Sato mak Sati snek maota ttg uang japutan di ranah Padang Pariaman. Partamo urang rumah ambo dari daerah iko. Nan kaduo, sangkek jadi bujang salamaik saisuak, hampia 20 tahun ambo manjojoan ilmu supayo sadoalahe sikola mulai mambuka perpustakaan sikolanyo, dan dalam kegiatan nan biasonyo 3 hari, ambo bamalam di lokasi, acok di rumah sikola dima kegiatan tu diadokan. Tantu se ambo dikawani dek guru, kapalo sikola dan penilik SD, kadang2 juo SMP dan SMA. Nah, saaik2 saroman ko sambuah ota nan kalua, dan di daerah Padang Pariaman tantu sajo antaro lain masalah uang japutan ko. Ko saripati ota tu ha.
Ado 3 macam uang ko nan dimintak pihak calon marapulai dari calon anak daro,
japutan, uang hilang dan uang dapua.
Japutan ko biasonya dalam bantuak ameh, diantakan ka rumah rang gaek calon
marapulai sabalun alek. Namun, jan salah sangko, saaik marapulai pulang ka
rumah anak daro, marapulai WAJIB mambao perhiasan ameh untuak anak daro
dalam jumlah nan LABIAH BANYAK dari ameh japutan. Jadi pihak anak daro indak
rugi bagai doh, malah balabo.
Nan parah tu adolah uang hilang, bisa dalam bantuak pitih atau barang,
sampai mobil baru bagai. Makin tinggi status sosial marapulai makin tinggi
tuntutannyo. Kalau saisuak, nan bagala SIDI adolah pemilik status sosial nan
paliang tinggi dan uang hilangnyo makin gadang, apo lai kok Sidi ko kayo,
pagawai bapangkaik, urang tapandang, dsb. Biasonyo disampiang itu, anak daro
dimintak pulo mambalikan stelan baju jas sapatagak.
Di bawahnyo nan bagala BAGINDO dan dibawah itu SUTAN. Nan indak bagala salah
satu nan 3 ko, biasonyo asa ado sajo, malah acok perai. Uang hilang ko
asanyo saisuak dianggap sebagai bantuan pihak anak daro untuak pasangan baru
ko mamulai hidup baru dalam rumah tangga mereka. Sasuai jo namonyo,
marapulai indak mambao pangganti ka rumah anak daro, jadi pitih atau barang
ko sabana hilang.
Uang dapua adolah juo uang hilang, tapi untuak mambantu alek marapulai.
Banyaknyo tagantuang kasepakatan.
Sajak pacaran lah bisa ditarimo dek masarakaik Piaman, acok sagalo pitih ko
semacam formalitas sajo. Sagalo pitih ko dikumpuakan dek pasangan ko baduo,
atau kalau si bujang lai basaku taba dan sangaik "ngebet" mancintai si
gadih, sadonyo barasa dari si bujang. Jauah sabalun acara prosesi sagalo
persiapan ko lah ado ditangan si gadih dan pado saaiknyo, japutan dan uang
hilang ko, dibao ka rumah calon marapulai.
Mungkin ado variasi dari kampuang ka kampuang, sabab adaik kan salingka
nagari.
mak Sati (L. 72+1+4)
Tabiang
----- Original Message -----
From: "andikoGmail" <[email protected]>
To: <[email protected]>
Sent: Sunday, April 05, 2009 10:16 PM
Subject: [...@ntau-net] Re: Tradisi uang jemputan bukanlah adat
minangkabau....
>
> Ibu Evi dan dunsanak panlanta
>
> Mungkin ambo tidak akan menanggapi asal muasal uang jemputan ko. Tapi
> ambo tertarik menyampaikan sebauh kasus yang menurut ambo menarik
>
> 1. Ambo punyo kawan seorang ibu. Baliau ko urang Jawa yang kawin jo
> laki-laki asal Pariaman. Wakatu baliau manikah, keluarga ibu iko
> dimintain uang jemputan dek keluarga lakinyo. Karena adat berbeda,
> mako keluarga kawan ambo ko menolak dan berlangsunglah perkawinan
--~--~---------~--~----~------------~-------~--~----~
===============================================================
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi di setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
- DILARANG: 1. Email attachment, tawarkan disini & kirim melalui jalur pribadi;
2. Posting email besar dari 200KB; 3. One Liner
===============================================================
Berhenti, kirim email kosong ke: [email protected]
Daftarkan email anda yg terdaftar disini pada Google Account di:
https://www.google.com/accounts/NewAccount?hl=id
Untuk melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
<<inline: clip_image002.jpg>>
