Assalamualaikum ww Ooo.. baitu yo mak, jadi kalau gala Sutan Sati gala pusako rang Pisang samantaro ayah ambo dengan gelar yang sama suku Supajang ba-arti Pisang jo Supajang samo atau masih saparuik juo aratinyo mak?
Di Duri ado pulo persatuan Suku Tanjuang namun didalam-nyo sato pulo bagabuang suku Pisang dan Payobada, manuruik keterangan pengurusnyo katigo suku ko samo dan indak buliah kawin mangawini, kalau Supajang masih bagian dari suku Tanjuang, iko pengetahaun baru dek ambo Ciek lai mak antara Koto jo Piliang kecek urang dakek bana kaduo-nyo tu, baa bana dakek-nyo alun sampai kaji ambo ka-situ lai doh, nan jaleh urang rumah ambo iyo Koto pulo suku-nya kan iyo sobana dakek tu Tapi nan jadi tando tanyo dek ambo hinggo kini adolah masalah gelar pusako tadi, urang rumah ambo ba-suku Koto anak buah Dt. Tumangguang samantaro mantan bupati Kabupaten Rokan Hulu Riau nan banamo Ramlan Zas SH ma-makai gelar pusako nan samo, Dt. Tumangguang pulo pado hal sukunyo Piliang, baa lo lag'e tu mak, mohon pencerahan sakaciak yo mak Masalah nan kaduo ambo suai bana jo mamak, ka-paniang lo kapalo awak dek-nyo, cumo dek awak rajin nguping ka-kawan2 nan anggota dewan, ditambah lo sanak Jepe mamasang papeh, dek ati sadang tabukak, iseng2 ambo semba lo, buliah tambah gata sabaleh jari ko ma-antak2 kibord, ciek lai speedynet ambo baru tapakai 65%, jadi ka-parintang2 ati dek pangana sadang lai, kok indak a nan kadisabuik, hinggo lah sampai labiah 125 ribu e'mail masuak indak ambo bukak, paliang beko ambo dilet habih sampai ziro baliak Wasalam Arman Samudra 2008/12/28, Sjamsir Alam <[email protected]>: > > Kamanakan Ambo AB St. Sati, > > > Wa'alaikum salam wr. wb. > > > > Partamo pakaro gala. Gala ambo St. Nan Sati. Di Galuang, Sungai Pua, > kampuang ambo, St. Nan Sati ko gala pusako rang Koto, dan St. Sati gala > pusako rang Pisang. Suku, mulai dari induak jo sagalo cabang jo rantiangnyo, > di tiok kampuang di Minangkabau, balain-lain. Di Galuang indak ado suku nan > banamo *Supajang*. Mungkin di Kamang ndak ado pulo suku nan banamo *Pisang > *atau *Sikumbang*. Mungkin nan agak samo2 ado barangkali cuma suku *Koto*jo > *Piliang. *Di Galuang tu Koto lah pacah ampek dan buliah saliang kawin > mangawini di antaro Koto nan 4. Suku ambo banamo *Koto Salek Batuang* dan > suku mantan induak bareh ambo nan partamo *Koto di Gobah.* Jadi Sati jan > salah sangko, suku2 ko samo di tiok nagari di Minangkabau ko. Ikolah nan > dikatokan urang *adaik salingka nagari.* > > > > Pakaro caleg ko, kok di ambo iyo ambo puta singkek sajo. Ujuang jari ambo > indak sampai untuak sato mauruih partai jo kader2 dan caleg2nyo. Ambo > sarahan sajo ka nan bakapantiangan. Nama nan indak katuju di ambo, ambo > campakan se. Kok caleg kantau nan disorongan dek patai2, eeh sasek, partai2 > ko, indak ambo piliah. Abih pakaro. *Emangnye gue pikirin?,* kecek urang > batawi. Dietong, dipikia, dipagunjiangan dan dipangaan se dek awak nan di > lua lapangan ko, situasi ndak ka barubah bagai doh. Rancak anok se awak pado > maabih2an keyboard. > > Tapi kalau Sati dalam posisi nan bisa mameloki nan indak bakatuncikan tu, > jan anok. Gagai taruih, sampai ka ujuang dunia. > > > > Kok iyo laluan, kok ukan tukai. > > > > * > > mak Sati (L. 71+9+26) > > Tabiang > * > > ----- Original Message ----- > *From:* arman bahar <[email protected]> > *To:* [email protected] > *Sent:* Sunday, December 28, 2008 5:48 PM > *Subject:* [...@ntau-net] Re: CALEG > > > > Assalamualaikum ww > > Mak Sati nan ambo hormati sarato sanak kisanak palanta maya sado alah no > > Kok iyo mamak bagala Sutan Sati, iyo samo bana jo gala nan dilakek-an ayah > ambo, beliau basuku Supajang (atau Sipanjang?) asal Luak Tunggang Tilatang > Kamang, maaf apo mamak dari suku nan samo, dek sa-tau ambo nan masih matah > masalah adat Minangkabau ko, gelar nan spesifik itu milik satu suku tertentu > arati no gelar nan samo indak buliah dipakai dek suku nan lain, maaf banyak2 > yo mak > > > > > > > --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
<<inline: clip_image002.jpg>>
