Assalamualaikum Wr.Wb Bapak Sjamsir Sjarif alias Mak Angah.
Mohon maoh ambo Mak Angah, barek bana diambo karano Mak Angah maimbau "Angku"
ka ambo nan ketek iko. Tolong Mak Angah sabuikan sajo namo ambo "Mul" atau "MA"
initial ambo. Indak tajujuang diambo doo Mak Angah, koq lumpuah ambo beko dek
katulahan.
Kabatulan sajo Djamaan Djamil, baimbau "Maan Lambau" di Mak Angah dan kawan2
mak angah iko, adolah mamak ambo. Dek Mande kanduang Om Maan ("Maan Lambau")iko
adiak saibu dari mandenyo mande ambo (nenek kanduang ambo). Sayangnyo ambo
indak sempat berkenalan jo baliau2 itu doo.
Memang Om Maan itu mamak ambo, hilang indak tantu rimbonyo, sabalun baliau
barangkek malanjuikan sikolanyo ka Bulando, leh jaman PRRI.
Sampai2 samaso hiduik juo mande baliau (kami imbau ummi Adang), acok ummi Adang
iko wakatu saat2 baliu sadang/mulai pikun mananyoi ambo: "Indak Adi (imbauan
ambo dirumah) cari mamak Adi di Bulando itu gai?" Ambo jawab sajo:" Lai acok
Adi cari2, tapi indak basuo juo doo Ummi!"
Itulah korban parang yo Mak Angah, anak semata wayang, tungga babaleng, hilang,
baitu sajo, indak tau dima rimbonyo.
Mangkonyo kan (agak) tapek ambo maimbau mamak ka Mak Angah, itupun tantu sajo
dengan parsatujuan Mak Angah.
Memang memory itu indak bisa talupokan do Mak Angah.
Baa karancaknyo saandainyo Mak Angah basadio manulih anekdote2 ka kami2 koo
aaa, ataupun bilo Mak Angah maraso labiah nyaman langsuang sajo ka alamat
e-mail ambo pribadi. Iko rancak bana Mak Angah.
Wassalam,
Muljadi
Koq dapek tunjuik ajai juo lah ambo ko Mak Angah, dek salain ambo lahia/gadang
dirantau, kan nan baraja koo indak abih2nyo doo, yo Mak Angah?!
-------- Original-Nachricht --------
> Datum: Wed, 04 Mar 2009 01:11:40 -0000
> Von: "hambociek" <[email protected]>
> An: [email protected]
> Betreff: [...@ntau-net] Kawan Lamo di Kampuang
>
> Angku Muljadi,
>
> Indak takana di ambo Djamaan Djamil, mungkin labiah mudo dari ambo. Kalau
> ano anak Pak Guru Djamil, ambo tahu bana kakakno, Tuan Sjamsumar Djamil. Di
> Balai Gurah ayah ambo salah satu dari Tigo Urang Guru nan tatuo, Pak
> Datuak Mangiang, Ayah ambo Sutan Sjarif, Pak Munaf (ayah dar Buchari Munaf
> sapangkek jo ambo), sudah tu mairiang Pak Guru Djamil, sataruihno lah puluhan
> Guru di Kampuang Awak.
>
>
> Kalau Djamaan nan sapangkek ambo samaso Sikola Sambuangan di Benteng
> (Lambah) cuma baduo dari Baligurah jo Kototuo. Nan di Balaigurah, Djamaan agak
> gapuak baimbauan "Maan Lambau". Tahun 1958 jadi Guru SMA di Padangpanjang,
> tapi kabano hilang katu bagolak, indak panah lai basuo jo ambo. Nan di Koto
> Tuo, baimbauan elok-elok samo gadang, kabano samopai kini masih dikenal juo
> jo "Maan Pasiak", kawan elok jo ambo, tapi marasai marauang kanai lantuang
> di ambo maso ketek sisuak. Katu lah gaek-gaek ano datang manjanguak amak
> ambo di Bandabaru, tahun 1993, kami lah barangkuah-rangkuhan samo-samo
> maaf-maafan jo aia mato balinang-linang, antah sia nan kadulu. Mudahan kini
> 2009
> masih sehat. Angku Lembang Alam nan acok pulang ka Kototuo mungkin takana
> jo baliau nan di Kototuo ko. Kok ambo pulang bilo-bilono, ano salah satu
> kawan nan ingin ambo cari untuak maota-ota Kampuang maso saisuak. Indak
> banyak lai kami sapangkek nan tingga di Kampuang. Kok dikana-kana, iyo jatuah
> ka
> dalam aia mato ...
>
> Salam,
> --MakNgah
>
> --- In [email protected], "Muljadi Ali Basjah" <mulj...@...>
> wrote:
> >
> >
> > Assalamualaikum Wr.Wb Bapak Sjamsir Sjarif alias Mak Angah.
> >
> > Mungkinkah mak Angah kenal jo Om Djamaan Djamil, dari Piliang Mak Angah?
> > Baitu juo jo Om nan sarjana Sipil namonyo ambo lupo, baliau tamatan
> Chekoslowakia nan dari Koto-Sigai Balai-Gurah, kenal juo mak Angah?
> > Almarhum Om Syurkani tantu kenal juo kan Mak Angah?
> >
> > Wassalam,
> > Muljadi
> > BTW, Sajak 4 hariko, angso liar (wild geese) lah suruik dari Afrika,
> disiko Mak Angah, nampaknya musim semi disiko lah diambang pintu.
> >
> > -------- Original-Nachricht --------
> > > Datum: Tue, 03 Mar 2009 20:44:37 -0000
> > > Von: "hambociek" <hamboc...@...>
> > > An: [email protected]
> > > Betreff: [...@ntau-net] Mahasiswa Indonesia di Singapura tikam
> profesornya
> >
> > > Oh, alun lalok lai? Atau tasintak lalok parak siang Angku Asadi Rasyid
> > > St Tumangguang? Di siko, di subaliak bumi, kami pukua tangahsatu siang
> > > hari Silasa.
> > >
> > > Bana, Pak Hasjim Djalal. Cuma ejaan namo kami saroman nan dulu juo,
> > > masih ejaan lamo.
> > >
> > > Salam,
> > > --MakaNgah
> > > Sjamsir Sjarif
> > >
> > > --- In [email protected], asadi rasyid <asadi_rs@> wrote:
> > > >
> > > > Sekedar panutuik-i penasaran ambo Mak Ngah,.... baliau tu, pak
> > > Hasyim Jalal ?.
> > > >
> > > > Salam,
> > > > Asadi Rasyid St Tumangguang.
> > > >
> > > > --- On Tue, 3/3/09, hambociek <hambociek@> wrote:
> > > >
> > > > Iyo, disayangkan. Saketek palajaran penting dari kito, ko ado
> > > > anak-anak kito nan dinamokan "genius" barangkali jan lah
> > > > disanjuang-sanjuang bana, jalehkan ka inyo bahaso jalan dunia ko
> > > > babalik baliku-liku, harus ditampuah sacaro realitas sakik
> sanangnyo.
> > > > Indak sado anak-anak "luar biasa" atau "genius" maso ketek
> > > > nan
> > > > berhasil sukses di kemudian hari.
> > > >
> > > > Ambo punyo duo kawan dakek di Ampek Angkek wakatu ketek wakatu kami
> > > > anak SMP tahun 1947. Kaduonyo kami kagumi, dakek jo ambo. Ambo
> sabana
> > > > respek dan bakawan elok jo mereka. Sayangnyo sasudah Agresi ke-2
> 1948
> > > > salasai, nan surang indak lulus ujuan terakhir, indak panah basuo
> lai
> > > > jo ambo, indak panah tadanga sampai kini. Tai di ambo masih takana
> dan
> > > > tabayang-bayang bantuaknyo sampai kini.
> > > >
> > > > Nan surang, sasudah puluhan tahun kami basuo partamu kali,
> > > > banostalgia, sempat bacarito baa sakik iduik masyarakat awak di
> > > > Kampuang wakatu kami sikola maso ketek. Pembicaraan kami tu didanga
> > > > dek anak baliau [wakatu tu baru tamat High School] nan duduak
> > > > dibulakang kami di kapatabang. Tanyo ka Om Sjamsir, kecek baliau
> > > > sambia maengong ka anaknyo, baa suliknyo iduik wakatu kami
> > > > ketek-ketek. Kami pai sikola malahan indak pakai tarompa bagai
> doh...
> > > >
> > > > Hari itu kami batigo di kapatabang dari Washington, DC ka New York,
> > > > manuju ka pos baliau nan baru. Bisuaknyo ambo baduo masuak kantua
> > > > baliau di gedung tinggi PBB dan dengan lega basyukur kapado Ilahi
> > > > baliau mahangok panjang. Sir [panggilan singkek namo ambo Sjamsir],
> > > > alhamdulillah, ikolah meja ambo nan baru. Ambo basykur nan partamu
> > > > kali manyaksikannyo. Kami maraso lega basalaman barangkulan sambia
> > > > ambo mengucapkan selamat. Baliau dikenal manjadi tokoh diplomat
> > > > internasional ... Kini, anak baliau nan tadinyo duduak di bulakang
> > > > kami di kapatabang tu, lah dikenal sebagai tokoh nasional muda nan
> > > > cemerlang ...
> > > >
> > > > Salam,
> > > > -- Sjamsir Sjarif
--
Psssst! Schon vom neuen GMX MultiMessenger gehört? Der kann`s mit allen:
http://www.gmx.net/de/go/multimessenger01
--~--~---------~--~----~------------~-------~--~----~
===============================================================
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi di setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
- DILARANG: 1. Email attachment, tawarkan disini & kirim melalui jalur pribadi;
2. Posting email besar dari 200KB; 3. One Liner
===============================================================
Berhenti, kirim email kosong ke: [email protected]
Daftarkan email anda yg terdaftar disini pada Google Account di:
https://www.google.com/accounts/NewAccount?hl=id
Untuk melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
