Mantap...tapek bana, partamo kali ambo ka Jakarta tahun 1988..yo bana banyak nan malu mangaku urang Minang...Alhamdulillah ambo lai indak do, katiko urang lain batanyo (Jawa) saat ambo di kuliah di Yogya dulu, "Darimana asalnya om..? Dari Sumatera Barat, jawek ambo.. Sumatera Barat itu mana..? Solok mas..? (kecek ambo dalam hati ndak pernah ko lah baraja geografi).. Solo ne pundi..? Bukan Solo pak, tapi Solok... Padang tahu gak, pak? Ooo..ya Padang..? inggeh mas...wong Padang to? Iya bukan dong..orang Solok, Padang itu ibukota Sumatera Barat, jangan sampai keliru.. MasyaALLAH ternyata menjadi Indonesia itu, lebih penting memang pendidikan.. Hal yang sama tentu akan terjadi juga di kampuang awak...? Tapi, kenapa kok ada yang malu mengaku orang Minang ya...? Selalu ngaku Padang, tanpa menyebut asal daerahnya di Sumbar? Salam dan Maaf Defiyan Cori L/41
--- On Sun, 1/4/09, Dr.Saafroedin BAHAR <[email protected]> wrote: From: Dr.Saafroedin BAHAR <[email protected]> Subject: [...@ntau-net] Kolom Wisran Hadi di Padang Today.com To: "Rantau Net" <[email protected]> Cc: "Keluarga Besar Saafroedin Bahar" <[email protected]> Date: Sunday, January 4, 2009, 5:04 AM Assalamualaikum w.w. para sanak sa palanta, Entah mengapa, tidak banyak ditayangkan dalam RN ini kolom budayawan Wisran Hadi dalam RantauNet ini, padahal kita demikian intens memperhatikan -- bahkan mengeritik -- keadaan di kampung halaman ' nan jauah di mato' itu. Di bawah ini saya kirimkan salah satu kolom 'kakobeh' kita orang Minang, dengan gaya 'bagarah' tapi cukup menggigit. Silakan dinikmati. Selanjutnya silakan diunduh sendiri. Wassalam, Saafroedin Bahar (L, masuk 72 th, Jakarta) Alternate e-mail address: [email protected]; [email protected] MINANG BANSAIK Oadang Today, Sabtu, 06/12/2008 10:38 WIB Galak-galak rusuah nyo tu kini.Tamanuang surang mamikiekan baa caro malapehkan kaumnyo dari kamiskinan. Indak jaleh dari ma ka dimulai. Kok dijua sawah jo ladang, sudah tu pitihnyo dibagi-bagikan ka dunsanak sadonyo, ka bara banalah tahannyo pitih tu. Paliang-paliang dalam duo tahun alah abih. Sasudah duo tahun manga lai? Mati kalaparan? Kok kadibuek sawah jo ladang, bagotong royong basamo-samo jo saluaruah anggota kaumnyo tu, bedo pulo. Kok dapek pulo beko bibit palasu, pupuak palasu, tantu samakin karam iduik kaumnyo. Timbua pangananyo nan lain, kok digadaikan sajo awah ladang tu ka bank baa?Tapi, baru se tasabuik nak manggadai, saluruah anggota kaumnyo pasti lansuang mintak bagian surang-surang. Baa caronyo lai ko. Batambah hari, batambah banyak nan jadi miskin. "Ilang aka den baa caro malapehan kaum den dari kamiskinan. Bansaik sadonyo. Pendidikan randah, karajo maleh. Cito-cito mereka sadonyo nak jadi bos, nak jadi komandan, nak jadi kapalo daerah, nak jadi urang bapangkek tinggi," kato si Atang ka si Jila. "Samakin-miskin urang, samakin tinggi angan-angan. Urang bansaik mati dek angan-angan," jawek si Jila. "Kini masalahnyo bukan angan-angan, tapi kenyataan nan ado. Limo urang kamanakan padusi den alun juo dapek laki lai. Uang japutannyo tinggi bana. Kamanakan laki-laki den sabaleh urang lah pai ka Batam, antah apo nan dapek kadikarajoannyo di sinan," kato si Atang parau."Kini baitulah kawan. Bao sadonyo barundiang. Jaan cuma waang sajo nan mamikiekan mereka tu. Duduak surang basampik-sampik, duduak basamo balapang-lapang. Baitu papatah Minang awak ko," kato si Jila mulai bakatubah. "Duduak barapak basamo-samo tu lai katuju diden. Tapi satiok diadokan acara bakumpua, pitih den juo nan tandeh. Waden musti mambali iko itunyo, manyadiokan ini itunyo. Sadonyo dari saku den. Samakin acok duduak basamo-samo samakin banyak pitih den abih," jawek si Atang manyasali diri. "Pitih ka pitih se buah kecek waang kini mah kawan," kato si Jila. "Waang kecek an sadonyo bisa salasai dek pitih?" hariak si Jila. "Hanyo tigo macam urang Minang ko nan dianggap sebagai urang. Partamo urang baharato, kaduo urang babangso, katigo urang bakuaso. Kalau indak baharato atau indak babangso, apo lai indak puo bakuaso awak ko dikecekan urang, mantimun bungkuak. Masuak karanjang lai, dietoang indak. Waden ingin kaum den tu dietong urang sebagai urang Minang," kato si Atang. "Ha? Hebat waang kini mah. Daulu kecek waang, awak ko indak paralu baminang-minang. Awak harus manjadi urang nasional. Kok tibo-tibo lah barubah se pangana waang? Ado nan alah tajadi?" tanyo si Jila. "Antahlah Jila," kaluah si Atang. "Tibo-tibo se timbua kasadaran waden bahaso waden ko iyo sabana urang Minang. Bialah bansaik bana kaum den, nan kami ko tatap manjadi urang Minang," sambuang si Atang. "Urang Minang ko pantang bana dek inyo mangaku bansaik, Tang. Lah jaleh waang bansaik, tapi baa mangko indak malu waang mangaku sabagai urang Minang? Nak mampamalu urang Minang ko kasadonyo?" timpalak si Jila. "Waden musti bataruih tarang. Lah lamo bana waden basandiwara. Lah jaleh awak bansaik bakecek an juo ninik muyang awak kayo, datuak-datuak awak rajo. Padohal sadonyonyo cuma curito ulek. Antah iyo antah indak. Kini, bialah kayo bialah bansaik, nan waden harus mangakui bahaso waden iyo urang Minang" jawek si Atang mantap. "Mangaku-ngaku waang kini jadi urang Minang, tahu waden aka wang tumah," kato si Jila. "Apo aka den?" "Waang lah taragak pulo nak jadi datuak, kan? Alah Tang. Indak paralu waang jadi datuak doh. Bisa se waang mengentaskan kemiskinan kaum waang tu, lah labiah daripado karajo datuak tumah," jawek si Jila. "Tapi, mengentaskan kemiskinan kaum indak ado dalam daftar tugas seorang pangulu doh kawan," baleh si Atang. "Jadi tugas pangulu manga? Malagak-lagak ka ilie ka mudiak jo mamakai baju, karih, jo tungkek pangulu. Bapatatah-patitih? Manjadi pengurus organisasi datuak-datuak? Itu bukan karajo pangulu doh kawan. Itu karajo anak randai tumah," kato si Jila serius. (Wisran Hadi) --~--~---------~--~----~------------~-------~--~----~ Anda menerima pesan ini karena berlangganan ke Grup "RantauNet" Google Groups. Untuk memposting ke grup ini, kirimkan email ke [email protected] Untuk keluar dari grup ini, kirim email ke [email protected] Untuk pilihan lain, kunjungi grup ini di http://groups.google.com/group/RantauNet?hl=id -~----------~----~----~----~------~----~------~--~---
