Mak Ngah, Pak Boes bisuak ka Padang jo Lion, take off dari SH pk 16.50. Insya Allah ambo japuik ka BIM dan manginap di dangau. Ambo alun tau acara baliau salanjutnyo. Nan pasti baliau ka rumah kakaknyo, bu Ani, mantan guru TK Gajah Tongga BT, nan tingga di balakang, ndak jauah dari sikola tu.
Pakaro lafal "bus", nan tadanga di ambo masih duo: nan paliang banyak [bis],
salabiahnyo [bus]. Mungkin vokal [i] labiah gampang mambunyiannyo dek
konsonan nan mandahuluinyo "flat bilabial" dan vokal [i] ko juo flat,
aratinyo dibunyikan jo bibia nan indak bulek-an, sadangkan [u] adolah "round
bilabial" aratinyo, bibia dikaroncongan. Jadi agak batambah karajonyo snek,
partamo kutiko malafalkan flat bilabial consonant [b] bibia ateh jo bawah
diratoan, sudah kutiko tibo dibunyi [u] nan "round vowel" tu, bibia nan rato
tu dikaroncongan (dibulekan). Tapi kalau lafalnyo [bis] ndak paralu bibia
karajo duo kali lai dek [b] jo [i] samo2 flat (rato].
mak Sati (L. 72+0+6)
Tabiang
----- Original Message -----
From: "hambociek" <[email protected]>
To: <[email protected]>
Sent: Friday, March 06, 2009 8:32 PM
Subject: Re: Bls: [...@ntau-net] Bus dari Padang ka Sawahlunto -- Bis, Bus,
Bas
Aha, mancaliak Subjectnyo, ambo raso tadinyo tabayang di ambo Angku Boes
(Boes Roestam) nan lah sampai di Sawahlunto. Katu pamitan jo talipon,
sabalun baliau barangkek dari Toronto, Canada ka pulang Kampuang, ambo
sarankan baliau maambiak kasampatan mancaliak-caliak Sawahlunto nan sadang
angek diotakan di Lapau ko...
Baru takana ejaan namo Angku Boes jo "oe" lamo (bukan "u" baru. Eh mungkin
Oelamo ko ado pulo hubauangnnyo jo Oelama, kini dieja Ulama eh ...:)
Bus, Bis, Bas. Dalam maaratikan dan malafazkan Autobus, Otobus, ambo raso
ado kakaliruan dalam ucapan nan tigo ko. Panah dahulu Urang Awak atau Urang
Indonesia manyabuik otobus ko "bis" karano mungkin ucapan Bulando "bus"
tadanganyo saroman "bis". Tapi kini ambo caliak angkatan baru lah muloi
pakai ucapan "bus", mungkin mancaliak ejaan tulisannyo baiak Bahaso Bulando
atau Bahaso Inggirih. Tapi Urang Malayu (Malaysia) nan lah dahulu baraja
Bahaso Inggirih dari awak, mamakai kato "bas" karano memang baitu ucapan
Bahaso Inggeris "bus" nan tadanga di mereka.
Ambo ingin batanyo, nan maa kini nan laris dipakai kato untuak otobus ko
dalam masyarakat di Indonesia, atau di Kampuang Awak? Bis, Bus, atau Bas?
Salam,
--MakNgah
Sjamsir Sjarif
--~--~---------~--~----~------------~-------~--~----~
===============================================================
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi di setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
- DILARANG: 1. Email attachment, tawarkan disini & kirim melalui jalur pribadi;
2. Posting email besar dari 200KB; 3. One Liner
===============================================================
Berhenti, kirim email kosong ke: [email protected]
Daftarkan email anda yg terdaftar disini pada Google Account di:
https://www.google.com/accounts/NewAccount?hl=id
Untuk melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
<<inline: clip_image002.jpg>>
