Riri, bung Jepe, jo sanak sapalanta,
Kok baitu, nan Riri sampaikan ko sabananyo adolah suatu pendekatan baru bahkan
suatu paradigma baru dalam manangani masalah pamarentahan, nan bisa mencegah
tajadinyo silang sangketo. Nan labiah hebat, tanyato alah ado contohnyo dalam
kanyataan, saparati nan Riri agiah contoh, yaitu Kartomantul (Yogyakarta,
Sleman, Bantul) atau Sarbagita (Denpasar, Badung, Gianyar, Tabanan)
bahkan European Union. Mungkin gagasan Jabodetabek (Jakarta, Bogor, Depok,
Tangerang) juo tamasuak ka paradigma baru ko.
Kalau ambo indak salah, gagasan TVA (Tennessee Valley Authority) dahulu mungkin
juo timbua dari jalan fikiran atau paradigma nan samo.
Satahu ambo, gagasan ko alun ado dalam teori, tapi tumbuah alamiah malalui aka
sehat dalam pangalaman, dalam sumangaik bakarajo samo antaro babagai pihak nan
iduik badakek-an. Sampai kini, teori nan dianuik urang adolah teori
'nation-state' nan bamulo jo Perjanjian Westphalia 1648 dan bapuncak jo
Deklarasi Kemerdekaan Amerika Serikat tahun 1776. Dalam teori ko, bateh
wilayah sangaik penting, urang sampai baparang untuak mampertahankannyo. Dapek
dikatokan bahaso tatanan dunia maso kini didasarkan pado teori 'nation-state'
ko, tamasuak NKRI kito. Sagalo pemekaran dan tuntutan pemekaran -- tamasuak
geger tuntutan provinsi Tapanuli di Medan baru-baru ko -- kan didasarkan pado
teori ko.
Kok dikana-kana, kalau pengalaman ko kito angkek ka tingkek teori akan banyak
manfaatnyo di maso datang. Inti teorinyo adolah: indak usah bacakak soal bateh
pemerintahan, tapi carilah jalan kalua malalui formula 'win-win' untuak
bakarajo samo demi kepentingan basamo. Rujukannyo: bapikia positif ('positive
thinking'). Untuak manjadi teori paralu dicarikan namo, bisa dipiliah: Teori
Kartomantul atau Teori Sarbagita atau Teori Jabodetabek. Hebat..
Paradigma atau teori baru ko rasonyo bisa kito gunokan dalam jangka pendek
untuak manyalasaikan masalah bateh Agam-Bukit Tinggi.
Dalam jangka panjang rasonyo bisa diharokkan jadi rujukan dalam penyelesaian
perselisihan antar negara -- saroman European Union tu - saparati masalah Korea
Utara-Korea Selatan, atau bahkan masalah Palestina-Israel !
Hanyo kalau dipikia-pikia tantang masalah Korea Utara - Korea Selatan dan
masalah Palestina-Israel ko iyo agak sarik. Di ateh karateh, gagasan ko memang
bisa, hanyo kalau akan dilaksanakan rasonyo agak mustahil, karano ado faktor
dandam, permusuhan,kecurigaan, dan kebencian, nan alun ado ubeknyo lai.
Jadi syarat mutlak untuak bajalannyo paradigma ko adolah adonyo niaik baiak dan
suasana saling picayo mampicayoi antaro sagalo fihak. Kalau soal iko, iyo alah
lamo ado antaro Padang Panjang jo Tanah Datar. Alhamdulillah.
Wassalam,
Saafroedin Bahar
(L, masuk 72 th, Jakarta; Tanjuang, Soetan Madjolelo)
Alternate e-mail address: [email protected];
[email protected]
--- On Thu, 2/5/09, jupardi andi <[email protected]> wrote:
From: jupardi andi <[email protected]>
Subject: Bls: Bls: [...@ntau-net] Tapal Batas Padang Panjang dan Tanah Datar
To: [email protected]
Date: Thursday, February 5, 2009, 10:40 PM
Da Riri dan Pak Saaf
kok manuruik postingan Bung Riri ko..berarti ndak ado masalah dek batas ko do yo
kalau bantuak itu rancak juo mah Kortamantul tu..lah iyo lo mah Batusangka jo
Padang Panjang bantuak ayah anak
ibaraiknyo indak ka barituang bana....kok ado sacaro Adm sehubungan pajak
daerah..iko nan kadang2 agak masalah senek
tapi kok lai disepakati bantuak nan diposting Da Riri ko tantu rancak juo
tingga manabikan sajo payuang hukumnyo antaro kesepakatan kedua daerah..
Sangko ambo batas ko manua konflik..nan kareh bana
Tata Batas nan temu gelang ko..bukan karajo mudah..barek..baliku2..antar
instansi..biaya gadang
lalu prakteknyo..dilapangan suko "batangka" dalam menentukan batas ko..geser
manggeser
Jadi..yo labiah rancak pengembangan basamo mah...
kok dicontoh Eropa..samantaro inyo bagabuang..ciek mato uang..perekonomia dll
dek awak tabaliak mah nan ka mamisahkan diri sajo daerah ko..tu lah tajadi
tindakan anarkis di Medan nan mamakan korban
maningganyo ketua DPRD Sumut, dek bakareh angok juo..minta bapisah manjadi duo
Propinsi...
Iyolah..kok lai aman2 sajo..jaan awak bacarito Tapal Batas juo...karajo tu
barek mah..yakinlah
nan awak ukua indak tanah sabidang..atau lueh lapangan bola...do..
18 tahun ambo bateh2 mambateh areal ko mulai pengalaman partamo di Sulawesi
Tengah tahun 1989.
Semoga nan terbaik buek Kampuang Ambo Tanah Datar dan Kampuang Pak Saaf jo Da
Riri Padang Panjang
Wass-Jepe
(44, Lagi dilua kota).
Dari: Riri Chaidir <[email protected]>
Kepada: [email protected]
Terkirim: Kamis, 5 Februari, 2009 22:02:26
Topik: Re: Bls: [...@ntau-net] Tapal Batas Padang Panjang dan Tanah Datar
Pak Saaf,
He he, ambo kan ndak dalam posisi untuak setuju atau tidak setuju. Tapi kalau
ditanyo pandapek ambo, ado 2 points.
Partamo, manuruik pengamatan ambo, yang terjadi di PP/TD itu bukan karena
batas2 yang tidak jelas. Batasnya siy jelas, yang jadi isu adalah: 2 Kecamatan
(sekarang, setelah pemekaran menjadi 3: Batipuah, Batipuah Selatan, dan X Koto)
itu masuak ka Kabupaten TD sarupo peta kini, atau garis perbatasan "digeser"
sehingga menjadi bagian dari Kota PP.
Kaduo, sabananyo ambo indak terlalu tertarik jo batas2 administratif. Itu trend
kuno. Kalau ambo lebih tertarik dengan pengembangan bersama tanpa memandang
garis batas administratif. Itu sudah banyak dilakukan berbagai daerah, seperti
Kartomantul (Yogyakarta, Sleman, Bantul) atau Sarbagita (Denpasar, Badung,
Gianyar, Tabanan). Hasil kerjasama seperti ini lebih hebat dibanding meributkan
perbatasan administratif. Kalau mau contoh yang lebih besar lagi, European
Union itu ternyata bisa bersaing dengan raksasa2 seperti AS dan Jepang.
Riri
Bekasi, L 46
------ ambo kuduang --
--~--~---------~--~----~------------~-------~--~----~
===============================================================
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi di setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
- DILARANG: 1. Email attachment, tawarkan disini & kirim melalui jalur pribadi;
2. Posting email besar dari 200KB; 3. One Liner
===============================================================
Berhenti, kirim email kosong ke: [email protected]
Daftarkan email anda yg terdaftar disini pada Google Account di:
https://www.google.com/accounts/NewAccount?hl=id
Untuk melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
