Wassalamualaikum w.w. Sanak Inyiak Lako jo para sanak sa palanta, Tarimo kasih ambo ucapkan taradok pangaratian sarato sambutan Sanak ka gagasan ambo. Memang baitulah nan rancak manuruik ambo. Jiko kito inok-inokkan bana, soal ABK SBK ko soal mendasar dan punyo impikasi laweh. Bukan soal sakadar kapandaian basilek kato dalam internet. Paralu kito palajari baa latar balakangnyo, sia dan dima dirumuskan, baa palaksanaannyo salamo ko, dan kadipangaan sasudah ko untuak mahadoki maso datang. Dalam hal ko, rasonyo ado duo hal nan paralu kito sadari. 1) Tanyato rumusan ABS SBK tu indak dirumuskan di Bukik Marapalam -- sarupo nan kito sabuik-sabuik salamo ko -- tapi marupokan fatwa Tuanku Imam Bonjol tahun 1832 sasudah mengirim ampek utusan ka Makkah mampalajari pakambangan agamo, sasudah Minangkabau badarah-darah sajak 1821 - 1838. Sebagai referansi soal ko silakan Sanak baco buku Christine Dobbin, 2008, Gejolak Ekonomi, Kebangkitan Islam, dan Gerakan Padri, Komunitas Bambu, Jakarta. Banyak di Gramedia. Juo rancak dibaco buku Drs Sjafnir Aboe Nain, Ketua Lembaga Kajian Paderi, di Padang. Sekedar catatan: sampai kini alun panah ditamukan dima nan dinamokan 'Piagam Bukik Marapalam' tu. 2) Tantang masalah nan sa mendasar dan nan sagadang ko tantu indak cukuik dibahas dalam RantauNet ko, di antaro kito nan umumnyo amatiran sajo. Dalam hubungan ko Gebu Minang alah mengusulkan ka Bp Gubernur Sumbar untuak mambuek Tim Perumus. Baliau alah membuek Tim Perumus tu, alah bakarajo dan manyerahkan hasilnyo ka Gubernur. Tim Perumus ko alah mensosialisasikan rumusan ka seluruh daerah di Sumbar, dan kudian ko di Jakarta. Sekedar catatan, ambo duduak dalam Tim Perumus ko, tapi karano ambo bukan ahli adat dan bukan ahli agama, ambo agak menghindarkan diri dalam pembahasan substansi.Peran ambo sakadar membantu metodologi sajo. Wassalam, Saafroedin Bahar (L, masuk 72 th, Jakarta; Tanjuang, Soetan Madjolelo; Lagan, Kampuang Dalam, Pariaman.) "Basuku ka Ibu; banasab ka Bapak; basako ka Mamak" Alternate e-mail address: [email protected];
________________________________ From: "[email protected]" <[email protected]> To: [email protected] Sent: Friday, March 27, 2009 3:47:36 PM Subject: [...@ntau-net] PERUBAHAN ADAT MINANGKABAU Assalamualaiku ww. Maikuti pertukaran pikiran dunsanak-dunsanak sapalanta , tarutamo dari Ibu Hifni , dunsanak Avenzora , terhadap saran atau usul dari dunsanak ambo DR Syafrudin Bahar St.Majolelo tantang kamungkinan perubahan Adat Minagkabau , ambo ingin manambahkan bahan-bahan partimbangan untuak kito kunyah-kunyah basamo sabagai barikuik . 1. Niniak muyang kito alah maninggakan suwarih bahaso adat itu buliah diubah sasuai jo kebutuhan zaman, asa indak kalua dari kaidah syariat Islam , dalam bahaso adat nau : Sakali aie gadang , sakali tapian baraliah. Sakali tahun baganti - sakali musim batuka . Tapi ado batehnau : Kok nak bakisa tagak - bakisalah ditanah nan sabingkah , kok nak bakisa duduak - bakisalah dilapiak nan sahalai .yaitu ABS-SBK . Alqur'an dan Hadis N.B. Muhamad saw. 2. Apo nan paralu kito ubah ? banyak nan kadiubah , misanau ; baa caro mambuek Pusako Tinggi dizaman moderen sarupo kiniko ? Tanah ulayat indak adolai , Gunuang Marapi jo Singgalang, indak mungkin dikubak lai , indak ado tampat manaruko lai doh. Untuak itu kawajiban bagi intelektual Minangkabau generasi kini untuak memikiakan . Daulu Bundo Kanduang indak masuak dalam Urang Nan Ampek Jinih , kiniko rasonau lah paralu dipikiakan dima duduaknau Ibu-Ibu dalam konstelasi Adat tu. 3. Ambo yakin bahaso Tuhan Allah swt , indak akan malaknat uamatnau , nan mampu mabaco ayat-ayat nau nan ado di alam takambang ko , asa niat dan tujuan nau untuak mancapai kasampurnaan iduik didunia dan kasampurnaan iduik di akhirat nanti. 4. Apokoh alah cukiuk pamahaman kito tantang latar balakang dibueknau Adat tu oleh niniak muyang kito, insyallah kalau basamo-samo kito mamikiakan akan dicapai tujuan itu , sabagai pambukak jalan ambo sarankan dunsanak sapalanta untuak mabaco buku pangatahuan Adat nan disusun oleh H.J. Dt. Malako Nan Putiah bajudul : MAMBANGKIK BATANG TARANDAM dalam upaya mewariskan dan melestarikan ADAT MINANGKABAU menghadapi modernisasi kehidupan bangsa , ado di toko buku Gunuang Agung dan Gramedia , barang kali bisa untuak mamanciang ide-ide baru . Kasimpulan nau ambo , manyokong saran Pak Syafrudin Bahar St. Majolelo, sabab kiniko lah kasampatan diawak untuak menyumbangkan buah pikiran , dan disampiang itu lah banyak pulo usao dari Pemda Sumbar dan para pakar dan intelektual Minang diparantauan manuju kaarah itu . Wassalam dari : Inyiak Lako , 73 thn. Suku Malayu , nagari asa Baso , Agam. Depok. Duduak surang basampik-sampaik Duduak basamo balapang-lapang Kok singkek uleh-mauleh Kok kurang tukuak-manukuak . ________________________________ Coba emoticon dan skin keren baru, dan area teman yang luas. Coba Y! Messenger 9 Indonesia sekarang. [email protected] --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
