Assalaamu’alaikum wa rahmatullaahi wa barakaatuhu
Gala urang awak memang agak 'ganjia'. Ganjia dalam arati kato ado tigo kalompok masyarakaik, alim ulamo, cadiak pandai sarato niniak mamak nan punyo panilaian sandiri-sandiri taradok gala adat tu. Dan iko alah tajadi sajak lamo, antah ado pangaruah parang Paderi di dalamno antah indak wallahu a'lam, ambo hanyo sakadar mamparatian sajo. Ulamo-ulamo gadang di nagari awak samisal Syekh Abdul Karim Amrullah, ayah dari Buya Hamka, baliau hanyo dikenal sabagai inyiak Doto. Indak tau awak antah sia gala adat baliau. Baitu juo jo Syekh Muhammad Jamil Jambek, Syekh Thahir Jalaluddin, Syekh Muhammad Jamil Jaho, Syekh Abdul Latif di Balai Gurah, Inyiak Canduang dan antah sia lai. Baitu juo jo Buya Hamka (pado hal baliau saurang pangulu, Datuak Indomo) mungkin indak banyak awak nan tau jo gala baliau. Pangacualian barangkali, ado H. Datuak Palimo Kayo, ayah dari kawan ambo, nan panah manjadi ketua MUI Sumatera Barat. Di kalangan cadiak pandai, nan jadi 'pemuka-pemuka' di tanah air sarupo pak Hatta (ado nan mangecek-an dek ibu baliau bukan urang Minang), Muhammad Yamin, Muhammad Natsir (Datuak Sinaro), Haji Agus Salim, Sutan Syahrir (Sutan di muko namo indak mungkin gala). Pangacualian pulo Nazir Sutan Pamuncak, Ibrahim Datuak Tan Malaka. Daulu, di generasi mamak-mamak awak, di paruah partamu abaik nan lapeh, nan amuah mamakai gala iyo bana kalangan niniak mamak sajo tampakno dan itupun nan batahan tingga di kampuang. Nan pai marantau, saketek demi saketek, antah aa sababno, banyak nan malipek gala tu. Baitulah nan tajadi sampai kini-kiniko, banyak nan maleh mamakaian gala, bahkan walaupun baliau surang pangulu sakalipun. Baa mangko mantun? Antahlah, iyo indak jaleh di ambo jawabno. Di dalam rapek urang-urang kampuang kami di Jakarta, katiko ambo manyuruah / mamintak ditulihan gala di sampiang namo, banyak nan mangarunyuik-an kanyiang. Ambo maajak jo mukasuik untuak manunjuak-an jati diri ka Minangkabau-an awak, tapi tanyato banyak nan indak / alun satuju. Waasalamu'alaikum M.D.Saib St. Lembang Alam Asal: Koto Tuo - Balai Gurah - Bukit Tinggi 58 th / Jatibening - Bekasi On Tue, Mar 10, 2009 at 9:35 PM, <[email protected]> wrote: > Dear Pak Riri, dan Dunsanak Sapalanta Yang Mulia, > > 1. Tarimo kasih utk info dan contoh yg Bpk berikan. > > > > > > --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
