KISAH SI MONEN
Tak kenal maka tak sayang,begitulah bunyi sebuah pepatah lama, cukup sekitar setengah jam saja saya kaku, dingin dan membeku tanpa banyak bicara dengan Prof Dr H K Suheimi atau yang akrab saya panggil Pak Emi dan terkadang dengan panggilan Pak Haji ketika berada didalam mobilnya saat kami ke Ranah dari Pekanbaru. Setelah setengah jam berlalu dari RS PMC milik Pak Emi segala sesuatu begitu mencair, tidak ada lagi tegur sapa kami saling "basa basi" seperti misalnya apa kabar, bagaimana sehat, dimana kerja, berapa anak, siapa istri, dimana tinggal dan lain sebagainya pertanyaan yang normative. Saya memang telah mengenal beliau secara singkat ketika shalat Jumat di Mesjid RS PMC. tapi sebatas perkenalan sesaat saja untuk bertegur sapa belum muncul suasana akrab yang lebih "dalam" Sepanjang jalan kami penuh canda dan tawa lepas bercerita hal-hal yang ringan seputar kehidupan, cinta, musik , kuliner dan seni. Didalam diri Pak Emi sebagaimana tulisan-tulisan serta pengalaman hidupnya yang saya baca, nampak jelas beliau mempunyai jiwa seni yang dalam, orang yang tahu akan arti kehidupan, orang yang tahu bagaimana arti sebuah penderitaan sehingga dalam keadaan apapun beliau saya pikir akan selalu merasa kaya, banyak mutiara hikmah kehidupan saya dapat dan harus saya pelajari dari sosok beliau. Dalam diri Pak Emi bisa saya temui sosok seniman, ilmuawan, ulama, "orang lapau", orang kebanyakan, orang kaya, pengusaha dan sosok yang mempunyai selera humor yang mumpuni. Pak Emi bisa saya posisikan bagi diri saya entah itu sebagai sahabat seumur, sebagai kakak, orang tua atau teman bercanda serta teman dalam berbagi suka dan duka, dalam bahasa yang paling sederhana saya bisa memanggil beliau Uda, Bapak, Kakak, Prof, Pak Haji, Pak Emi dan Buya., begitulah ketika kami sudah saling mengenal dan tahu karakter masing-masing selama dalam perjalanan menuju ranah. Begitu kaya jalan hidupnya ketika masih muda yang menyentuh hati saya, jika melihat kesuksesan beliau saat ini dengan berbagai usaha yang dia tekuni serta mengabdi sebagai seorang dokter spesialis kandungan yang telah malang melintang. Sebagai contoh ketika dia menceritakan saat-saat sekolah dulu menjual Es Mambo di pasar ateh Bukit Tinggi, serta kisah-kisah lainnya diwaktu kecil bersekolah.Lalu ketika dimobil diputar ayat-ayat suci Al Qur'an (Tartil) dia menterjemahkan begitu fasih setiap alunan ayat-ayat suci tersebut serta menjelaskannya pada kami yang dimobil.Begitulah Prof Dr H K Suheimi yang saya kenal. Nah ini dia, bagi saya "sense of humour" pak Emi sungguh luar biasa, selalu membuat suasana perjalanan menjadi lebih hidup apalagi saya sangat responsive dalam menyikapi, menterjemahkan, membaca setiap humor yang dia ceritakan baik secara tersirat, tersurat, bahasa-bahasa bersayap dan hasilnya ketika suasana yang memang "hidup" tentunya lebih "hidup" lagi. Cara-cara Pak Emi bercerita dan berhumor apakah intonasi suara, mimik dan ekpresi wajah serta bahasa tubuhnya terasa sangat pas dan mengena dalam bertutur. Sayapun bisa merespon dengan kemampuan olah pikir yang mumpuni kemana arah cerita serta humor Pak Emi yang disampaikan dengan bahasa yang halus, tersirat dan bersayap tersebut. Senda gurau mengalir begitu saja sepertinya tidak berujung berpangkal, sambung menyambung tidak ada putusnya apapun yang kami bahas dan diskusikan. Dan tiba-tiba kami menemukan salah satu tokoh dalam bercerita dan kisah-kisah yang mengundang tawa sepanjang perjalanan yang kadang-kadang melelahkan secara fisik serta dalam keadaan perut yang lapar karena seharusnya sudah tiba saatnya makan malam tapi kami masih berada di jalan yang sepi, sempit dan berbatu di ranah minang. Tokoh yang kami caritakan tersebut adalah SI MONEN...dan inilah kisah si Monen dalam perjalanan kami dari Singkarak sekitar jam 10 pagi, Ombilin, Padang Panjang, Padang Luar, Matur, Maninjau, Lubuk Basung belok ke Kanan kearah nagari Sitanang dan Sitalang-Batu Kambing tanpa berbalik arah ke Maninjau, kami teruskan perjalanan dari Batu Kambing tersebut menyusuri jalan sempit ditengah keheningan malam selepas Magrib yang cukup melelahkan dan menahan lapar akhirnya tembus di Palembayan Simpang Petai berlabuh di Rumah Makan Simpang Raya Kota Bukit Tinggi sekitar pukul 10 malam. KISAH SI MONEN (1) MALANGNYA NASIB SI MONEN, TAPI LEBIH MALANG NASIB KAWANNYA Jepe, tasabuiklah kisah si Monen ko, sarupo nan ambo caritokan sabalunnyo caleg kiniko ko kan dua sajo pilihannyo bisuak kok indak duduak tapaso dirawat di rumah sakik jiwa, kok yo jampang duduak bisuak masuak pinjaro, yo dek itu tadi namuah bana hati caleg ko bahabih-habih kepeang untuak ka duduak manjadi anggota Dewan yang terhormat tu, sampai dijua bagai rumah, oto dek caleg ko untuak marabuik kurisi di dewan tu" Pak Emi mulai mambuka carito Jadi nan si Monenko Jepe, lah iyo lo mah maju pulo manjadi caleg, padahol inyo lai indak urang susah bagai, bakarajo di swasta posisi lai mantap lo, pokoknyo untuak iduik sederhana labiah dari cukuik, salamo manjadi caleg jo maso kampanye ko iyo acok inyo tinggakan karajo di swasta ko tu lah bahabih-habih inyo jo kepeang untuak sosialisai dirinyo ka masyarakat banyak dan dana-dana nan harus disetor ka partai tampek inyo maju manjadi anggota Dewan. Lah salasai urang pamilu si Monen indak tapiliah manjasdi caleg. Raso frustasi mulai mainggok didiri, dicaliak harato lah banyak habih, nan kawan di partai ndak ado mandakek lai, salamo bakampanye sajo nan kompak panuah raso persaudaraan lapeh pamilu ndak do lai bakato surang-surang sajo lai.Yo lah dipuncak bana raso frustasi diri dek si Monen, inyo pai kalapau duduak dipalanta sambia mamasan kopi angek sagaleh. Si Monen ko agak ka agak sajo maminum kopi, diangkeknyo galeh ka bibia, tu inyo latakan baliak ka tadah, angkek, latakan, angkek, latakan baitu baulang-ulang nan kopi ndak jadi juo diminum si Monen. Samantaro inyo ragu juo maminum kopi liwaik konco palangkin si Monen nan banamo si Amaik, Si Amaik lansuang masuak lapau duduak dakek si Monen, indak ba bi bu be bo ka si Monen maklum lah konco palangkin bana dek si Monen si Amaik ko, nan si Amaik lansuang sajo manyemba kopi nan talatak dimuko si Monen, di palosohnyo minum kopi sagaleh ko dek si Amaik sambia mambuka carito jo si Monen Amaik : Oi..Monen kawan waden, kok lusuah bana den caliak wajah waang nampak bana dek waden waang sadang basadiah bana, baibo hati apo nan mambuek waang sarupo iko Monen, caritokan lah ka Waden, sabagai kawan nan dari ketek tantu kok apo nan bisa den bantu..kok ado nan sakiro mambuek waang sadiah baibo hati tantu sakuek kamampuan waden tolong. Monen : Bantuak iko mah Amaik tadi siang waden dipanggia dek Bos kantua waden, dek waden acok ndak masuak kantua katiko kampanye ka jadi caleg tu nan surek peringatan satu, duo dan tigo lah sampai ka tangan waden, tapi yo waden ndak paduli lai jo karajo sahari-hari di perusahaan nan puluhan tahun waden bakarajo tu, taragak lo waden manjadi anggota Dewan nan terhormat tu, singkek kato waden kanai PHK dek Bos tampek waden bakarajo tu. Amaik : lah den kecek ka waang, manga bahabih-habih bana ka manjadi caleg kini baa lai lah saikua japang saikua capeh ma, waang indak jadi caleg, ditampek karajo lah kanai PHK lo...yo..lah malang bana nasib waang Monen..ibo hati den mancaliak waang mah. Monen : Jo langkah gontai waden kalua kantua, tibo tampek parkir di halaman kantua waden caliak oto Den ndak ado lai, ondee..lah dimaliang urang lo Oto Den Maik, untuak malapor ka kantua polisi den ambek naik taxi nan sadang manurunkan panumpang dimuko kantua, tibo dikantua polisi waden malapor, oii yai..yai katiko polisi mananyo KTP dan STNK oto, den karuak dompet dalam saku tampek KTP dan STNK tu....lah tacicia lo dompet tu di taxi nan mambaok waden Amaik : Nde yo lah malang bana nasib waang Monen, tu baa lai jadinyo Monen : Lah suntuak sajo utak den jadinyo pitih lah abih, rumah tajua, oto ilang dek gara-gara ka manjadi Dewan ko, pulang lai waden naik angkot karumah kontrakan waden, tibo di rumah den danga kaba dari tatanggo sabalah rumah Den, nan bini waden pai lari lo jo pacar galoknyo, dicaliak isi rumah barang-barang tasiso nan baharago sarupo tipi, sofa, kulkas alaik-alaik perabot lainnyo lah kosong dijua dek bini Den. Sabana panik utak Den Maik, makonyo den lah pendek bana jalan pikiran waden..frustasi waden, dari pado gilo waden ...den pikia labiah rancak bunuah diri sajo lai Amaik : Waden dapek bana marasokan malangnyo nasib waang Monen, jaan lah sampai jo itu bana ka bunuah diri bagai.... Monen : tapi nan waden pikiakan kini samalang-malang nasib waden, nampaknyo labiah malang lo nasib waang Amaik, Amaik : Baa co itu..kok malang lo nasib waden Monen : Waang minum lo kopi waden tu...waang duluan lo Waden, nan kopi lah waden agiah racun untuak bunuah diri, nan waden yo anggau juo maminumnyo...sarupo lirik lagu dang dut waden deknyo..mau bunuh diri tapi takut mati Amaik : Bato Pren..kecek lah dari tadi..kok kopi ko baracun Monen : Baa lai Maik..waang main dodek sajo kopi tu katiko tibo, waang dulukan lo, tu waang suruah lo waden bacarito, ndak ado lai wakatu mah kini mambaok waang ka rumah sakik.. Samalang-malang nasib si Molen labiah malang lo nasib si Amaik dek maminum kopi baracun si Molen, itu kisah si Monen gagal manjadi anggota Dewan, lah abih harato, frustasi ka bunuah diri tapi takuik mati. *** Lalu kisah selanjut si Monen, seperti ini KISAH SI MONEN (2) BAPAK RANO KARNO YA Jepe tahu ndak, ondee si Monen wakatu mudo dulu yo bamacam lo kelakuannyo, bantuak iko kisahnyo "Pak Emi mambuka carito Si Monen ko naik bis kota di Padang, diateh Bis Kota inyo saduduak jo apak-apak paro baya, istilahnyo mudo talampau gaek alun lai mah apak-apak ko. Inyo culiaknyo paho apak ko dek si Monen Monen : Pak..Pak..apak Rano Karno yo Pak : Ah..indak..indak..sasek waang mah Yuang Lah duduak lo liak elok-elok urang baduo ko dikurisi Bis kota, nan si Monen inyo tapuak lo liak pundak apak ko Monen : Pak..Pak..Apak Rano Karno ya..Rano Karno Ya Apak : Waang mada yo..indak..indak..waden ndak Rano Karno Do.. Nan si Monen duduak tanang liak disampiang Apak ko, tapi tiok sabanta sajo nan apak ko dicubiknyo, digutiaknyo, di tapuak pundak apak ko, nan tanyonyo itu ka itu sajo ka Apak ko "Pak...Pak..Apak rano Karno yo"..nan Apak paro baya ko salalu manjawek sasek waang mah yuang..waden indak Rano Karno do..salah liek waang mah..Dek bosannyo apak ko ulah si Monen nan batanyo taruih, Apak ko turun dari Oto lai sambia manggarutu Apak : Kalera paja ko mah..turun lah waden lai, bia lah waden naik angkot sajo lai ka Pasa, muak den mancaliak paja nan disampiang waden duduak ko. Tanyonyo ka waden Rano karno taruih...dalang ndak paja ko..(Apak ko mambantin sambia turun maninggakan si Molen disampiangnyo) Lah turun apak ko, dari Bis Kota, inyo naik angkot lai, duduak dikurisi, walah disampiangnyo lah duduak lo si Monen. (Ha..ha..yang beginian nggak usah dibahas ya..la si Bapak yang turun dari Bis Kota sementara si Monen diatas Bis kota kok tiba-tiba sudah berada di angkot yang sama dengan si Bapak "Rano karno"..Nah inilah humor..semakin nggak masuk akal..atau absurditasnya semakin tinggi ya semakin asyik aja, saya dan pak Emi saling memahami saja Bro, kenapa ada si Monen dalam Angkot tersebut, anda penggemar Film Kartun semisal Tom and Jerry, The Pink Panther Show atau sejenisnya..semakin nggak masuk akal yang semakin seru bo'...luar biasa absurditasnya..tapi resultannya bukan sebuah protes tohhh...tapi gelak terbahak-bahak..begitu) Apak ko tapaso lo duduak dakek si Monen baliak didalam angkot tu, baru sajo ka tacacah ikua apak ko dikurisi angkot, si Monen mulai liak, inyo siku salayang apak nan duduak disabalah si Monen (Anda bisa membayangkan bahasa tubuh Pak Emi pada Saya ketika didalam mobil bercerita sambil melayangkan sikunyanya kepada saya lalu menatap saya penuh serius..ha..ha..ha) Monen : Pak..Pak.. Apak Rano Karno ya Apak : Oiii..Yuang..waang dalang yo..indak..sakali lai waden indak Rano Karno Si Monen yo paneh hatinyo dikecekan Dalang, inyo siku apak ko lai agak kuek Monen : Pak..Pak..Apak Rano Karno yo..!!!!!! Apak ko..yo lah ilang kesabarannyo, tapi baa lah..dari pado baulang-ulang sajo tanyo anak ko ka waden..waden iyo kan sajo lah..waden Rano Karno salasai pakaro, bia tanang lai duduak waden di angkot, bia indak digaduah paja dalang ko juo (Apak ko mambathin), Apak ko diam sabanta indak manjawek tanyo si Monen nan itu ka itu sajo ka inyo, tibo lo liak masuk siku si Monen ka Apak ko sadang duduak sambia batanyo si Monen ka Apak ko liak Monen : Pak..Pak..Apak Rano Karno yo ...!!!! Apak : IYO YUANG WADEN RANO KARNO BANA..baa tu !!!!! Monen : KOK NGGAK MIRIP Hua..ha..ha..ha Bersambung ..nikmati itu dulu sanak..Have a nice week end Salam-Jepe/Pku, 27 Maret 2009 Catatan : Cerita diatas tentu saya modifikasi sedikit jalannya tanpa merubah tema cerita dari Pak Emi --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
