'Alaikumussalam wa rahmatullaahi wa barrakatuh Mak Sutan Lembang Alam jo dunsanak di palanta
Mungkin alah karunia awak. Talabiah nan dibawah panji-panji adaik Minangkabau nan baadaik basandi syara'. Kok iyo awak ka tatap manjunjuang adaik awak, manga mancontoh ka kaum kafir (maaf indak bamakasuik maburuakkan pihak lain, atau kawan-kawan nan lah mamakai nan indak dicontohkan rasul). Dipihak lain ado busana nan banamo salayar, kalau dipakai agak tabukak, mungkin idak-baa-baa. Tapi itu bukan untuak awak, nan mangaku banaung ka kitabullah. Indak untuak awak nan mamakai dan juo indak untuak dicaliek. Walau sakileh tangango lembah disuduik busana. Adaik salingka agak-agak, sapotong-sapotong. Samo halnyo, carito tantang kawan nan ka barangkek ka tanah suci. Pitih nan dikumpuakannyo bana-bana barasiah, indak tajamah sumber dari nan haram. Tapi sabaliak itu, tamasuak makan, transport, espepe anaknyo, sarato untuak pambali paisok atau de el el banyak tabungkuih dari sumber nan haram. Inyopun mangatokan bahaso untuak ibadah awak harus mamakai pitih nan barasiah. Wah, baa pulo asa pitih nan dipakai untuak nan lain-lain tu? Apokah itu indak ibadah? Agamopun salingka agak-agak. Semoga menjadi perhatian awak basamo, untuak maingekkan ka anak kamanakan awak nan tamasuak tangguang jawab awak sabagai urangtuo di lingka adaik. Wassalam, Tan Lembang (L,52+) Lembang-Bandung Suku: Piliang, Nagari asal: Tanjuang Bonai-Lintau-Tanah Data. --- On Wed, 4/8/09, Muhammad Dafiq Saib <[email protected]> wrote: From: Muhammad Dafiq Saib <[email protected]> Subject: [...@ntau-net] ADAIK SALINGKA AGAK-AGAK To: [email protected] Date: Wednesday, April 8, 2009, 2:07 AM Assalaamu'alaikum wa rahmatullaahi wa barakaatuhu ADAIK SALINGKA AGAK-AGAK Bahaso awak urang Minang lai sadar juo. Bahaso urang Minang ko lai baradaik lai takana juo. Bahaso adaik adolah kabiasaan jo kaanggunan, kajadi tando awak balain jo urang (dalam konteks awak sabandiang jo urang) lai pulo awak paham-paham bak kian. Tapi itulah, kadang-kadang awak ingin ‘nak labiah juo’. Ingin nak ‘tampil beda’. Mako dibueklah aa nan takana di awak. Aa nan ka rancak di awak. Aa nan katuju di awak. Indak paralu lai patimbangan jo pandangan urang (awak) nan lain. Kok ka heboh urang, manga lo no ka heboh. Awak jo urusan awak. Awak jo karajo awak. Mako jadilah adaik basando-sando. Iko contoh. Sadiah hati mamandang caro urang awak kini mamakai ‘caro-caro adat’ nan dikarajoan jo caro nan indak lazim. Tapi sadiah nan tapaso dilulua surang. Ka bangih indak dapek ka sia awak ka bangih. Ka ditagah, sia urang nan ka ditagah. Ka ditunjuak-i dimaa pulo awak ka dapek manunjuak-i urang. Sadiah awak mancaliak urang awak mamparalek-an anak gadih jo pakaian adaik Minang. Basuntiang bungo durian. Babungo-bungo ameh. Iyo baitu nan dibiasoan pakaian anak daro nan diparalek-an. Tapi.... Nan manjadian hati taibo.... Tibo di baju nan dipakai anak daro, indak saketek juo batenggang raso jo pareso urang Minang. Pakaian anak daro nan biasono anggun dalam baju kuruang nan sopan, kini di tuka urang jo baju nan ‘maaf’ indak patuik. Nan mampacaliak-an labiah dari nan paralu. Nan mampacaliak-an nan sabanano paralu diandok-an. Tampak lambah di dado anak daro. Astaghfirullah. Padohal kapalo bapakaikan suntiang nan jadi ciri / tando urang Minangkabau. Urang nan baradaik - bataratik. Urang nan saharusno baakhlak baagamo. Tapi ka baalah. Dek adaik kini diajadian urang salingka agak-agak. Wassalamu'alaikum (dalam ka prihatinan) Muhammad Dafiq Saib St. Lembang Alam Suku: Koto, Nagari asal: Koto Tuo - Balai Gurah - Bukit Tinggi 58 th / Jatibening - Bekasi --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
