Assalamu'alaikum wr wb
Uda Jepe lah bapraktekkan manokok pangka sarai nan gapuak tun jo sakuek ati mah ndak
Ntu tantu lo dek ancua liau tu hehe
Mangkonyo bisa bakomentar mah ndak, tips nyo..haha........
Tapi kok da Jepe tiru mambaka ikan cando ambo acok praktekkan, mungkin ndak paralu maupah urang utk balari maonyok an asok ikan baka ka tentangga nan jaraknyo 2 kilo doh
Caronyo ikan uda nan bumbu ringan tadi dibaka sampai masak jo mentega dulu
Sudah tu bumbu barek uda td dicampuan di mangkuak jo santan pakek agak 3 buah karambianyo nan dirameh surang ndak buliah pakai masin doh sebab kalo lah sato masin biasonyo diagiah aia sangenek, aratinyo ndak original santan pakek td laih doh
Campuan juo asam kapeh agak duo buah agiah kemiri or dama or bukareh gak saketek utk mamakek an nyo
Nah siap utk dioles
Pas mambaka, ikan dibaka sampai masak dulu jo olesan mantega, nah, pas angin agak kancang wusss........... baliak ikan tun langsuang dikuas
Deknyo dikuas pas disisi nan baru tapanggang makonyo mangarinyam asoknyo, manyuruak raso ka dalam ikan juo manitiak nitiak santan babumbu ka dalam baro..datang lo angin agak kancang...bantuak2nyo sampai juo baunnyo ka batam tumah hahaha...
Biasonyo, kalo lah mode tu disuruah capek sen angkek ikan tun dek urang nan sakuliliang bakaran..dek ndak saba laih doh...
dek masiang2 lah mamacik piriang jo nasi.....tapi biasonyo..ambo tagahan..ambo baliaklah ikan tun sampai 2 kali..lah iruak dek manantian liau2 dibulakang ambo hehe.. Ciboanlah sakali2 kok lai cocok dek dunsanak sadonyo..ndak paralu laih pakai samba lado doh, kok nio juo pakailah sambalado mantah, lado ijau +bawang + tomat mudo giliang kasa2 sen..eh lupo cieklaih Mr Peterrrrsennyo...apapun tampilannyoh...
Wassalam
Rina/32/batam
Dari: jupardi andi [email protected]
Kepada: [email protected]
Cc: rantaunet rantaunet <[email protected]>; wstb wstb <[email protected]>
Terkirim: Sabtu, 3 Januari, 2009 20:27:49
Topik: [...@ntau-net] CARITO TAHUN BARU....by : Jepe
|
|
|
|
Selingan buek dunsanak di RN dan WSTB..mat baca semoga berkenan
_____Wass-Jepe
CARITO TAHUN BARU
By : Jepe
Kawan ambo saangkatan sakolah Et atau Mahyetti nan ba profesi manjadi dokter di Jakarta, minta baa carito tahun baru ambo, bialah ambo caritokan baa Tahun Baru ambo di Pakanbaru. Nan ambo tahun baru di rumah sajo jo sanak sudaro istri ambo nan sakompi di Pakanbaru ko, kebetulan kami sakomplek 6 rumah disiko, jadi ambo jo sanak sudaro para istri, pambayan, anak, kamanakan sambia manonton Changcuter nan bajingrak-jingkrak di tipi layar lebar nan di osong ka muko teras rumah salah satu sanak sudaro, lah barencana dari sore baka-baka ikan sajo. Nah baka mambaka “preparing” nyo buliah dikatokan ambo bana nan paliang sibuk mah.
Mulai dari manyiapkan Ikan sore hari dan mambumbuinyo dimasukan dulu dalam cool box ikan lah babumbu ko bia menyerap bana bumbu ko ka bodi ikan nan paliang dalam. Ikannyo dek Pekanbaru indak balauik tapaso ikan kolam sajo yaitu ikan Patin, Gurami dan Nila. Satalah dibarasiahkan digalimangkan jo aia perasan jeruk nipih atau asam kapeh dan garam. Jadi ado duo bumbu mah ikan baka ko
Nan partamo bumbu ringan sajo nan bagalimangkan jo garam dan asam kapeh tadi diagiah saketek atau dilumri jo jahe dan bawang putiah nan dihaluihkan, nan kaduo yo agak barek bumbunyo ala urang minang bana, istilahnyo ikan baka pacak-pacak. Jadi sarupo bumbu manggulai kalio lah tapi awak ambiak sajo santan pakeknyo atau pati santan, bedanyo saketek daun limau puruik nan harum tu cacah ketek-ketek. Lalu dirandam ikan ko di duo cool box jo masiang-masiang bumbu. Sabalunnyo untuak “pacak-pacak” malepoh ikan ko sadang dibaka disiapkan dulu kuas dari pangka sarai nan gapuak lalu ditokok lambek-lambek di batu lado kok sakuek tanago tantu hancuo pangka sarai nan gapuak ko.
puruang, iko tingga bali sajo di pasa tradisional sacukuiknyo, kok mambaka-baka tampuruang lo dulu banyak bana mah karajo, baa baro tampuruang nan rancak apinyo angeknyo sangaik pas buek mambaka ikan, hawo paneh baro marato, mudah diatur katiko talalu angek tingga awak kakah sajo jo tangan..upss..dek ambo indak punyo ulemu tahan bakar, yo dikakahlah jo basi special.
|
| |
| |
|
Berselancar lebih cepat dan lebih cerdas dengan
Firefox 3!
Ada Naruto, Sandra Dewi dan MU di
.
