I*KLAN JK (DAN GOLKAR) DI RUMAH MAKAN PADANG RANG SUMANDO*
Barusan ambo mangawanan urang rumah ka Rumah Sakik, dek bulan lah samakin tuo, mamaresokan kanduangan. Di ruang tunggu nyo ado TIPI nyo, ambo mambulakangi tipi tu. Eh, tadanga ambo bunyi bunyi arransemen lagu minang. Ambo cogokkan lah kapalo tu sangenek. Rupunyo ado duo anak mudo sadang mambaco koran, nan ruponyo mambahas Partai Golkar. Eh Mancogok Yusuf Kalla, Wapres dan kebetulan Ketua Umum partai Golkar pulo. Di iklan tu Yuduf Kalla sabana santai, duduak mode awak awak santai di Simpang Raya... Nyo makan jo urang rumah he, Bu Mufidah jo anak anak e. Ambo tagalak se mancaliak Wapres kito ko, sabana Low Profile bana. Indak bantuak SBY nan Jaim jaim, bantuak banyak nan diandol annyo. Ambo indak begiu ngeh a cek nyo di tipi cako du. Nan mambuek ambo tagalak galak sengeng, namo Rumah Makan Padang JK makan jo urang rumah e tu RUMAH MAKAN RANG SUMANDO! Iyo sabana tagalak galak sengeng ambo. Bisa se JK mambuek ide iklan golkar tu. Tau se nyo Rumah Makan Padang Sambuah di seantero nusantara ko.... Gadang pulo merek e tapampang di balakang JK mangecek. Ambo langsuang se tabayang sosok Bung Hatta jo Sukarno kalau mencaliak perbedaan JK jo SBY ko. Nan ciek man of idea, mangecek santiang, gagah, suko bana dikodak. Mangguntiang pita. Urang mangecekkannyo lamban. Nan cieklai man if action, lincah, sigap, dan kalau dari info kawan kawan nan bara kali ikuik rapek kabinet, Yo mereka sabana labiah sanag bakarajo jo JK. Tapi tampaknyo perjuangan Rang Sumando kito yo agak barek. Pemilih awak banyak di Jawa, indak banyak nan katuju gaya “apa adanya” ala JK. Nyo katuju nan bantuak bantuak SBY ko se bantuaknyo, bantuak rajo jao. Hehehe Tapi mudah-mudahan Rang Sumando kito ko sukses sajo lah. Ambo tunggu sakali lai, a nan di kcekkannyo di Iklan tu, tadi ambo ndak Ngeh, dek lah tagalak sajo jo IKLAN RUMAH MAKAN RANG SUMANDO PARTAI GOLKAR ko..... Ba sanak sapalanta? Kiro kiro lai ka bisa RANG SUMANDO awak ko Jo PARTAI GOLKAR nyo bisa malawan SBY Jo DEMOKRATNYO? Kok ambo yo nan suko nan basijaleh sajo, kok diajak nyo ambo makan di RUMAH MAKAN RANG SUMANDO tu bialah ambo piliah wak e... Jo partai wak e tu... hehehe Salam Sutan Mangkudun --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: rantaunet-unsubscr...@googlegroups.com Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
