Salah satu keunggulan kuliner awak nan ambo liek adolah indak paralu dihidangkan dalam kondisi angek atau fresh from the oven. Kecuali sup ( tantu sajo). Beda jo makanan Western Food, Cino atau Sunda yang baru diramu kalau lah ado order. Baitu juo mie Aceh, Sate/Soto Madura jo Coto Makasar nan kuahnyo salalu angek
Karano selain randang yang tahan untuak babarapo hari, berbagai kalio lah biaso juo direka ulang dengan mengganti kuahnyo atau diangekkan seketek sesudah tambah aia jo saketek bumbu... Bahkan untuak usus nan baisi tu... ambo liek lah ditumih dan dipisah ditampek lain dulu....kok lah ado order baru disiram jo kuah kalio. Apolai palai jo pangek bisa tahan labiah lamo.... Soalnyo ambo acok manyimpan palai di lemari es bisa sampai sabulan labiah...karano acok kehabisan tiok datang mambali kasitu. Kalau ka dimakan baru masuak microwave sabanta.... lah mantap pulo rasonyo baliak. Jadi kalau makanan bisa distock saketek tantu indak pusiang bana mengikuti selera konsumen macam berbagi menu restoran Cino. Ambo indak tau pasti, mungkin juo restoran D'Cost yang alah ado diberbagai kota dengan label : "Rasa bintang lima, harga kaki lima" alah mambuek stock pulo untuak berbagai Sea Food yang disajikan.. Karano berbagai menu Sea Food yang dipasan capek juo datangnyo ka meja awak....tapi nan jaleh berbagai juice tampaknyo lah ado stocknyo. Mancaliak itu ambo ragu juo jadinyo jo bahan yang digunokan.... Apo memang bahan dari buah asli dan fresh atau untuak juice itu hanyo sekedar essence plus papaya sajo ( macam tomato sauce nan dibuek dari papaya mudo plus essence tomat dan pewarna). Kalau itu buah asli mancaliak stock nan sabanyak itu....tantu lah ado pulo pengawetnyo ?? Seandainyo Sea Food yang dipasan alah distock dulu kalau lah ado order diangekkan saketek indak baitu masalah.... tapi kalau lah digunokan pulo pengawet yang alun tantu elok untuak manusia, apolai dosisnyo melebihi ketentuan mungkin itu bisa jadi masalah jo kesehatan kito. Itu dek karano mereka lah merupakan net work diberbagai kota....bisa jadi dapuanyo utama lah ciek sajo Untuak RMP salamoko berbagai dedaunan bumbu lah bisa jadi pengawet alami, antah kok kini dek lah sarik mancari berbagai daun itu lah digunokan pulo bahan kimia .....iyo indak jaleh dek ambo Sisi lain nan ambo liek, sesuai jo perkembangan kota dan paralunyo net work iko . RMP nan cukuik berkembang adolah nan terdiri dari babarapo buah nan ketek diberbagai sudut kota yang strategis terutama dekat Campus atau kawasan Industri atau terminal. Kok memang masakannyo lai mantap pasti iko labiah rami dan omzetnyo labiah tinggi dari nan gadang & agak elit dipusat kota. Mereka cuma butuh beberapa tukang hidang untuk beberapa meja diberbagai tempat... sedangkan dapuanyo ciek sajo dan dilengkapi kendaraan khusus untuk mengantar berbagai samba itu. Salain itu salah satu ciri dek ambo RMP iko mur-mer adolah.... kok rami sopir angkot parkir disitu pasti lamak dan murah...... Karano mereka memang selalu mancari nan semacam itu.... Dulu ditapi Sungai Siak sabalun terminal dipindah ka Jalan sekolah Rumbai ado RM Mantari nan cukuik rami. Selain ikan sungai termasuk baung yang terkenal itu ado pulo ikan nan indak buliah dipotong sirip ikuanyo katiko digulai (sabab kalau dipotong gulai akan bau yang nggak enak). Selain menu ikan itu talua kocok yang digoreng juo jadi incaran konsumen.. Jadi dek terminal pindah RMP iko ikuik pindah dan tatap rami... Karano untuak RMP nan gadang itu mungkin hanyo dikunjungi pada waktu tertentu sajo, sahinggo walau harago menu bisa agak tinggi tapi resiko untuak sepi dari pelanggan dan baguluang lapiak itu labiah tinggi. Mungkin untuak pola iko awaklah didahului pulo dek WARTEG yang memang selalu mendekati para pelanggannyo. Soalnyo alun tampak lai WARTEG yang elit dan ber AC he......he.... Untuak masalah WARTEG iko ambo punyo kenangan tersendiri..... Anak ambo nan nomor duo indak namuah kuliah di Trisakti walau lah talanjua dibayia persyaratannyo...inyo tetap mamiliah kuliah di Unand Padang.. Selidik punyo selidik dek mamanyo....ruponyo ukatu Test masuak Trisakti dan menunggu pengumuman kalua ...inyo labiah acok dibaok abangnyo ka Warteg dari RMP... Komentarnyo.... "Abang itu makannyo indak pakai meja, indak mantaplah " Tantu sajo makan di warteg kan cuma ado sabilah papan macam di Kapau- Kiktenggi nan dibawah tuduang-tuduang. Indak pakai meja macam di RMP yang sederhana sekalipun. Syukurlah sifat manjo itu lai hilang kini...insyaallah inyo akan dilantik akhir tahun iko sesudah menjalani pendidikan di AKPOL Semarang Itulah samantaro dari ambo soal serba-serbi kuliner iko... Wass St.RA 53+ --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
