BK (14) : Taolok Lidah Tasasek, tasakek, tasandek , itu kadang kato nan cocok digarihkan ka nasib badan diri, alah ba abih-abih, puro, oto ciek untuak manambang, rumah nan sapetak sadang bagadai kan, abih disapu aia gadang, anyuik dibaok lalu dek galombang, urang sadusun si Buyuang Koboy banyak nan marano, dek takadia nan alah tasurek di Aras, ditarimo jo ati nan lapang. Dalam pado itu, Buyuang Koboy sangaik pulo taraso maranonyo dek kampuangnyo nan talendo nantu, di bukaklah kacio di tangah rami urang Pasa Usang di Janjang Gudang disampiang Lapak Upiak Leba Upiak Leba Tuan Buyuang, kami dari amai-amai 'Pasa Usang' ko ikuik sadiah atas takadia nan datang ka nagari Tuan, iko saketek dari kami , ado nan maagiah salimuik, kain saruang, baju-baju jo saketek gabelo panambah kaisi paruik Buyuang Koboy Tarimokasih yo Piak, tapi baa ko indak pitih men Piak, kalau barang-barang co iko mambaoknyo agak sarik loh Piak Upiak Leba Kan samo se di Tuan tu, bekoh kalau pitih diagiah, ka Tuan balikan ka barang juo kan. Kini dalam bantuak barang disumbangkan dek amai-amai pasa ko. Buyuang Koboy Batua Piak, tapi untuak mangirimnyo kan paralu ongkoih pambaok bagai, dari ma ongkoinya di Kau Piak Upiak Leba Pikiakan lah di Tuan surang, alah maagiah urang, banyak genah pulo Tuan, kalau indak bia ka urang lain sajo kami lalukan. Takana di Ambo, Tuan kan indak ba-arato gai di Kampuang Tuan tu doh. Jan sampai banyak pulo sumbangan ko banyak 'taserak' di jalan, badoso gadang Tuan bekoh. Buyuang Koboy Co itu bana Kau Piak, ijan tuduah sumbarang tuduah Kau, bisa tanana Kau bekoh Upiak Leba Indak manuduah Tuan doh, tapi nan trip patamo patang Ambo danga, indak sampai sadonyo ka Kampuang Tuan doh Buyuang Koboy Itu lain di Kau tu Piak, indak bakurang, tapi mangaluakan nan hak tu mah. Kau lai baraja ugamo di Surau kutiko ketek kan. Urang nan mangumpuakan zakaik itu salah surang dari nan salapan nan berhak manarimo zakaik. Dek salapaan dapek 12.5 %. Uaden tukang kumpua kan, dapek Uaden 12.5%, jadi sah tu mah. Upiak Leba Tobaik Tuan, batanyo lah Tuan dulu ka nan cadiak, nan tantu itam putiah hukum ugamo, jan Tuan buek surang men, tasasek Tuan ko mah Buyuang Koboy Alah jaleh di Kau tumah, indak paralu Kau debaik Upiak Leba Indak di Tuan tu doh, patuik lah Tuan mintak sumbangan dalam bantuak pitih yoh, supayo bisa Tuan usak-i sarupo pikiran Tuan tu, manyo sumbangan tadi Ambo titipkan ka nan lain Buyuang Koboy Indak bisa doh Piak, 'taolok lidah' Kau bekoh Upiak Leba Oii Alai....., indak ado di Tuan go doh, ugamo Tuan main-mainkan.. DYEK Jakarta, 130409
--~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
