Mak Ngah ysh, Alhamdulillah tarimo kasih banyak Mak ateh informasinyo, dan lai banyak juo urang nan tau jo nagari ketek Pitalah. Namun mohon maaf ambo indak tau/kenal jo kawan Mamak tu karano wakatu ambo sikola SD di Pitalah, alun ado lai SMP Negeri Pitalah tu. Dan kini namo SMP Negeri Pitalah alah barubah manjadi SMP Neg.2 Batipuh, mungkin dek karano masuak kacamatan Batipuah barangkali. Tapi cubo ambo tanyo nanti ka urang tuo ambo nan kebetulan pensiunan guru di Pitalah.
Tarimo kasih banyak Mak Ngah, buliah lah awak jalin taruih silaturahim iko ? Ambo kini domisili di Jawa (Semarang), lai satiok hari rayo pulang mancaliak kampuang nan jauah dimato. Salam JHON HENDRY_________________ Rang Pitalah -----Original Message----- From: RantauNet@googlegroups.com [mailto:rantau...@googlegroups.com] On Behalf Of sjamsir_sjarif Sent: Tuesday, April 14, 2009 6:37 PM To: RantauNet@googlegroups.com Subject: [...@ntau-net] Re: Toloang Oh, Angku Jhon Hendry, Mambaco email angku, Rang Pitalah, ado ampek nan langsuang takana di ambo: 1. Kawan ambo, Zainal Abidin, guru SMP Negeri di Pitalah sasudah tammat SGA-Negeri Payokumbuah 1955. Baliau urang Bukik Surungan Padangpanjang. Sajak bapisah tahun 1955 tu kami indak panah basuo lai. Dimaa lah Bidin (baitu imbauan ambo) kini eh? Kok angku lai di Kampuang wakatu baliau masih maaja di sinan, mungkinkah angku tahu jo baliau? 2. Cairo, atau Al-Qahirah. Walaupun ambo lah panah ka sinan maengong-engong salamo 5 hari dalam pajalanan ka Makah tahun 2000, ambo indak basuo jo urang Indonesia doh. Ambo masuak Cairo tqabang dari San Jose, California via New York. Jadi indak tahu jo Abdul Rahim. 3. Katu ketek-ketek tahun 1945 kami lah tahu jo Pitalah walaupun kami alun panah ka sinan. Sabab takana di ambo katu pulang mangaji dari surau, pagi-pagi bajalan jo kawan-kawan katu ketek-ketek tu kami, kaji kamik lain pulo, bapantun-pantun: Den pai ka Pitalah Den bali Jawi Sirah, Den dabiah tabik darah, Den gulai tabik kuwah, Den imbau Haji Dualh, Mandoa maningadah, La ilaha illAllah, Muhammadan Rasulullah ... 4. Wakatu ambo kabatulan mangecek Bahaso Minang jo anak-anak ambo katu mereka ketek-ketek, di Oakland, California, ado Urang Awqak, Padusi mudo baru kawin jo suaminyo maampiai kami. Keceknyo, Apak Urang Awak yo? Takajuik ambo sasudsah inyo katoan inuyo dari Pitalah. Langsuang takanan pantun tu, ambo bacoan ka inyo. Tabasuik galaknyo, diapa-apanyo pantun tu. Sampai kini, bilo basuo jo Verna (namonyo) tu masih takana juo dinyo pantun dan partamuan kami partamu kali di dunia ketek nan takambang leba ko. Salam, --MakNgah Sjamsir Sjarif http://www.santacruzsentinel.com/localnews/ci_12030675 ***************************************** Sekarang Gratis Nelpon SLJJ Flexi diperluas ke Yogya ***************************************** --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---