Assalamualaikum w.w. Sanak Muljadi Ali Basjah dan para sanak lain sa palanta, Ambo faham jo kritik Sanak Muljadi taradok pikiran 'saketek-saketek pusek', saroman indak ado tanah lai di Ranah. Kan tapek kalau Tan Malaka dimakamkan baliak di Ranah, mungkin di Suliki tampek baliau lahia.Baliau kan urang Minang, lagi pulo mudah kalau ziarah, indak mamacetkan jalan dan indak manyababkan polusi, baitu kiro-kiro alasan Sanak kito ko. Namun, paralu kito tanyo labiah lanjuik apo iyo labiah tapaliharo dan lai kabanyak diziarahi urang kalau dimakamkan di Ranah ? Ambo paranah maliek makam Prof Mr Muhammad Yamin di Talawi, sabana sadiah kito mancaliaknyo, walau jalan sabana lapang kalau ka ziarah ka sinan. Ado curito lain nan hampia sarupo, tapi lain solusinyo. Sawakatu ambo dahulu diajak hadir dalam rapek di Padang dek pak Azwar Anas mambahas persiapan pemindahan makam Sultan Alam Bagagar `Syah dari pakuburan di Karet [atau d Mangga Dua?], ambo juo manyarankan jan baliau dibao pulang, tapi cari tampek nan rancak di TMP Kalibata, nan marupokan simbol dari perjuangan baliau malawan penjajahan. Ambo maraso kalau dibawo pulang kok mangetekkan jaso baliau, apolagi karano urang awak indak punyo tradisi 'nyadran' saroman di Jawa, suatu wakatu khusus urang manziarahi makam nenek moyangnyo. Akhirnyo usul ambo di tarimo. Sultan Alam Babagar Syah dimakamkan baliak jo upacara kenegaraan di TMP Kalibata, indak di Batusangka. Baliau jadi simbol kebangsaan, bukan sakadar simbul kebanggaan urang Batusangka atau Pagaruyuang sajo. Baitu juo nan takana dek ambo kini. Tan Malaka ditembak mati dek pasukan Republik dalam suasana kacau balau zaman Revolusi dahulu. Sasudah takana bana, baliau diagiah gala dek Presiden Soekarno -- nan sacaro pribadi mengenal dan menghormati baliau -- sabagai Pahlawan Nasional. Walau baitu, lamo kito indak tahu dima makam baliau,sampai Prof Harry A Poeze sacaro gigih mancari dima makam baliau tu, dan mandapek info bahaso makam baliau ado di desa`Seloparang, Kediri, Jawa Timur. Manuruik undang-undang, Pahlawan Nasional berhak dimakamkan di taman pahlawan, jo upacara kenegaraan. Manuruik pandapek ambo, martabat Tan Malaka -- sarato martabat kito urang Minang -- akan pulih dan malonjak kalau Tan Malaka dimakamkan jo upacara kenegaraan di TMP Kalibata, Jakarta, di pusek, indak di daerah. [Iko bukan soal otonomi daerah, dan bukan pulo soal mangindari kemacetan jalan kalau ka ziarah]. Tapi kok kareh juo hati nak mamakamkan baliau di Ranah, tantu buliah-buliah sajo. Hanyo sacaro pribadi ambo maraso sayang, karano indak ka taraso rehabilitasi martabat baliau sacaro simbolik dalam kehidupan kebangsaan dan kenegaraan.
Wassalam, Saafroedin Bahar (L, masuk 72 th, Jakarta; Tanjuang, Soetan Madjolelo) Alternate e-mail address: [email protected]; [email protected] --- On Wed, 2/4/09, Muljadi Ali Basjah <[email protected]> wrote: From: Muljadi Ali Basjah <[email protected]> Subject: [...@ntau-net] Tan Malaka, kenapa tidak di Miangkabau saja/ To: [email protected] Date: Wednesday, February 4, 2009, 12:30 AM Ass.Wr.Wb.saluruah ummaik RN diPalanta! Ambo batanyo, mintak sipaik, jo mangaluaan pandapek ambo. Ambo sabananyo labiah condong, seandainyo, makam Tan Malaka, dimakamkan di SumBar. Saandainyo katurunan Tan Malaka jo ummaik Minangkabau lainnyo nak ziarah, indak pulo ba-macet2 basalingkik, kaKaliBata. Bayangan sajo, sajak take off dari Tabing (nan baru?) stop over Cingkariang, lanjuik kaKali Bata. Bara banyak makan wakatu jo biayo, jo pencemaran lingkungan. Padohal awak nyak mangurangi kemacetan, partamu. Kaduo, pahlawan (urang Minang, diakui atau indaknyo dek RI sbg. Pahlawan, itu sekunder diambo, yang penting urang Minangnyo nan maakui niniak mamak kito) memory ataupun cambuak njek urang Minang, supayo urang Minang labiah maju. Analisalah jangko jauah, usah jangko pendek sajo. Memang iyo, gagah ba-rami2 jo kaum elite diPUSEK, baputerek, masuak TV, dinner dll.dsb. wakatu ceremonial nyo beko diJAKARTE. Baa mangko setuju sen katurunan Tan Malaka, ide dari siapo bakal dimakamkan diKaliBata. Atau masih dalam rancano? Baa pulo candiak pandai urang Minang mang"amin" sajo? Apo indak ado Tanah saketek diSumBar? Apo satiok Pahlawan itu musti dimakam Pahlawan? Mungkin sajo ado tanah leluhur baliau. Tapi palian indaknyo di Miangkabaulah handaknyo. Manga pulo, diJakarta? Baliau kan urang Minang, Saketek2 Jakarte, saketek2 Jakarte, bilo pulo lai masonyo, supayo Minangkabau iko manantuan, pandapek nan otonom panuah sorang??????????? Jadi handaknyo, urang2 dareh Minangkabau, idealnyo dimakamkan diJakarta??? Nan disemayamkan diMinangkabau nan kurang darehnyo???? Tapi memang hak keturunan Tan Malaka untuak manantukannyo, walaupun baitu, cadiak pandai Minangkabau, handaknyo sumbangkan masukan2 nan positiv jangko jauh njek Minangkabau, tampakkanlah warano kito. Muloi lah, memang jadi pionir itu barek sangaik. Usahlah PUSEK juo lai, otonomi daerah. Maohkan, kalau pandapek ambo, ataupun kato2 ambo nan kurang taratik. Wassalam, Muljadi, German ----- ambo kuduang --- --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
