Kalau baitu, Ita, bialah MakNgah taruihkan reply email untuak ko ka Lapau untuak dimaklumi basamo. Mudahan-mudahan Ita sehat dan indak taganggu bana jo gangguan abu udaro New Deli. -- MakNgah
Maa Rang Lapau nan Basamo, Di bawah ko ambo sampaikan email pribadi ka ambo dan salam dari Rita Desfitri untuak samo-samo kito maklumi. Rita Desfitri, dahulu Anggota Lapau kito dikenal dengan namo julukan Murai Kukuban, lah lamo ndak bakicau di Lapau sajak lamo indak tadaftar. Kini kito danga kicaunyo saketek, mungkin sadang ka Subuah di New Delhi. --MakNgah ________________________________ From: Rita Desfitri <[email protected]> To: [email protected] Sent: Tuesday, February 24, 2009 9:57:01 AM Subject: Mak Bandaro.... MAK NGAH, Astaghfirullah.... Sabanta ko iseng-iseng Ita buka-buka arsip palanta rantaunet di web site, di situ tabaco tulisan bundo Nismah tertanggal 8 September 2008 baraso Mak Bandaro lah mandahului kito basamo. Iyo takajuik gadang Ita jadinyo. INNALILLAHI WA INNA ILAHI RAA JI 'UN. Sabana ndak tahu Ita doh. Tamanuang....Ndak taraso Aie mato maleleh di pipi. Salamoko Ita indak tahu samo sakali. Padohal kejadiannyo lah babarapo bulan. Kalau di hitung-hitung, wakatunyo sangat badakek-an jo abak Ita nan maningga bulan Juli tahun 2008 lalu. Mungkin karano sampai labiah 5 bulan abak sudah maningga Ita labiah banyak menetap di Maninjau manunggui Ibu, ka Padang hanyo bilo maagiah kuliah, sampai Ibu namuah di ajak ka Jakarta dan Ita barangkek ka New Delhi ko. Sahinggo indak ado kaba barito tantang mak Bandaro nan sampai ka Ita di kampuang. Ondeh mak Ngah.... Kini ta bayang-bayang di Ita baa Mak Bandaro manasehati Ita wakatu sadang sakik di Australi dulu. Ta bayang-bayang di Ita baa Mak Bandaro kuliliang-kuliliang maantakan Ita di Bogor dek ado urusan manjalang Ita barangkek ka Amerika tahun 1999 nan lalu. Tabayang pulo baa Mak Bandaro nan sadang pulang kampuang, menyempatkan diri ka Kukuban di Maninjau manamui Ibu jo Abak katiko Ita sadang di Wyoming, hanyo karano Ita bacarito urang gaek di Maninjau wakatu tu agak kurang sehat. Indak di sangko Abak jo Mak Bandaro manamui Tuhan dalam wakatu nan badakek-an. Takana kana baa suaro panuah kesedihan mak Bandaro di telpon maagiah tahu Ita di Padang katiko si Lucy anak padusi satu-satunyo di Mak Bandaro mandahului kito basamo, tanpa sakik dan tando-tando sabalumnyo. Kini beliau nan lah pai pulo. Ya Allah, Lapangkan lah Mak Bandaro di alam nyo kini. Mak Ngah, Tolong sampaikan salam ba duka cita Ita ka sadonyo dunsanak di rantau Net yo mak Ngah. Bukannyo Ita ndak peduli, tapi memang ndak tahu samo sakali. Untuak Bundo Nismah, tarimo kasih tulisan Bundo sempat tabaco di Ita sahinggo akhirnyo Ita tahu baraso awak sadonyo lah kahilangan Mak Bandaro..... Nan Berduka Rita Desfitri New Delhi. --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
