Waalaikumsalam w.w. Sanak Boediman Moeslim, sarato sanak sapalanta, Ambo yakin masih banyak kasus-kasus 'punah' nan sarupo dialami Ayah ambo. jo sagalo macam variasinyo, karano punah tu kan salah satu konsekuensi dari sistem kekerabatan unilateral. Jadi salain dalam sistem kekerabatan matrilineal sarupo di Minangkabau, akan tadapek juo samacam konsep 'punah' dalam sistem kekerabatan patrilineal sarupo di Batak, khususnyo kalau indak ado surang juo ado katurunan laki-laki dalam unit nan sarupo buah paruik atau payuang di Minang. Manuruik panglihatan ambo samo sakali alun ado penelitian nan mandalam tentang soal punah ko, tautamo tantang konsekuensi sosial psikologis dan kondisi sosial ekonominyo. Kalau kasus punah ko cukuik banyak, bisa-bisa dijadikan bahan untuk disertasi dalam ilmu hukum adat, khususnya ditinjau dari perspektif pertemuan antaro hukum adat jo hukum Islam. Sapanjang manganai punahnyo Ayah ambo -- ambo samo sakali maraso punah -- ambo harokkan pamakaian 'Ranji ABS SBK, nan mancatat garis katurunan matrilineal sakaligus jo garis keturunan patrilineal manuruik Islam, alah manyalasaikan masalahnyo sacaro mendasar. Masalahnyo kini, limbago ma nan bewenang menganjurkan panggunoan 'Ranji ABS SBK' ko ? LKAAM? MUI? Jo PerdaProv, Perdakot, Perna? Wallahualambissawab.
[Maaf indak ambo kuduang, supayo napak sambuanganny.] Wassalam, Saafroedin Bahar (L, masuk 72 th, Jakarta; Tanjuang, Soetan Madjolelo; Lagan, Kampuang Dalam, Pariaman.) "Basuku ka Ibu; banasab ka Bapak; basako ka Mamak" Alternate e-mail address: [email protected]; [email protected] --- On Thu, 4/2/09, Boediman Moeslim <[email protected]> wrote: From: Boediman Moeslim <[email protected]> Subject: [...@ntau-net] aturan waris bahubungan jo 'punah' jo hal lain nan batantangan jo SYARA' To: [email protected] Cc: "Dr.Saafroedin BAHAR" <[email protected]> Date: Thursday, April 2, 2009, 10:32 AM Assalamu'alaikum Pak Sjaaf jo dunsanak-dunsanak di palanta, Ambo cukuik prihatin akan kondisi "punah" nan dialami dek Pak Sjaf jo dunsanak-dunsanak lain. Hal iko sangaik balain bilo awak bandiangkan jo suku-suku nan lain. Wakatu ketek kami adiak-baradiak indak banyak nan tau tantang saluak baluak adat nan di awak, maklum kami lahia jo digadangkan di rantau. Tapi, satalah ambo basikola di kampuang inggo angkek kaki dari aia tawa padang, mako apo nan indak tabayang wakatu dulu baru jaleh itam putiah adaik di awak. Indak hanyo tantang "punah" ko sajo, tapi banyak hal lain nan kadang-kadang nan indak sajalan jo SYARA' (mudah-mudahan indak manjadi alasan untuak marubah adaik MINANGKABAU doh). Manyingguang masalah punah, dikami pun tajadi juo, tapi nan iko indak di pihak kami adiak kakak doh, iko tajadi di pihak mamak ambo (nenek ambo kakak dari amaknyo). Mereka baadiak kakak laki-laki sajo. Apo iko tamasuak klaster punah juo? Raso ambo tamasuak klaster punah, sabab indak bisa malanjuikkan katurunan di jalur adaik. Baitu pulo di pihak kakak dari nenek ambo (sa-ibu), inyo hanyo mampunyai anak satu-satunyo nan kami panggia jo ODANG (dunsanak ibu dari urang gaek (pr) ambo). Odang ko indak mamiliki anak. Jadi indak ado nan malanjuikkan katurunan. Untuak hal-hal nan sarupoko tantu paralu diatur kama harato nan basangkutan diturunkan. Karano jaleh-jaleh lah mainjak "jalur punah" pulo. Manyingguang hal-hal lain nan kalua jo SYARA' diantaronyo adolah istilah "dijapuik" pihak laki-laki. Curitonyo sarupoko: Urang tuo laki-laki ambo mambuek rumah di kampuang/tanah ulayat istrinyo (ibu kami, dalam arti kato di tanah suku kami dari keturunan ibu). Sasudah ibu maningga, kami pulang ka kampuang. Tanyato pihak ayah lah manyiapkan acara adat untuak manjapuik ayah dari rumah nan dibangunnyo. Dek indak jaleh duduak pangka akan ado acara sarupoko, adiek ambo sangaik takajuik. Inyopun maminta supayo acarako indak dilanjuikkan. Sabab, iko akan mambuek putuih hubungan antaro pihak ayah jo pihak ibu. Apo lai, rumah nan kami tampekti di kampuang adolah rumah hasie jariah payah ayah. Kini, tibo-tibo ayah harus malapeh rumahnyo ka garih katurunan ibu. Tapi, acara tatap bajalan, sabab lah manjadi suatu rukun adat bilo ado kasus sarupoko. Mungkin iko hanyo formalitas, tapi ....akan manjadi masalah .....bila si laki-laki mampunyai perasaan sensitif yang tinggi. Untuanglah kami adiak baradiak jo urang tuo hinggo urang tuo maningga indak tingga di kampuang. Tapikia dek diri ambo, baa pulo bilo ayah tingga di kampuang? Apo ayah akan lalok baliek ka rumah ibunyo? Samantaro rumah nan dibangunnyo dipakai dek rang sumando. Mungkin hal iko bisa manjadi referensi baru bagi nan bakapantingan. Hanyo itu sabagai tambahan, untuak mamasuki arena "punah" jo ABS-SBK. Wassalam, Tan Lembang (L, 52+) Lembang, Bandung Banamo asli: Boediman Moeslim, urang tuo laki-laki banamo Moeslim, basuku Piliang. --- On Sat, 3/28/09, Dr.Saafroedin BAHAR <[email protected]> wrote: From: Dr.Saafroedin BAHAR <[email protected]> Subject: [...@ntau-net] Re: Sedikit klarifikasi mengenai masalah 'punah' To: [email protected] Date: Saturday, March 28, 2009, 3:33 AM Haa, ado nan saparasaian ruponyo. Tarimo kasih ateh penjelasan Sanak Taufiq Rayid. Kini -- sabagai peneliti -- tambah tagalitik ambo nak menyelidiki masalah 'punah' sarato akibatnyo dalam masyarakat kito. Kok nyampang ado paluang, iyo ka ambo gili taruih masalah ko, nak jaleh bana baa duduaknyo pakaro. Sia sanak nan baminat untuak sato manaliti ko? Baiak tuo atau mudo. Dalam taraf paratamo, silakan posting pangalaman sanak di RN ko. Pasti asyik. Wassalam, Saafroedin Bahar (L, masuk 72 th, Jakarta; Tanjuang, Soetan Madjolelo; Lagan, Kampuang Dalam, Pariaman.) "Basuku ka Ibu; banasab ka Bapak; basako ka Mamak" Alternate e-mail address: [email protected]; [email protected] From: "Rasyid, Taufiq (taufiqr)" <[email protected]> To: [email protected] Sent: Saturday, March 28, 2009 10:21:42 AM Subject: [...@ntau-net] Re: Sedikit klarifikasi mengenai masalah 'punah' Kondisi ambopun samo jo pak Saaf iko. Anak mak tuo jo mak tuo ambo/kakak Bapak lah maningga tahun 90an. Disusul Bapak ambo, terakhir pak Etek maningga 3 bulan yang lewat. Sabalun pak Etek maningga rumah gadang lah dibukaknyo. Bebarapa ladang pusako mereka tagadai antara lain untuak biaya sekola anak pak Etek itu. Ambo indak tau apo masih ado sawah/ladang yang tingga waktu baliau maningga kapatang itu. Tapi nan jaleh maso Bapak ambo masih iduik , pekarangan sekitar rumah Nenek itu lah dibangun beberapa rumah den dunsanak baliau nan saparuik (dari rumah sabalah). Kini etek-etek dari rumah sabalah itu lah banyak pulo nan maningga. Tando bahaso disekitar itu merupakan rumah ranggaek bapak ambo dulu Cuma ado kuburan nenek dihalaman rumah. Yang lain kuburannyo ditampek lain. Tapi ambo maraso kondisi iko sah-sah sajo….karano dijaman Bapak-Pak Etek masih iduik dulu mereka menganggapnya juga begitu. Samo jo rato-rato pemahaman urang kampuang kami Untuak kondisi kini salain ado menantu yang ikuik campua masalah keluarga istrinyo, si mamak sendiri acok juo jadi pangkabala. Misalnyo mensertifikatkan tanah pusako ateh namonyo. Sahinggo kok inyo maningga anaknyo nan manyimpan surek itu langsuang bertindak sebagai pewaris Bahkan lumayan banyak nan manjua tanah itu untuak keprluan anak/istrinyo. Wass St. R. Ameh Yahoo! sekarang memiliki alamat Email baru Dapatkan nama yang selalu Anda inginkan di domain baru @ymail dan @rocketmail. br> Cepat sebelum diambil orang lain --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
