MakNgah yth, kalau indak salah MakNgah datang dari arah utara, mamuta saketek ka barat lalu masuak ka Suliak Aia. Kok itu memang indak basuo jo pemandangan Danau Singkarak, tapi mungkin pemandangan Gunung Papan (merah-putih). Ambo pun baru tahu istilah Tanjung Kanada. Tahun lalu ambo bajalan ka tampek itu, dari Suliak Aia turun saketek ka Tanjung Alai, sabalun Sitinjau Lauik belok ka suok, ruponyo tembus ka perbatasan Suliak Aia-Kacang, dan taruih ka bawah ka Kacang. Memang pemandangan dari situ ka Singkarak nomor 1, rancak ka dibuek vila-vila. Kini ko alah dimulai pembuatan jalan alternatif lintas Sumatera dari Kacang nan mungkin ujuangnyo ka Talawi atau Sawah Lunto. Lintasan itu badakekan bana jo Pesantren Gontor 14 itu. Kalau dari Alai ka kida, basuo jalan ka Aripan, nan tembus ka Sumani. Di situpun pemandangan ka Singkarak top bana, mungkin kini alah banyak tahalang jo penghijauan nan dibuek maso Suharto dulu. Ado jalan saketek dari simpang Alai itu ka SMA percontohan binaan BPPT maso Habibie dulu, antahlah kini kaadaannyo. Tahun iko KAN-SA akan mamulai pembuatan batas nagari, alah ditunjuak sebuah Tim. Mungkin MoU partamo akan dimulai antaro Kacang jo Suliak Aia. Baitu MakNgah saketek tambahan dari ambo. Wassalam, -datuk endang
--- On Sun, 3/29/09, Hambo <[email protected]> wrote: Maa Angku Jepe, Kalau baitu, tabayangpulo lah daerah sakitar tu nan panah ambo tampuah bajalan kaki September 1958. Dari Tapiselo (Lintau) ambo bajalan mamutuih sawah-sawah manuju bukit-bukik di sebelah barat, marancah rimbo bukik tu mengarah selatan. Kalau indak salah namo bukik-bukik tu gunuang Abu jo Gunuang Kasumbo. Ambo kalua di Atar malinteh jalan Kumanih-Batusangka. Ambo mudiak jalan tu ka Padang Gantiang diantakan Urang Rundo. Dari Urang Rundo tu lah ambo dapek pantun lamo tu. Di Padang Gantiang tu kami (baduo jo kawan ambo seperjuangan dari Fakultas Pertanian namonyo Ridwan Asky, dari Medan). dianta ka Tampek Ijok Wali Nagari Padang Gantiang di tapi bukik. di sinan basuo kami jo kawan dari Unand (namo langkoknyo lupo ambo kini. Inyo dari Padanggantiang, pernah sikola kia Almamater ambo di Univeristy of Illinois,sakitar 1980an dan sasudah PhD pulang inyo maaja di IKIP atau Unan. Kok lai tahu, rasonyo namonyo pakai Manan). Ambo indak panah basuo jo inyo sajak itu. Saurarnglai kawan ambo basuo di sinan dari SGA-Negeri Payokumbuah, Lukman; indak pulo basuo lai sasudah itu, karano inyo kanai tembak disekitar rimbo-rimbo di Padang Gantiang tu sapaningga ambo. Dari Padang Gantiang manujuu Sulik Aia kami dianta Urang Rundo malalui kampuang manyubarang Batang Umbilin. Kalau indak salah namo kamouang tu Lurah Dalam atau Kotoalam pulo,lupo ambo. Sadang manyubarang tu di tangah Barang Umbilin, ambo kenal jo saurang Etek, nan kemucian ambo ahu namonyo Etek Sukar (dari Sumpur Kudus) nan ambo sempat batamu baliak di Smpu 2004. Dari baliau lah di tangah panyubarangan tu ambo dapek pantun partamu kali: Elok-elok manyubarang jan sampai pandayuang`patah Elok-elok di Rantau Urang jan sampai babuek salah Nan ndakambo lupo sampai kini jauah di Rantau. Sasudah manybarang Batang Umnbilin wakatu itu kami bapisah jo Etek Sukar, ambo jo Ridwan dianta Urang Rundo pulo ka Sulik Aia,mandaki Bukik Patu Palano, taruih ka Pasilihan, Sungai Labu, Rawang. Tibo di Sulik Aia ditarimo pulo dek Wali Nagari sulik aia. Malamnyo, dengan manjalankan tuegeh nan diageih Pak M. Natsir, kami maagiah ceramah pulo di Musajik Sulik Aia nan rami dihariri urang wakatu itu. Sasudah bamalam di Sulik Aia,kami taruih ka Tanjuang Balik, Muloilah pajalanan panjang bebega Kampuang-kampouang di lua Solok arah jarum jam nan marupokan sejarah peribadi nan indak talupokan, lah labih sataqngah abad sampai kini ... Pantun lamo nan dapek di ambo di dalam Pajalanan antaro Atar jo Padang Gantiang wakatu itu (Sept. 1958) adolah: Saruaso Tanjuang Barulak Katigo jo Padang Gantiang ...... ....... Tapi nan takana adolah sampirannyo sajo, sadangkan sambuanganyo barih ka-3 jo ka-4 ambo lupo. Kok bilo Aaangku Jepe pulang ka kamuang tolong tanyokan ka Rang Kampuang nan mungkin masih ingek. Tahun 2003 ambo ka bahonda dri Biaro-Baso ka Batusangka, taruih maherak-herak ka Tanjuang Barulak, Cari Lapau lokal sinan. Iyo lai dopek joriang sinan. Ambo mintak kok lai joriang mudo.dicarinyo ka dapua lai dopek. Sambia maota-ota jo Rang Lapau ambo tanyokanlah kapanjangan pantun nan ambo lupo tu. Tapi inyo indak tahu. nan takana dek inyo iyolah pantun nan cako nan "relarif baru" untuak ambo. Tapi paralu diedit,salak ketik saketek.Taketik "bak kato" (= seperti kata) tapi mungkin disabuiknyo "bakato" (= mangecek, berkata). Itu nan takana di ambo pantun asli di siko, kecek Rang Laopau tu. Tapi, keceknyo, dek apak batanyo di Lapau ko, bialah ambo ubah saketek untuak palamak ota jo apak. Diagiahnyo versi lapaunyo: Padanggantiang Tanjuang Barulak, Katigo jo Sruaso. Bakato aia dalam luak, Kok indak ka mambali maago sajo. Sakitulah dahuolu,sekadar kenangan mangana daerah-daerah nan panah mabo rancah antaro Lintau jo Sulik Aia. Salamn, --MakNgah Sjamsir Sjarif www.usindo.net/hambo On Mar 28, 7:33 am, jupardi andi <[email protected]> wrote: > Pantun Mak Ngah ko kampuang ambo bana mah > > Padanggantiang Tanjuang Barulak, (kampuang ambo Kec Tanjuang Ameh) > Katigo jo Saruaso.(Kampuang Induak Bako ambo) > > Di Tanjuang barulak Pakan Sabtu > Di Saruaso Pakan Akaid..tampek ambo mambali Minyak Tanak > dalam boto baok ka padang untuak paharum samba lado Joriang baka batokok..he..he..he > > Suami adiak ambo urang saruaso..bana > > Tarimo kasih Mak Ngah..lai tabaok-baok kampuang ambo di pantun2 lamo koleksi Mak Ngah > > Mbo simpan mah :) > > Wass-Jepe > > ________________________________ > Dari: Hambo <[email protected]> > Kepada: RantauNet <[email protected]> > Terkirim: Sabtu, 28 Maret, 2009 19:00:22 > Topik: [...@ntau-net] Re: Tanjung Kanada > > Padanggantiang Tanjuang Barulak, > Katigo jo Sruaso. > Bak kato aia dalam luak, > Kok indak ka mandi mambasuah muko. --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
