PERKEDEL JAGUNG "ART ROCK"......JEPE
Ibu nan santiang mamapeh di Kota Batam, Ibu Dosen di Bengkulu, Ibu Dewi,
Ibu-ibu Bundo Kanduang Palanta RN dan Dunsanak nan sadang manyanda di Palanta
(Istilah nan santiang mamapeh tu) Balai Salasa RN.
Kapatang sore jadi juo ambo mambuek Perkedel Jagung..baa caritonyo..bapantun
"ecek-ecek" lah ambo dulu
Oii..Ricky capek lah gadang (ha,,ha,,ha si Ricky mah lah gadang dari dulu)
Baoklah ambo gungguang tabang
Kok angku ka Ranah Minang
Singgahlah makan di Sungai Tanang
Oii..Ricky capek lah gadang .. (Oiiii Jepe maksud elu..gadang melulu)
Bia awak hadang galanggang
Pargedel jaguang ambo sadang tajarang
Mambuek mato angku tabilalang ... (dek ..ingin mangudoknyo...ha..ha)
Oiii..Ricky capeklah gadang .(Jawek si Ricky : Oiii Yaung Jepe lah gadang ambo
mah )
Lah tibo angku di Padang ......(asaaallll...deee)
.............................
Lanjuiklah dek angku pantun ambo ko
Nan ambo yo angek damam paneh dek kuro jo dek sampu raso badan mambaco
postingan si Ibu nan santiang mamapeh tu bara kalamaknyo minggu kapatang makan
perkedel jagung udang saia hasil kreasinyo, alasannyo untuak camilan anaknyo
"si kembung" nan Ulang Tahun, ibarat sebuah pedang yang dimainkan Ibu Rina ko,
arah tusukan "Perkedel Jaguang Udang Saianyo" mengarah ka si Zaki, tapi
sabananyo pedang ko terhunus manusuak ambo. Membunuh pedang ini tidak, tapi
mematikan iya...........mematikan ?..lah jaleh iyo mancaraguik ambo
mambayangkan nyiam,,nyiam..nyam..nyam kecek si Rina.
Sasudah tu masuak lo Pergedel Jaguang Ibu Iffah, ambo ndak tahu apo inyo ikuik
lo menghunuskan Pedang ka ambo untuak mambantu si Rina, bia tusukannya
batambah mematikan ka ambo...bia batambah pangsannn ambo mambayangkan lamaknyo
perkedel jaguang si Rina, urang baduo ko tahu bana ambo sangaik cangok jo
perkedel jaguang buktinyo lah inyo tiru kecek ambo "Satu kurang, dua pengen
nambah, tiga sikat terus, empat hajar terus, lima..kandaskan...dst..dst.
Lah ambo bali jo "Condeleza Rice" ambo, jaguang manih di super market Minggu
sore sambia mambaok anak-anak bajalan-jalan. Ndak do lai sore patang pulang
karajo lah bajadi jo induak bareh ambo (condeleza rice mah bahaso amerikanyo)
mambuek adonan perkedel jaguang ko, bumbu/resepnyo yo ampiang samo sajo sarupo
Puisi Kuliner Uni Iffah tu dan caro si Rina mambuek perkedel jaguang udang saia
tu, tapi ambo kreasikan saketek adonan nan kental perkedel jaguang nan baagiah
tapuang bareh ko bakalincoan jo dagiang kornet jawi kalengan, jadi serpihan
dagiang kornet ko baserak-serak marato di adonan tu (Tabayang Bu Rina nan
santiang mamapeh,,?)
Ibaraik musik kok Perkedel Jaguang ala Ibu Iffah Genrenyo Musik Klasik dek
pusako kuliner mamanyo di Sungai Tanang jadul, kok perkedel jaguang si Rina
musik Pop Hip Hop dek pakai udang saia nan manggalatiang-galatiang di lauik,
nah perkedel jaguang ambo, ambo namokan PERKEDEL JAGUNG ART ROCK..dek ado
dagiang kornet Jawi sasuai lo aliran musik nan ambo suko.
Digoreng dikuali nan minyaknyo tergenang-genang, baru ka manyilam sajo adonan
perkedel jaguang ko..onde mak oiii..pakak sakali baun dapua dek harum bumbu
daun bawang bawang jo bawang putiah nan dihaluihkan ka dalam adonan tu. "Tutuik
lah jendela dapua awak tu Ma...sagan jo tetangga..pakak baunnyo lah sampai 500
meter mah..ha..ha..ha jaan pijayo lo..itu didramatisir sajo mah sanak alias ota
ambo sajo mah."
Ambo akui juolah, saroman bana parangai ambo jo si Rina nan gape mamanciang tu,
nan lah matang digoreng katiko dilatakan diateh /ditiriskan bakutia juo
senek-senek sambia mangicok raso garamnyo. la pas mah raso garam jo padehnyo
(ambo buek agak padeh dek Genre perkedel jaguang ko Art Rock), dek tangan ko
gata sajo kicok ka kicok taruih "Condeleza Rice" manyarankan dengan "segala
hormat"...di tunggu sajo lah..masak nan agak banyak beko dilatakan sapiriang
ketek untuak Abang, pai lah dulu manonton tipi jo anak jantan awak tu.
Ambo patuah sajo...lah indak baputa-puta sajo ambo lai di dapua, pai manonton
tipi ambo lai sambia bagalak-galak jo anak ambo laki-laki umua 3 tahun namonyo
Zidane (dek samo tanggal jo bulan lahia pesebak bola nan paliang ambo kagumi
sia lai kok ndak Zinadine Zidane, 23 Juni 1972 lahianyo) pas pulo di channel
Cartoon Network Tom and Jerry iko pilem karton hobi kami baduo tamasuak The
Pink Panther Show..nan mambuek urek galak ambo nyaris putuih manonton kartun ko.
25 Minik manjalang masuak wukatu shalat magrib di Pakanbaru, lah tibo sapiriang
ketek perkedel jagung art rock, ambo ituang ado sekitar 8 buah, ndak do lai pai
ambo duduak ka teras muko rumah jo Zidane untuak pandampiang "malutok" perkedel
jaguang ko minumnyo Aia Teh jalang angek-angek kuku sajo, indak lupo ambo
pasang handset (earphone) di talingo.
Ciek per ciek ambo nikmati parkede jaguang ko ..angek-angek tangguang taraso
bumbunyo nan complicated, raso jaguang nan manih-manih padeh ditingkahi lo raso
dagiang kornet jawi nan gurih, bia batambah "ngerock" makan perkedel jaguang ko
bapagotok lo lado kutu sagigik-sagigik ketek, ciek perkede jaguang ciek lo lado
kutu nan boneh..uiihhhh..trazaaa abezzzzzz...menggigit pedas dan enaknya
perkedel jagungku ini, padeh manggigik sadang taraso ko lansuang ambo semba aia
teh jalang angek-angek kuku ondehhh..pas bana katiko aia teh jalang dimuluik,
raso siso-siso perkedel nan lamak ko masih ado dimuluik didorong jo aia teh ko,
tibo dikarangkuangan..lain lo sensasinyo (tabayang Rinaaaaaaa...!!!!!!!!).
Sambia mangulek perkede jaguang ditalingo ambo sadang diputa lo lagu Art Rock
Klasik Led Zepellin yang berirama Rock Blues ndak ado lai si Ricky Miun tahu
bana mah jo lagu favorit ambo sajak jaman kuliah dulu, lagu LZ ko adolah Since
I've Been Loving You nan budarasi 7 Minik labiah..yo sabana gahar suaro Robert
Plant masuak petikan elektrik gitar Jimmy Page nan keren abisss oiiii.
Perkedel Jaguang ka ampek..mmm..masuak lo lagu Rock 'n Roll LZ, sasuai jo irama
lagunyo perkede jaguang dimuluik ambo malonjak-lonjak roken rol kecek urang
awak kulek badendang, manjalang habih perkedel jaguang nan kasalapan ditutuik
jo lagu maniessss LZ.... ALL MY LOVE...nan perkede jaguang 8 buah angek-angek
tangguang licin dipirin ketek, aia teh jalang angek-angek kuku..lah kandas lo
di galeh, Azan Magrib ka masuak lai. Latakan galeh jo piriang ka cucian, duduak
santai sejenak sambia manunggu magrib masuak..hallahhhh..masih ado juo ha
taraso di salo gigi lamak perkede jaguang art rock ko..tapaso mangulek-ngulek
ketek sajo.
Salapeh Magrib manjalang Isya makan malam ambo sangenek, sambanyo dek lah ado
perkedel jagung art rock dikombinasikan sajo jo samba akhir pakan nan tasiso
itu adalah sapek binguang balado hijau pacak-pacak jo goreang kantang manyalek
lo babarapo buah "pusako rimbo"..apo tu...itu ha Mr Jengki nan tuo alun mudo
lah talampau. Sayuanyo cah lalidi ala sea food...laladi darek..atau laladi akar
nan berderuk-deruk..kriyuk..kriuk nyess katiko dimakan sadang angek ¾ matang
abih di tumih/cah. (lai tabayang Rina..cepak cepong ambo...lai angek hati tu
Rin..he..he..he Awasssss Ya..lah baitu lo kecek si Rina mah..)
Sambia makan ko..baputa lo lagu dari Hape ambo nan babapasakan ka pangka
talingo head setnyo nan ketek tu lagu The Beatles nan Syahdu..ikonyo
The Long And Winding Road
..........................
Many times I've been alone and many time I 've cried
Anyway You 'll never know the many ways I 've tried
But, Still they lead me back, to the long and winding road
You left me standing here a long, long time ago
Don't leave me waiting here, lead me to your door
Cukuiklah carito "Perkedel Jaguang Art Rock" ambo, semoga Ibu nan santiang
mamapeh di subarang lauik dari Pakanbaru ko..batambah angek..ambo tunggu bana
to be continued nyo..Buek Sanak-sanak sadonyo nan suko jo seni kuliner salamaik
mambuek Perkedel Jaguang jo kreasi masiang-masiang...apopun "genre" perkedel ko
nan pantiang asa lai kreatif sajo...pasti lamak mah..Insya Allah
Wass-Jepe/Pku, 21/4/09
--~--~---------~--~----~------------~-------~--~----~
.
Posting yg berasal dari Palanta RantauNet ini, jika dipublikasikan ditempat
lain harap mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
- DILARANG: 1. Email attachment, tawarkan disini & kirim melalui jalur pribadi;
2. Posting email besar dari 200KB; 3. One Liner
===========================================================
Berhenti, kirim email kosong ke: [email protected]
Untuk melakukan konfigurasi keanggotaan di:
http://groups.google.com/group/RantauNet/subscribe
-~----------~----~----~----~------~----~------~--~---
