Assalaamu'alaikum wa rahmatullaahi wa barakaatuhu Ambo cubo-cubo sajo madifinisian sasuai jo nan biaso talatak / tahedang katiko kamakan, di kampuang kami di Balai Gurah. Walaupun namoko mungkin indak cocok di nagari nan lain.
Pangek, musti babahan ikan. Bisa pangek paweh (batalua), bisa pangek ikan ameh, bisa juo pangek bada bujayia ketek-ketek. Pangek ko adolah fasa lanjutan dari gulai, jo catatan pulo banyak mampagunoan dama. Labiah banyak dama dari santan karambia. Dan dimasak sampai kariang kuahno, tapi indak anguih. Mamasakno baunyai jo api ketek (enek ambo saisuak mamasak jo api dari sabuik karambia). Kinco (kanti) ikan pangek bisa cubadak, bisa kamumu, bisa kacang panjang, bisa kacang paga. Gulai, musti basantan dan musti bakuah (indak kariang kuahno). Gulai bisa babahan ikan (gulai ikan ameh, gulai ikan kakap), ayam (gulai ayam). Gulai ikan bisa bakinco jo kantang, bisa juo jo kamumu. Gulai ayam bisa bakinco jo naneh mudo. Gulai dagiang sabalun dagiang jadi randang, jo kuah nan alah pakek (nan kajadi dadak randang) kalio namono. Gulai itiak balado ijau tu di kampuang kami tatap basabuik kampuang asano. Gulai itiak Koto Gadang. Ibu ambo sangaik pulo ahli baliau manggulai itiak (caro) Koto Gadang ko saisuak. Kuah ijau gulai itiak nan sabana pakek jo lado ijau dan baminyak tu sangaik pulo lamakno. Gulai cubadak, gulai paku *idem ditto*, aratino gulai basantan juo, diimbau /dinamoan gulai juo. Agak balain katiko pucuak kapelo nan digulai basantan jalang, jarang tadanga urang manyabuik gulai pucuak kapelo. Disabuik urang (sayua) pucuak kapelo sajo. Kalau sarupo gulai, tapi *indak basantan*, banyak mamamakai tomat jo lado, di kampuang kami disabuik urang asam padeh. Nan biaso di asam padehko biasono ikan lauik. Labiah khusus pulo lai ikan tanggiri. Ayam agak jarang diasam padeh urang. Tapi daging sapi / jawi sagadang teko (kiro-kiro 500 gram utuh) biaso di asam padeh. Iko biasono gulai adat katiko baralek. Namono agak batuka saketek manjadi samba padeh. Kalau ka mamakanno bairih dulu dagiang nan sagadang teko tu. Wassalamu'alaikum M.D.Saib St. Lembang Alam Asal: Koto Tuo - Balai Gurah - Bukit Tinggi 58 th / Jatibening - Bekasi On Sun, Mar 8, 2009 at 10:31 PM, hambociek <[email protected]> wrote: > > Pangek atau Gulai? > > Kok di Ampek Angkek istilah "Pangek" ko dimukasuikan "Pangek Bada" atau > "Pangek Ikan". Kalau Itiak, tadaanga disabuik "Gulai Itiak" indak Pangek > Itiak doh. Istilah Gulai Itiak ko ambo danga di Kampuang, dan juo kalau > maota-ota Gulai Itiak nan Padeh tu jo kawan-kawan di Koto Gadang. Kalau di > Ampek Angkek awak batanyo lai ado Pangek, mukasuiknyo Pangek Bada atau > Pangek Ikan tu, bukan Pangek Itiak. > > > --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
