Soal kaos nan babagai corak iko.ambo takana jo kurenah anak bujang ambo sangkek inyo masih kalene sebagai anak SMP di Pemilu partamo maso awal reformasi dulu.
Antah dek karano ingin memiliki kaos perai berbagai corak atau untuak menyalurkan bakat basorak sambia ba rami-rami keliling kota. Inyo jo kanti-kantinyo acok pai kampanye diberbagai pelosok kota, walau mamanyo lah nyinyia mangecekkan akibat acok bana pai barami-rami nan mungkin tajadi kerusuhan atau kecelakaan lalu-lintas beko. Apolai mereka sering naiak sepeda motor sambia mangibar-ngibarkan bendera partai tsb dengan semangat tabudua tanpa memperhatikan pemakai jalan yang lain. Dek lah dilarang naiak sepeda motor, ruponyo mereka bagabuang naiak truk rami-rami, biasonyo lah ditantukan pick-up point untuk sato naiak truk itu dek korlapnyo Beko salasai acara mereka dianta pulo pulang kasitu baliak. Akibatnyo dindiang kamarnyo lah panuah ditempeli jo bendera dan kaos berbagai partai. Merah, kuniang, hijau,bahkan jingga yang aqidahnyo kurang pas jo awak. Sesuai jo mutunyo baiak bendera maupun kaos itu tampaknyo memang untuak sakali pakai sajo. Kok dicuci lah nyanyua jadinyo. Selain kaosnyo mulai mengembang, corak warnanyo lah jauah lari dari warna samulo. Supayo kamarnyo indak pakak bana jo baun paluah dek kaos atau bendera nan kapanehan itu. Tapasolah acok kamar itu disemprot air freshner. Jadi baitulah suasana kampanye maupun berbagai demonstrasi dinagari awak, urang hanyo amuah datang dek karano ado nan diharokkan. Bahkan untuak marami-ramikan, para kalenepun sato bararak katangah.. Mungkin untuak sekedar malapehan baban iduik yang taraso muloi taraso agak barek, bagi kelompok tertentu ado yang manjadikan kampanye partai maupun demonstrasi untuk suatu tuntutan sebagai professinyo. Sahinggo lai lapeh untuk bali bareh sahari-duo...Alasannyo Cuma bantuan dana untuk bali BBM. Kok nan agak bagak atau pede saketek inyo bisa pulo jadi PAM Swakarsa atau tenaga PAM partai tsb. Sahinggo acok lagak jo uniform mereka melebihi petugas keamanan resmi yang sudah menjalani berbagai pelatihan/kwalifikasi tertentu Apolai kelompok mahasiswa yang anak kost dan kiriman acok talambek tibonyo. Jo ikuik demo... makan siang jo rokok lah tajamin, awak bisa pulo basorak-sorak malapehan rangkik-rangkik...tulang nan sadang gata-gata. Hanyo sajo kok para pendemo itu marasai dek paneh jo hujan sarato berbagai tindakan petugas kok tajadi chaos....juragannyo acok monitor sajo dalam oto nan ba AC. Jadi sagalo kurenah mereka dikendalikan dari jarak sekitar saratuih meter itu. Iko nan mungkin profesi nan sabana mamakan paluah alia urang lain. Kalau dana untuak peserta kampanye/ demo itu tasandek turunnyo atau peserta merasa dirugikan... Bisa tabukak coki CALEG atau sponsor demo itu jadinyo... Akibatnyo lumayan memalukan ( itu kalau memang masih punya sedikit rasa malu tentunya, nan banyak kan malu-maluin ) Baitulah suasana kampanye dinagari awak nan beda jo dinagari lain, justru simpatisannyo itu nan manyumbang untuak partai itu. Kalau nanti para CALEG itu alasannya untuk jumpa konstituent baa pulolah galomoknyo nanti....samo kito tunggu sajolah Dinagari kito donornyo umumnyo para pengusaha ,yang tentunyo ado pulo nan diharokkannyo sehabis pemilu tsb. Kalau calon nan diunggulkannyo lah duduak. Tapi nan agak sadiah dulu disinyalir, BUMN juo tamasuak sapi perahan untuak menyumbang dana segar parpol penguasa Bahkan untuak PILKADA, ado dunsanak ambo nan pengusaha pakai "COKI DUO NOKANG" Calon nan dibantu indak ciek sajo, bisa duo atau tigo. Tapi tantu melalui channel khusus, sahinggo katigo calon itu indak tau atau pura-pura indak tau. Yang penting mereka lai lapeh sasaknyo dan tasadio dana segar untuak kesuksesannyo. Apokoh untuak level partai dipusat kemungkinan iko bisa jadi ???? Mungkin sajo ....kenapa tidak.... walau ado keharusan menampilkan NPWP bagi penyumbang diatas 100 jt. Tantu ado celah lain nan bisa dimanfaatkan politikus dan pengusaha nan galia itu. Apo ado sanksi den panwaslu atau yang lain kalau kito jadi donor semua partai ???? Wass St-RA / 53+ --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
