadi langganannyo. Katiko inyo mampir di > rumah pacar galoknyo ko, sopir ko maagiah kejutan ka pacarnyo ko, mandadak > sajo datangnyo sahinggo pacar galoknyo ko batambah rindu dan saying, tapi > ndak balamo-lamo do dek piti sopir ko lah ka abih dek bapoya-poya jo pacar > galoknyo ko, sopir ko barangkek lai sabalun pacar galoknyo ko dek abang ndak > bakepeang lai tantu banci nan katibo. > > *CINTA DI TOLAK DUKUN BERTINDAK* > > Nampaknyo sopir ko pijayo ka klenik jo mitos dan dunia perdukunan, indak > pijayonyo doh ka nan kuaso bahaso jodoh, maut dan rajaki ditantukan dek sang > Khalik Allah Swt. Apo sajo masalah nan marunduang dirinyo pai ka Dukun, > tamasuak masalah cinto.Pengancaman nampaknyo ka gadish nan ditaksirnyo dek > sopir ko, sempat ditulak cintonyo mako akibatnyo dukun akan bertindak. Iko > ndak aneh sabananyo fenomena "dukun bertindak" danga-danga banyak juo > anggota dewan nan main-main dukun untuak marabuik kekuasaan, tahta, uang dan > harta. > > *KU TUNGGU JANDA MU* > > Sopir ko lah galok se dunia dek nyo mah, bantuak indak ado sajo padusi di > dunia ko lai, lah cinta mati bananyo ka padusi nan ditaksirnyo. Samantaro > padusi ko lah balaki, lah punyo urang, ambo raso sopir ko namuah bana > hatinyo manjadi bujang lapuak, lha kok ndak jando-jando padusi ko apo juo > lai ka ditunggunyo atau ka bininyo dipusaro padusi ko bisuak jiko lah > manghadok ka nan Kuaso. Kuitiang setiker di angkot nampaknyo mainspirasi > insan perpileman kito mah, lah ado judul pilem kini ko beredar dari kutiang > setiker bak oto prah nan tatulis "KU TUNGGU JANDA MU" > > > *AN 3 DIS* > > Kok dibaco kutiang setiker tu tantu babunyi "Anti Gadis", iko yo agak sulik > ambo manduga jalan pikiran atau ungkapan hati sopirnyo, bisa jadi katiko > inyo manambang focus mancari kepeang indak tagoda jo gadis-gadis baik > penumpangnyo, dijalan maupun dilapau-lapau gelap. Atau jangan-jangan sopir > ko guy ndak atau Homo..antah lah yauuu. > > *BA 217 AN* > > Ampiang samo jo kutiang setiker diateh kalau dibaco jo bahaso minang tantu > bunyinyo "Baduo satu tujuan", iko indak kutiang setiker do tapi labiah ka > plat nomor oto ditempe diateh Plat nomor polisi nan resmi dari oto ko. Sopir > ko lai saiyo sakato jo bininyo mah, walau karajo sopir angkot tapi awak > bajalan baduo manampuah hiduik di dunia lai satu tujuan membina keluarga > yang sakinah, mawadah, warohmah > > *PALAPEH TANYO SAE* > > Kutiang setiker ko ambo caliak diangkot-angkot nan lah "out of date" > manambang dari simpang jalan raya utama masuak ka perumahan, tantunyo > pandapetan sopir ko palapeh tanyo sae ka bininyo, pas pulang ka rumah abih > manambang "Da bara dapek kepeang Da hari ko manambang" lalu dijawek dek > sopir ko "Palapeh tanyo sae nyo diak, nan pantiang lai dapek bali bareh > untuak bisuak, lai barasok juo dapua awak mah..saba dulu yo Piak" > > > *CB = Cigak Baruak CB = Cubadak Baangekan* > > Aha…iko nan antic dan unik setiker angkot, iko ambo tamukan angkot siti > ekpres nan lah "out of date" tagak disimpang Tunggua Hitam Aia Tawa, jadi > angkot nan lah jadul ko lah kalah basaiang jo angkot nan rancak-rancak inyo > manambang maangkuik penumpang dari Jalan Raya Gadang masuak kaperumahan > jarak-jarak pendek paliang jauh 4 Km. Angkot ko karoserinyo dibadai saketek, > tapi nan masin kecek urang Padang lah geroh mah, balambek-lambek sajo > jalannyo indak bisa dipasokan ngebut-ngebut artinyo mungkin kecepatan > maksimumnyo sekitar 50 Km/Jam sajo, labiah dari tu digeber bisa tangga masin > oto ko dari bodinyo. > > Nah angkot bantuak iko diistilahkan dek sopir-sopir angkot di Kota Padang > adolah Angkot CB atau Cigak Baruak atau popular juo jo istilah Cubadak > Baangean..ha..ha iyo lo mah kok gulai cubadak dibuek sakancah, tiok ari > dimakan diangek-angekan sampai kariang tapi samakin lamak mah, tibo diangkot > oto ko sabananyo lah pensiun tapi diangekan baliak untuak manambang > jarak-jarak dakek di komplek perumahan. Mmmm..menarik sekali ya..sangat > kreatif..sopir-sopir Padang punya istilah. > > > Sabananyo sangaik banyak Kutiang Setiker angkot ko nan unik-unik dan lucu > nan mambuek kito galak-galak surang mambaconyo mulai dari kato-kato nan > vulgar sampai kato-kato tersirat sebagai contoh "Hasil Buah Rantau", iko > tantunyo urang awak nan marantau dinagari urang lah sukses lalu bakirim > kepeang ka saudaranyo nan manganggur samantaro alun dapek karajo inyo > balikan angkot dari pitih hasil karajonyo di rantau, nah angkot tu lah hasil > buah rantau, hasil pancariannyo salamo mancari iduik di rantau. > > > Dari babagai kutiang setiker nan ambo amati dan baco sambia bajalan-jalan > dan baputa-puta di ranah minang, sekitar tahun 90-an ado kutiang setiker nan > cukuik sensasional dan manggalitik hati ambo, ujuang-ujuangnyo ambo galak > spontan tanpa tekanan artinyo indak galak baso basi do wakatu basuo jo > anggota Dewan nan Cingkahak, memeras perusahaan sajo karajonyo., Di Oto Bus > nan cukuik terkenal di Ranah Minang bamerek PO YANTI, kini ko lah manambang > ka Riau dengan namo YANTI GROUP, tatulih didindiang Oto Bus ko kutiang > setiker bantuak iko > > > *SIANG BAWA YANTI, MALAM JUGA* > > Mmmmm..apo nan dunsanak pikiakan katiko mambaco kutiang setiker tu, kalau > ambo ikolah makna dari kutiang setiker tu, lah jaleh mah sopir nan mambaok > Oto Bus Yanti ko bininyo banamo Yanti juo, tantunya kok lah salasai > manambang mambaok Oto Bus Yanti siang hari, malamnyo mambaok Istrinyo lain > nan banamo Yanti..Hua..ha..ha..ha (kaburrrr ahhh). Ambo raso kok sitokar > kaliang nanti lah naik pangkek manjadi sopir Oto Bus Yanti ko, jiko namo > bininyo si Upiak Talen tapaso diganti kutiang setiker ko dek si Kaliang mah > manjadi jo Bahaso Minang "*SIANG MAMBAOK YANTI, MALAM* *BAOK SI UPIAK > TALEN LAI"..*Hua..Hua..ha..ha..ha.(Kaburrrr..lagi ahhhh) > > Nah dunsanak ambo sidang pembaca sadonyo, kutiang setiker ambo di palanta > awak ko iko sajo *"SELAMAT TAHUN BARU HIJRIAH 1 MUHARAM 1430 H"* > > *Pekanbaru, 28 Desember 2008* > > * * > > * * > > * > * > > > > ** > > > __ > > ------------------------------ > Berselancar lebih cepat dan lebih cerdas dengan Firefox > 3<http://sg.rd.yahoo.com/id/search/firefox/mail/signature/*http://downloads.yahoo.com/id/firefox/> > ! > --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
<<inline: image001.jpg>>
