 | | | Assalamu'alaikum
warahmatullahi wabarakatuh..
Mudah2an ado manfaat untuak dunsanak disatiok lini jo gender..
memanglah iko bana nan ambo mintaan, dapek bana nan kandak hati namoe go..posting Uda Jepe ko.. katuju bana dek ambo hehe..
walaupun ambo Ibuk rumah tangga Da, tapi InsyaAllah, ambo bausaho untuak adia ka satiok.. suduik iduik ambo ko..walaupun masih banyak nan alun tapanuahi..dan itupun didukuang dek Uda ambo nan masmas ko..walaupun bukan urang awak tapi lai dapek gala juo dulu " Rangkayo Sutan'' yah walaupun kami masih suko balanjo di pasa pagi nan harago no superrrr murrrrrraaahh.. contohnyo. bayam sakabek disitu sibu, kok di pasa nan "banamo" limo ibu, (yang beralokasi di batam silahkan cek, tapi balanjonyo jam 3 pagi hehehe)
Pangalaman ambo sajak manganduang anak kami nan partamo, antah baa pulo tu tiok Uda ambo pai mamapeh ka lauik, ambo nio ikuik lo, padohal pangalaman dulu cuma di tobek nenek dikampuang. Ampia tiok minggu kami pai mamapeh biak itu di tapi lauik, di tapi karamba atopun naiak pancuang jo nelayan. Partamo 'mancedok sotongko ukatu pai mamanciang jam 2 malam turun ka lauik, Bang Ahmad tekong kami mambaok satarongkeang ko sakalian pancedok nan gagangnyo panjang. Partamonyo ambo ndak tapikian untuak apo koh, pas lah tibo selat.. mulailah tekong kami ko manyedok sotong ko, yo sigap liau ko, ambo nan tapakiak2 manunjuak an sotong ko maogok2nyo tibo dari dalam lauik. eh mangganyuik tali panciang ambo.. agak lunak ganyuiknyo tapi lumayan barek.... (satuju bana ambo jo Da jepe iko bana nan indak bisa dibali, kok ikan bisa bafiber2 bahkan sakapa bagai bisa dibali..) Kironyo lah sampai ka ateh agak sameter dari permukaan, dicaliak bana jo
senter.... baluaik lauik ruponyo..lumayan gadang.. disigi2 dek bang Ahmad ko... cek nyo ; oo ini enak kak, dimasak ape saje enak ini. cek we'e, pas diangkek ka ateh, eee lapeh we'e.. lari cigin we'e baliak ka dalam lauik.. hiks...hiks...hiks...
Nah babaliak ka sotong tadi, iyo bana fresh.. really fresh.. nyam2.. ambo pacik2 eh habih itam tangan ambo mambiak dari dalam cedok an. " Kak ini untok tinte pemilu bise ini Kak, asli bukan macam pemilu raye kat kemaren tu.. Kate Bang Ahmad jo logat melayunyo. Sahinggo di batam ukatu pemilu dulu tu ditemukan beberapa orang nan alah mancoblos, maulang mancoblos di TPS lain dek tintanyo bisa diapuih langsuang...(bikin malu wae...ape kate dunie... ; -))
So, sedikit tanggapan untuak CALEG nan lah dicukia sangenek dek Uda Jepe ko...memang batua bana.. kok iyolah pai samo makan wak sa-"pancuang" (sebutan perahu bermotor disiko) walaupun itu makan karupuak jo aia kaleng murahan.. nan awak ndak bakalan ndak kalupo dek we'e2 di pulau ko doh. Buktinyo pernah kami pulang mamanciang mulai dari tapi karamba di dalam kampuang sampai kalua ka tapi labuah ka jalan gadang, mode artis kami.. Suok Kida urang bimanyapo, Pak Agung... kate mereka...Wah .. Kegantengan saya kali ya..kecek Uda ambo...jangan2 mo minta tanda tangan mereka, walah... kanai tapuak ciek... masalahnyo kami cuma kenal ciek keluarga nelayan disitu, cuma informasi diantaro mereka tu hebat..bak anak panah lapeh dari busur..sap...manancap lansuang...Ape Kate? Pak Agung kalo turun ame Kakak tu, suka bawe Minyak Solar ame makanan...Subhanallah...manuruik kami, kan sangat wajar minyak solar jo makan kami baok, tapi faedahnyo.. mode
artis lo kami di kampuang nelayan tu...alamak jaan...
Untuak para Caleg?? Apeke ini tak suatu peluang ke Pak Cik..Mak Cik....???
Wassalam
Rina,32,batam
Rekor mamanciang ambo ditangah lauik, dlm kondisi hamil 9 bln katarap 2,5 kg pakai "pancuang".
Dari: jupardi andi <[email protected]>
Kepada: [email protected]
Terkirim: Senin, 9 Februari, 2009 10:37:25
Topik: Bls: Bls: [...@ntau-net] MInta tolong - test (Band Cubadak Kantang)..Rabab
Satantang iko Rin, tantu pernah bana ambo mah apo istilah Rina mancedok..ha iyo mah..paten bana istilah tu...bisa juo disabuik manangguak tapi nelayan pasia aia tawa sahabat ambo tu ado juo maistilahkan MALAPUN..caro karajonyo ampia samo sajo ambo raso
jadi cedok mancedok sotong ko..dulu ambo Bujang, pernah pai jo Bagan katangah lauik...pokoknyo ambo suko sajo..mah..kok ka mamanciang, sato lo maangkek jariang bagan, masak2 ikan baka diateh bagan tu...kok bulan lah galok..tantu banyak ikan..nah biasonyo jo lampu seterongkeng ko cahayo untuak mamanciang ikan datang..tapi lampu seterongkean, Bagan ko agak babeda bantuaknyo..tapi prinsip karajonyo samo..iko yo lampu Storm King bana alias si rajo Badai..jadi lampu seterongkeang Bagan ko, tampek Minyak Tanah nan dipompakan tapisah..lalu minyak tanah dengan tekanan iko dialirkan ka bola lampu dari kaos istilahnyo diinjeksi dengan tekanan yang kuat itu nah melalui souyer atau barandas kecek nelayan
tu, bola lampu kaos ko tabaka basamo minyak tanah tadi, lalu mengeluarkan sinar didalam bola kaco satangah lingkaran nan digantuang dakek jariang bagan nan di lomba kabawah...lauik, dek sinar ko datang ikan2..salah satu nyo nan suko jo sinar ko nan Rina Sabuik Sotong, sotong yo agak babeda jo cumi-cumi stek ndak, kalau sotong nan gadang-gadang tu, kalau nelayan sahabat ambo manyabuik sotong kabau, nan tulang pungguang sotong ko warna putiah mengandung zat kapur acok dibali dek urang nan sanang perkutut sebagai tambahan makanannyo..iyo kan....hapa bana dek ambo kan ha..ha..ha
Nah disiko lah dimainkan mancedok atau malapun tadi, katiko sotongko..dipermukaan mangaja-ngaja sinar dari seterongkeang bagan, ndak ado lai..kok dapek iko..nan serunyo..sempat lapeh dari cedok/lapun/tangguak..sotong ko takajuik..mato kapalo ambo bana manyaksikan, lansuang inyo kaluakan tinta hitam di paruiknyo tu..manyambua..hitam aia sekitar sotong
ko...kaburrrrrrrrrr...lai pernah Rina mancaliaknyo tu. Nah setelah babaropo Jam diangkek lai jariang bagan ko, iyo banyak kanai cumi jo sotong, suaso, gambolo aceh, tandeman, udang dan macam2 lah lauk bagan.
Disampiang malapun sotong tu, samantaro jariang bagan di lomba baliak ka lauik, ambo jo sahabat nelayan ambo mamanciang jo mpan cumi, kok sotong gadang bana atau umpan anak lauk...ahhh..seru lah..apolai kok manyemba gabua.....ndak usah dicaritokan..iko bana candu mamanciang, ikan bara sajo dapek dibali kok ado kepeang, tapi jujuik ikan ko bana ndak ado urang manjua..nah ikolah nan dikatokan Candu Mamanciang.
Tapi ambo salut jo Rina, seorang Ibu RT..namuah atinyo pai mamapeh ka lauik, mamapeh bukan sumbarang mamapeh (hanyo rekreasi..ecek-ecek) tapi mamapeh nan malapehkan candu dan tahu jo slah serta trik2 mamanciang dilauik..hebat..lah Rina, hanyo karano lauik badai bagalombang sajo indak pai mamapeh..baa lah kecek Uda dirumah
tu..mancaliak induak barehnyo nan candu mamanciang. Kini dek ambo di Pekanbaru yo lah indak pernah mamanciang ka Lauik lai, tapi kenangan ambo talalu banyak jo mamanciang dilauik ko...sabana gilo ambo...dan sangaik suko bergaul jo nelayan ketek..disikolah carito rill,,nan paralu awak danga, apo keluhan nelayan ko..kok ambo ungkap kan..yo sadiah awak jo kebijakan para Elit Partai jo Birokrat nan memang kurang bana berpihak ka nelayan ketek kito..iduik susah, BBM maha untuak malauik, ikan diperaiaran ZEE dijarah jo pukek harimau, utang batambah banyak mancakiak lihia samantaro sarana prasana indak mamadai sahinggo main diperaiaran dangka sajo isi jariang jo pukek nan barek dielo disangko kok lai ikan, tapi ubua-ubua sajo nan banyak..dikisai isi pukek ko (iko ambo sato bana mah di pasia sabalah Tabiang tahun 2004)..cubolah bayangkan dek sanak..paliang 3 atau 4 buah ikan suaso tigo jari, tu anak-anak lauk saketek sarupo pinang-pinang, maco, tandeman ketek2,
bada..batai-batai, .akhirnyo ambo borong sajo aragonyo 50,000,-..sampai dima pitih 50.000 samantaro nan maegang pukek ko 5 sabalah suok..limo sabalah kanan....sedih memang..nasib nelayan kito...mudah2an caleg2 dari ranah minang kok duduak bisuak dapek memperjuangkan nasib nelayan, jaan gilo pesta dugem jo gonjang ganjing serba wah pesta politik jo demokrasi.
Itulah saketek carito ambo serba serbi mamanciang, manyedok..malapun,,,mamukek dilauik..kok ingin tahu jo masyarakat badarai baa keluh kesahnyo..lansuang awak sato mamukek..pai babagan..sambia manangkok aspirasinyo awak bisa lo malapeh candu mamanciang, kok bantuak iko sia nan caleg melakukannyo..yakinlah...nelayan ko sangaik respek..dan ingek jo awak, apolai sato lo awak moncongkong dibagan tu makan samo inyo, apo sambanyo..itu lo nan awak makan, baok sajo kopi, indomie, gulo jo rokok jo sanang hati bana mah nelayan ko maajak awak pai katangah lauik...sampaikan lah pasan tu jaleh2 "JAAN LUPO
NDAK PAK CONTRENG AMBO, KECEKAN KA SANAK2 LAIN"..itu salah satu jurus nan ambo mukasuik meraih simpati masyarakat badarai (floating mass)..alun jurus..di tangah sawah, dihutan..disungai tampek masyarakat badarai ko..terkosentrasi.
Selamat 'MANYEDOK" suaro nelayan sanak nan ka maju manjadi anggota Dewan, kok lah duduak jaan lupo memperjuangkan nasib mereka, ingek dulu wukatu..pai babagan jo mamukek jo inyo katiko menarik simpatinyo
Wass-Jepe
Nan lah pasai..dari ketek sampai kini di Lauik..dengan segala kehidupan nelayan
Dari: rit rina <[email protected]>
Kepada: [email protected]
Terkirim: Senin, 9 Februari, 2009 09:33:20
Topik: Bls: [...@ntau-net] MInta tolong - test (Band Cubadak Kantang)..Rabab
Hehe..satarongkeang.. sata lolah wak ciek..
Da Jepe lai ado pai mancedok sotong pakai satarongkeang?
Kalo lai.. caritakanlah pangalaman nan di siberut atau dima sae.
Ditunggu caritonyo??
Wassalam''
Rina,32,batam
Dari: jupardi andi <[email protected]>
Kepada: [email protected]
Terkirim: Minggu, 8 Februari, 2009 21:09:09
Topik: Bls: Bls: Bls: [...@ntau-net] MInta tolong - test (Band Cubadak Kantang)..Rabab
Mangecek2 tantang lampu seterongkeang sanak..iko mungkin barasa dari kato Storm King alias si Raja Badai..apo iyo..agiah senek pencerahan ecek-ecek ambo la..baa lampu petromak nan jaman dulu banyak digunokan untuak Bagan mancari ikan dimalam hari tangah lauik..kok urang minang maagiah namo lampu STRONGKENG
Alah dulu carito ambo diakhir pakan ko...cari lah Da asa usua lampu seterongkeng ko di Mat Gugel tu :)
HANWE
Wass-Jepe
(44, Pku)
-~----------~----~----~----~------~----~------~--~---
Terhubung langsung dengan banyak teman di blog dan situs pribadi Anda? Buat Pingbox terbaru Anda sekarang!
Lebih bergaul dan terhubung dengan lebih baik. Tambah lebih banyak teman ke Yahoo! Messenger sekarang!
Coba Yahoo! Messenger 9.0 baru Lengkap dengan segala yang Anda sukai tentang Messenger! --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email
kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~--- | | |
| |
|
