Tarimo kasih banyak sanak Batuduang amehtulisan sanak nan kapatang kami
pabanyak dan di bagi-bagikan ka patugeh
sanang hati baliau2 mambacodan tulisan nan kini juo kadi pabanyakpermintaan
kami kok buliah sanak nan jadi Imam di Jumat pertamoko di Musajik Al Fath
baa gak ati , apo pinta lai ka balaku?salam teriring do'aK Suheimi
--- Pada Sel, 30/12/08, Batuduang Ameh <[email protected]> menulis:
Dari: Batuduang Ameh <[email protected]>
Topik: [...@ntau-net] 3 Malam di PMC (lanjutan1)
Kepada: [email protected]
Tanggal: Selasa, 30 Desember, 2008, 10:55 AM
Assalamu’alaikum
ww,
Kito lanjuik carito ko jo seri mambukak jaik jo paroban.
Cako patang ari lah ditapek i janji jo pak dotor Effif untuak
mambukak jaik jo paroban walau awak agak talaik datang saketek dek anak awak nan
gadang pas pulo mambukak paroban basunaiknyo kiro-kiro pukua ½ 3 cako. Walau
talai
saketek tanyato lai indak kanai berang awak do dek pak dotor. Dari katarangan
assisten pak dotor awak dapek giliran pukua ½ 5 untuak basuo jo pak dotor. Dek
ukatu
asa alah masuak mako pailah awak sumbayang ka musala nan insya Allah ka manjadi
musajik Al-Fath isuak tu nan memang lah sasuai jo carito pak dotor Suheimi
sabalunnyo tantang asesori di sakaliliang musalla nan Alhamdulillah lai pulo
dapek sumbayang bajamaah nan sakali iko imamnyo apak PNS dari Indra Giri Hilir
(kalo ndak salah dari percakapan baliau jo kawannyo) atau bisa juo dari
Pelalawan dek kawannyo nampaknyo merek langan bajunyo Pelalawan. Sudah sumbayang
mancaliak ka suok nan tanyato ado ciek selang nan lapeh dari pipa diateh atok
sainggonyo aianyo baserak mambasahi barando tapi Alhamdulillah lai indak sampai
ka dalam musalla. Nampaknyo petugas ado dakek sinan sainggonyo capek-capek nyo
paketek tekanan aia ka pipa sainggo indak kuaik bana jatuahnyo pancuran aia
cako dan sakutiko nyo kariangan sagiro sainggo lah bisa pulo baliak dipakai dek
anak-anak untuak bamain-maian sambia mancaliak ikan gadang-gadang
baranang-ranang
di tabek ketekdu.
Dicaliak ari alun lai mako paruik taraso pulo litak nan
ditaruihan bajalan ka lapau nan ado di subarang musalla nan tanyato barado
diateh tabek pulo nan disiko labiah pulo lai ikan jo macam ragam sarato
raginyo. Suasana makan cukuik santai karano sambia mandanga darun ujan lokal
nan barasa dari selang nan di tembakan dari ateh atok lapau sainggonyo
jatuahnyo saroman aia ujan. Kutiko sadang makan babunyi pulo talepon awak nan
dijawek dek urang rumah, tanyato talepon barasa dari assisten pak dotor Effif
nan mangatoan pak dotor lah bisa manarimo kami. Dek urang rumah dikatoannyo
kami sadang di lapau sudah sumbayang asa sambia mananti giliran nan nampaknyo
lai dimaklumi dek perawat cako. Dek diawak maraso indak lamak pulo mampabiaan
pak dotor mananti mako disudahi sen makan sambia manyuok an 2 urang anak wak
talabiah daulu. Salasai makan mako awak pai bagageh manuju kamar pak dotor
samantaro urang rumah manyalasaian urusan nan tingga jo urang lapau. Ruponyo pas
tibo di muko musalla Nampak pak dotor baru masuak musalla untuak sumbayang asa,
mako dibaliak baliak langkah ka lapau manyalasaian bangkalai nan alun sudah.
Kutiko
pak dotor lah tahiayaik akia diansua pulo langkah ka musalla sakalian
mairiangan pak dotor ka ruangannyo. Sambia malakek an sipatu pak dotor lah
mulai batanyo baa kondisi badan juo apo lai keluhan nan taraso, jadi diskusi
bajalan taruih sampai ka ruangan prakteknyo.
Satibo didalam ruangan awak lansuang disuruah lalok di kasua
perawatan karano ka mulai proses mambuka jaik jo paroban nan dilakukan oleh pak
dotor sendiri samantaro asistennyo disuruah mauruih nan lain. Lah salasai
sagalo proses mako kini baru tugaih disarahan ka asistennyo untuak malakek an
pelester nan ka manutuik paroban pangganti. Sudah tu awak ditanyo bilo informasi
labor awak tarimo dari hasil pengecekan nan dibuang tu, wak kecekan dari
perawat ruangan keceknyo tgl 2 Januri 2009. Salanjuiknyo pak dotor manyaranan
awak untuak manalepon baliau talabiah daulu ari Satu pagi untuak mamastikan apo
laporannyo alah ado atau alun, sabab kalo awak datang pas tanggal 2 tu baliau
kawatir alun tasadio mungkin karano satu jo lain hal sambia maagiahan nomor
taleponnyo
nan bisa dihubuangi ari Satu itu. Mako salasailah proses nan ka 2 dan
salanjuiknyo sambia basalam kami mintak ijin pulang sambia manyampaian tarimo
kasi ka baliau jo perawatnyo nan salanjuiknyo kami pai manuju apotek untuak
manuka resep jo ubek nan lah dibuek pak dotor. Sudah tu kami pulang jo parasaan
sanang dek didapek kaba kalau bakeh luko awak lai indak mamburuak ditambah lai
suasana nan taraso nyaman salamo basuo jo pak dotor nan taraso indak formal
bana saroman kabanyak an kito datang ka ruang praktek dotor. Salanjuiknyo kami
pulang dan sabalun nyo singgah dulu babalanjo rumah untuak parsiapan manjalang
babalanjo barikuiknyo.
Ado ciek nan takasan bana awak cako jo suasan di ruangan pak dotor
Effif ko. Kutiko sadang manahan padiah-padiah saketek kutiko banang jaik di
cabuik/diputuih ado awak mandanga asistennyo pak dotor du maimbau ayah ka pak
dotor nan indak lazim didanga. Nan biaso kito dangaan pak atau dok ka pak dotor
tapi nan sakali iko lain tadanganyo sainggo awak yakin salah danga dek sadang
bakosentrasi manahan padiah-padiah cako, tapi ruponyo indak katiko inyo
mananyoan resep ubek awak tanyato memang asistennyotu maimbau ayah ka pak dotor
Effif.
Sakitu dulu seri lanjutan iko insya Allah bilo ado kasampatan
dilanjuik an pulo jo edisi mancaliak asia labor dari cik lalek (baso mak Muljadi
di nagari Marawa) nan kalo di kami di Batagak indak pakai “K” do
sarato lansuang ciek kato “cilalek”, itulah salah satu kayonyo kosa
kata dinagari awak nan lain lubuak lain pulo ikannyo sarato lain padang lain
pulo ilalangnyo.
Wassalamu’alaikum ww,
Batuduang Ameh (40)
“4 Rancak 5 Lamak Bana”
Menambah banyak teman sangatlah mudah dan cepat. Undang teman dari
Hotmail, Gmail ke Yahoo! Messenger sekarang!
http://id.messenger.yahoo.com/invite/
--~--~---------~--~----~------------~-------~--~----~
===============================================================
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi di setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
- DILARANG: 1. Email attachment, tawarkan disini & kirim melalui jalur pribadi;
2. Posting email besar dari 200KB; 3. One Liner
===============================================================
Berhenti, kirim email kosong ke: [email protected]
Daftarkan email anda yg terdaftar disini pada Google Account di:
https://www.google.com/accounts/NewAccount?hl=id
Untuk melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
